Hoseya 9:6 - Bhiblia Yo Sawuleka

⁶ Nguko wona taku vona va tsute ngu mhaka yo hoxotwa, kambe Egipta a na va amukela, Menfisi a na va tshotsha; kunavela ka silivhela yawe ku na fenengetwa ngu maxexwe, ni mipa yi na mila matendani kwawe.

Hoseya 9:6 Referans Kwoze

Hoseya 10:8

Se mimango ya Avheni, i ku txionho txa Israyeli yi na khundumuswa; mipa ni maxexo si na kula txitimwi ka siluvelo sawe; se va na kha vona ka mimango: Hi fenengeteni! Se ka simangwana: Welani txitimwi kwathu!

Isaya 5:6

Thembwe yi na maha txiwula, kha yi na mbi sakatwa, hambi kudimwa; kambe ku na mila txipopo ni mipa; ni na leleta marefu ti to ma si nisi nzuma txitimwi ka yona.

Hoseya 9:3

Ka ditiko da Mkoma kha mi na mbi zumba; kambe Efrayime a na tshumelela Egipta, ni Asiriya va na dya sakudya sa manyala.

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.

Hoseya 7:16

Vona va wuya, kambe kha va wuyeli Nyatxitimwi. Va ti mahile kufana ni wulaho wo kanganyisa; vathangeli vawe va dawa ngu ditxhari, ngu mhaka ya wulala wa lidimi lawe; atiya ti nava txisekiso ditikoni ka Egipta.

Isaya 7:23

Kambe ku na humelela ka ditshiku dileya, ti taku, makhalo otshe a mivhinya ya 1.000, yo dingana male ya 1.000 wa matxheleni a silivhela, ku na mila sipopo ni mipa.

Hoseya 11:11

Va nata va txi dhudhumela ku nga txinyana, va Egipta, ni ku nga txituvani va ditiko da Asiriya, kambe ni na va maha ve zumba tinyumbani kwawe, kuwomba Mkoma.

Hoseya 7:13

Dikhombo kwawe, nguko va ni tutumile; va na loviswi, nguko va ni lekile, ani ni va tirute kambe va hembile makuhu ngu ngani.

Isaya 34:13

Se tinyumbani kwawe ka wukoma ku na mila mipa, maxexo ni sihaha ka mikhokhola yawe; ku na maha dizumbo da vamwamilambo, ni m'hubhe wa sisondo sa timbuwu.

Isaya 32:13

Txitimwi ka ditiko da vathu vangu, ku na mila sihaha ni sitxhotxhota, kumweko ni txitimwi ka totshe tinyumba to tsaka ka tona, ka didhoropa di di ndakandakako ngu kutsaka.

Isaya 27:12

Se ku na maheka ka ditshiku dile taku, Mkoma e sengeleta mihando yakwe, kukhukhela milongani ka mnambo, kala ka mnambo wa Egipta; se anu vanana va ka Israyeli, mi na haphelwa, mmweyo-mmweyo.

Isaya 19:13

Vathangeli va Zowani va maha siphukuphuku, vathangeli va Nofe va kanganyisilwe; vona va na maha ti to Egipta e rerela, vona va i ku dirigwi da dikhona da tihunzu tawe.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Mavingu 24:31

wona taku yotshe thembwe yi ti ti tate ngu mipa, yi ti tshuletwe ngu mimwasi, madhawani ku ti wite diguma da marigwi.

Masalmo 107:34

wa hindula mafu o nona ma txi maha o savala, ngu mhaka ya wubihi wa vaaki va kona;

2 Vafumeli 13:7

Kha nga siya vathu votala ka Jehowakazi, hahanze ka mtxhanu wa magumi a vagadhi va mahantxhi, ni digumi da sikotxikani, ni 10.000 wa vavamna va kutsimbila ngu mikondo, ngako mfumeli wa Siriya a ngadi va khundumusile, e va tshinda va txi nga mpupu.

1 Samuwele 13:6

Va di ti woni koko vavamna va ka Israyeli to va xomuloni (nguko vathu va ti ti kamekile), vathu va to barama amu ka tiphako, ni amu ka mipa, ni hagari ka marigwi, ni amu ka sisima, ni maphalani,

Jeremiya 2:16

Hambi ni vanana va Nofa ni va Takapanesi va bhandile dithafurafu dako!

Jeremiya 42:22

Ti ziveni koko ngu ditshuri tito, mi na dawa ngu ditxhari, ngu nzala ni mtungu, konaho mi nga ya luvela kona.

Jeremiya 44:1

Dipswi di nga ta ka Jeremiya madingano ni votshe Vajudha va nga txi maneka ditikoni ka Egipta, kona Migidholi ni Tafinasi, ni Nofe, ni ditikoni ka Patrosi, di txi kha dona:

Jeremiya 46:14

“Zivisani ka Egipta, mi pfalisa tiya ka Migidholi, pfalisani kambe ka Nofe, ni ka Tafinesi, mi txi khanu: Ti henjelete ni ku ti vekisa, nguko, ditxhari di dyite asile si ku madhawani kwako.

Jeremiya 46:19

Ti longisele kuya wukhumbini, awe muaki, m'horana wa Egipta: Nguko Nofe, Memfisi, a na hasamulwa a txi hiswa, kha ku na mbi maneka hambi ni wo zumba.

Ezekhiyele 30:13

Mkoma Txizimu a khene: Kambe ni na khundumusela sithombe, ni kufuvisa sifananiso sa Nofe; kha ku na mbi ngadi kuva ni mthangeli wa ditiko da Egipta; ni na veka kuthava ditikoni ka Egipta.

Ezekhiyele 30:16

Se ni na dhivela mndilo Egipta; Simi a na pfa kupanda ka hombe, Nomi a na bhandiselwa, Nofe a na va ni kuxaniseka ditshiku ni ditshiku.

Hoseya 2:6

Ngu kumaha keto, wona taku ni na tsiva nzila yako ngu mipa, kambe ni na guleta diguma da makhukhu, kasiku asi mani tisoko takwe.

Hoseya 7:11

Nguko Efrayime a fana ni txituvani txo divala, txa kwa mbi na mapimo; va dhana Vaegipta, veya Asiriya.

Zefaniya 1:11

Pekani huwa anu vaaki va Makitesi, nguko votshe vathu Vakanana va gumile, votshe vanyatimale va hoxotilwe.

Levhi 26:33

Ni na mi hangalasa amu matikoni, ni txi mi fuvisa ngu matxhari, ditiko danu di na maha txiwula, madhoropa anu ma na maha marumbi.

Jeremiya 44:12

Ni na teka misalela ya Judha, va nga veka tikhohe tawe kuve va txi na wulela Egipta, kasi kuya luvela kona, se va na ya guma votshe ditikoni ka Egipta; va na hetwa ngu ditxhari, ni kufa ngu nzala; va na hetana kukhukhela ka mwanana kala ka wa hombe; ngu ditxhari ni nzala va na fa: Va nava txisekiso ni txixamaliso, txiruko ni txinyenyeko.

Jeremiya 44:13

Nguko ni na endela avale va manekako ditikoni na Egipta, nga kule ni nga endela Jerusalema, ngu ditxhari, ni nzala, ni mtungu.