Hoseya 9:14 - Bhiblia Yo Sawuleka

¹⁴ Va ninge, awe Mkoma; aniko u na va ninga txani kani? Va ninge mame wule a no tshumela ngu msana, wa titshumbu to oma.

Hoseya 9:14 Referans Kwoze

Luka 23:29

nguko ma nata masiku awa ku nota wombwa ti to va katekile vavasikati va i ku sifule, ni va va nga mbi veleka, ni va va nga mbi mamisa.

1 Vakorinto 7:26

Kunene, ani ni pimisa tito, ngu mhaka ya sikarato sa mbimo yiya, ndinene wamwamna a txi zumbisa toneto.

Luka 21:23

Va nava ni dikhombo va sirumbu ni va kumamisa ka oneyo masiku! Nguko ku nava ni kuxaniseka ka hombe ha mafuni, ni kuhenyelwa ku na wela ditiko diya.

Marku 13:17

Ku nava ni dikhombo ka va va ku ni sirumbu, ni va va mamisako ka oneyo masiku.

Matewu 24:19

Dikhombo da vavasikati va sirumbu ni da vale va nota maneka va txi mamisa ka masiku oneyo!

Hoseya 9:16

Efrayime a dawisilwe, m'twi wakwe u omile; va na mbi veleka mihando: Ina, hambi va txo veleka, ani na daya mihando yo dhundeka mndani kwawe.

Hoseya 9:13

Efrayime, ngu nga ti ni nga muwonisa tona Tiro, a phayilwe ka wukhalo wo tsakisa ngutu; kambe Efrayime a na yisa vanana vakwe ka m'dayi.

Hoseya 9:11

Ka Efrayime, wudhumo wakwe wu na puruma ku nga txinyana; kha ku na mbi va ni liveleko, kha ku na mbi va ni vanana, hambi sirumbu.

Jobe 21:10

Madhuna awe ma velekisela, kha ma phazami, tihomu tawe ta veleka kha ti txhisi.

Eksodha 23:26

Ditikoni kwanu kha ku na mbi vaho wamsikati wo onhekelwa ngu txirumbu, hambi awule i ku txifule, kambe ni na engetela mtengo wa masiku ako.

Dhewuteronome 28:18

Yi na ruketelwa mihando ya mbeleko yako, ni mihando ya thembweni kwako, marole a tihomu tako ni sinvutana sa tinvuta tako.