Hoseya 9:12 - Bhiblia Yo Sawuleka

¹² Hambi va txi ta wunja vanana vawe, ani ni na va tekela, ku si sali m'thu ni wammweyo; nguko dikhombo kwawe, ngako kambe vona va txi ni leka!

Hoseya 9:12 Referans Kwoze

Hoseya 7:13

Dikhombo kwawe, nguko va ni tutumile; va na loviswi, nguko va ni lekile, ani ni va tirute kambe va hembile makuhu ngu ngani.

Hoseya 9:16

Efrayime a dawisilwe, m'twi wakwe u omile; va na mbi veleka mihando: Ina, hambi va txo veleka, ani na daya mihando yo dhundeka mndani kwawe.

Dhewuteronome 32:25

Hahanze va na dawa ngu ditxhari, nyumbani va na dawa ngu dizowa; votshe va na fuva: Mazambi ni mahorana, vanana vo mama, hambi ni vo kumba va tinvi.

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Hoseya 9:13

Efrayime, ngu nga ti ni nga muwonisa tona Tiro, a phayilwe ka wukhalo wo tsakisa ngutu; kambe Efrayime a na yisa vanana vakwe ka m'dayi.

Sidilo 2:20

Awe Mkoma, wona! U txi wonisisa ti to i mani u mmahelako tiya. Ina vamame va fanete ku ti dyela vanana va va va randako, kani? Ina vaphaxeli ni vaprofeti va dingana kudawa va txi fela ka wukhalo wako, wo sawuleka kani?

Jeremiya 15:7

Ni va hehete ngu difoxola sidingeni ka matiko; vaveleki ni va honyote vanana vawe, ni lovisa vathu vangu. Nguko va nga mbi hunduluka tinzilani kwawe.

Jobe 27:14

Ngako vanana vakwe va txi maha votala, va na dawa ngu ditxhari, ni vatukulu vakwe kha va na mbi khura ngu dipawu.

2 Vafumeli 17:23

Kala kuza Mkoma e thavisa Israyeli masoni kwakwe, nga kule a nga nga womba ngu sithumi sakwe, i ku vaprofeti; a tekisilweto Israyeli e tsuliswa Asiriya, emo a manekako kona kala ka ditshiku da nyamsi.

2 Vafumeli 17:18

Ngu mhaka yeto, Mkoma a to henyela Israyeli, e mthavisa masoni kwakwe; kha ka sala ni wammweyo, hahanze ka lihunzu la ka Judha.

1 Samuwele 16:14

Se Moya wa Mkoma wu to khukha ka Sawule e sala a txi xaniswa ngu moya wo biha, wutako ngu ka Mkoma.

Valamuli 4:16

Bharake a to tutumisa vathu va yimbi kala Heroseti-wa-vamatiko. Dotshe dibutho da yimbi da Sisera di to xulwa, di txi khoziswa ngu ditxhari, ni wammweyo asi huluki.

Dhewuteronome 28:32

Vanana vako va mazambi ni vamahorana va na ningelwa ka yimwani mifumo; ni maso ako ma na ti wona toneto, ma txi dokovela ngu kuxuva wusiku ni mitshikari, aniko dianza dako di na pwata mtamo, di si sikoti kumaha txilo.

Mitengo 26:65

Nguko Mkoma a wombile ngu vona ti to ngu ditshuri va na fela txiwulani; se kha ka sala ni wammweyo, hahanze ka Kalebhi, mwana Jefoni, ni Joxuwa, mwana Nuni.

Jeremiya 6:8

Hunduluka, awe Jerusalema, kasi ni si ku tshuraleli, ni txi kumaha dirumbi, ditiko di kuwalo muaki.

Malakiya 2:12

Mkoma a na tutumisa m'thu wu a mahako eto matendani ka Jakobe, wule a wonelelako ni wule a xamulako, ni wule a ningelako siningo ka Mkoma wa Mabutho a Tiyimbi.

Mitengo 14:34

Nga ha mi nga heta mune wa magumi a masiku ngu kuxola ditiko, konkuwa mi na heta kambe mune wa magumi a malembe; nguko dilembe dimwedo di dingana ditshiku, kasi mi tiziva tito, kuhambana kwangu ni nanu nga kutxani!

Dhewuteronome 28:18

Yi na ruketelwa mihando ya mbeleko yako, ni mihando ya thembweni kwako, marole a tihomu tako ni sinvutana sa tinvuta tako.

Sidilo 2:22

U ni rambete votshe va ni va thavako vata nga ova ditshiku da m'buso. Ngu ditshiku da kuhenya ka Mkoma, kupwatekile ni wammweyo wo pshwitimuka, e huluka. Vanana va ni nga va kulisa ni ku va xayisa, mlala wangu a va hetile.