Hoseya 9:3 - Bhiblia Yo Sawuleka

³ Ka ditiko da Mkoma kha mi na mbi zumba; kambe Efrayime a na tshumelela Egipta, ni Asiriya va na dya sakudya sa manyala.

Hoseya 9:3 Referans Kwoze

Ezekhiyele 4:13

Se Mkoma a to khene: Ngu toneto, vanana va ka Israyeli va na dya dipawu dawe da nzambwa, ka ni dihi ditiko di va no tshotshwa ka dona.

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.

Levhi 25:23

Mi nga xaviseni thembwe da magwito, nguko mafu ma lumba ani, anu mi valuveli, mi vapfhumba ka ditiko di mi nga aka ka dona, i ku dangu.

Jeremiya 2:7

Ni mi nehile ditikoni ko pfuna, kuva mi ta dya mihando ya kona ni kuzumbiseka ka dona. Aniko hale mi nga wulela ka dona mi di nyenyezisile ditiko dangu; ni thomba yangu mi yi mahile manyala.

Hoseya 7:11

Nguko Efrayime a fana ni txituvani txo divala, txa kwa mbi na mapimo; va dhana Vaegipta, veya Asiriya.

Dhaniyeli 1:8

Se Dhaniyeli a to xambanya mbiluni kwakwe ti to kha na mbi thuka e ti nyenyezisa ngu kudya sakudya sa mfumeli, hambi kusela vhinya yakwe; ngu kumaha keto, a to kombela kuvhunwa ngu mthangeli wa mithenwa ku asi ti nyenyezisi.

Jeremiya 16:18

Se kukhata ni na va tshumetela kumbidi wubihi wawe ni sionho sawe, nguko va nyenyezisile ditiko dangu ngu sirumbi sa manyala awe, kambe ngu sinyenyeko sawe va tatile thomba yangu.”

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

1 Vafumeli 9:7

sekoko ni na khundumusa Israyeli ka ditiko di ni nga mninga; se ka yiya nyumba ni nga yi sawulekisela ditina dangu, ni na yi tshotsha kule ni nani, se Israyeli a na maha wa kuwombwa ni kumimelelwa, hagari ka votshe vathu.

Dhewuteronome 28:63

Ngu toneto, kufana ni kuwa Mkoma a nga txi tsaka ngu ku mi mahela ta tinene, ni ku mi andisa, kufana ni toneto, a na tsaka kambe ngu kuva mi txi loviswa, mi txi fuva; nanu mi na dulwa mi txi humiswa ka ditiko di mi yelako kuya di teka.

Dhewuteronome 4:26

nyamsi ni maha ti to nzuma ni mafu, si txi va i di tifakazi tanu to mi wukela; ngako toneto ti txi maheka, ngu txikuluveta mi na ya lova ka donedo ditiko, adile anu mi yako kuya di fuma, ngako mi di txhatukile mnambo wa Jordhani; ka toneto, kha mi na mbi ya hanya ngutu ka dona, nguko ngu ditshuri, mi na ya loviswa.

Mithumo 10:14

Kambe Pedro a txi khene: “Txima kha ni na mbi dya, Mkoma! Nguko kukhukhela wutomini kwangu, kha ni dyi txilo txi txi yilako ni txi txi nga mbi basa.”

Mika 2:10

Khukhani mi tsula, nguko kha ku na mbi va hawa wukhalo wa kuhumula kwanu; ngu mhaka ya wukanganyisi wu hoxotako, ina, wu hoxotako kudotho-kudotho.

Hoseya 11:11

Va nata va txi dhudhumela ku nga txinyana, va Egipta, ni ku nga txituvani va ditiko da Asiriya, kambe ni na va maha ve zumba tinyumbani kwawe, kuwomba Mkoma.

Hoseya 11:5

Kha va na mbi tshumelela ditikoni ka Egipta, kambe Asiriya a na va mfumeli wawe; nguko va lamba kuhunduluka.

Hoseya 9:6

Nguko wona taku vona va tsute ngu mhaka yo hoxotwa, kambe Egipta a na va amukela, Menfisi a na va tshotsha; kunavela ka silivhela yawe ku na fenengetwa ngu maxexwe, ni mipa yi na mila matendani kwawe.

Joxuwa 23:15

Se kufana ni kuwa ma nga maheka otshe mapswi ale amanene a nga ma womba kwanu ene Mkoma, Txizimu txanu, nga toneto kambe Mkoma a na mi wuyisela sotshe sile so biha, kala kuza a txi mi fuvisa ka ditiko diya da dinene, adi Mkoma, Txizimu txanu, a nga mi ninga.

Dhewuteronome 28:68

Mkoma a na mi tshumeta mi tsula Egipta ngu ngalava, ngu nzila yile ni nga mi gela ni txi khani: “Khu na mbiswa u txi yi wona kambe!” Koneyo, mi na ya ti xayisa, vavamna ni vavasikati ka valala vanu, kasi ku mi maha tikhumbi, aniko kha ku na mbi maneka wo mi xava.

Levhi 20:22

Vekisani koko sotshe sileleto sangu, ni milayo yangu, mi txi yi londeta, kasi ku ditiko di ni mi yisako ka dona kuya zumba kona, di si mi kosi.

Levhi 18:28

Kasi ku ditiko diya di si mi kosi nanu, ngu kumaneka mi txi di nyenyezisa ngu kubiha kwanu, nga kule di nga kosa vaaki vale va nga hanya ka dona, na anu mi sinzi ku va ho.

Sidilo 5:6

Athu hi ti ningete ka Vaegipta ni Vasiriya, kasi kuva txi hi vhuna ngu sakudya so enela.

Hoseya 7:16

Vona va wuya, kambe kha va wuyeli Nyatxitimwi. Va ti mahile kufana ni wulaho wo kanganyisa; vathangeli vawe va dawa ngu ditxhari, ngu mhaka ya wulala wa lidimi lawe; atiya ti nava txisekiso ditikoni ka Egipta.

Amosi 7:17

Ngu toneto, Mkoma a womba tiya: Msikati wako a na geleza a di didhoropani, vanana vako vamahorana ni vanana vako va mazambi, va na wa ngu ditxhari, ditiko dako di na abaniswa ngu ngoti yo songa, awe u na fa ka ditiko do nyenyeza, aniko va Israyeli, ngu ditshuri va na tsuliswa wukhumbini, hahanze ka ditiko dawe.