Biblia Todo Logo
Bib sou entènèt

- Piblisite -




Hoseya 9:10 - Bhiblia Yo Sawuleka

10 Ni mani Israyeli ku nga mauvha txiwulani, ni woni vatate vanu ku nga mihando yo khata ya mkuwu wo tewula; kambe vona va toya Bhahali-Peyori, veya ti ningetetela ka tximahetxo txa tingana, ve maha manyala kufana ni txile va nga txi randa.

Gade chapit la Kopi




Hoseya 9:10
32 Referans Kwoze  

Ani kha ni na mbi tsayisa vanana vanu vamahorana, vale va gelezako, hambi vamamanyani vanu, va txi maha wugango; nguko vavamna va kona ngu vona va ti pengisako ni magelegele, va phaxa kumweko ni vavasikati vo biha, se vathu vale va pwatako mapimo va na loviswa.


Nguko mtengo wa sizimu sako wu dingana ni wa madhoropa ako, awe Judha! Mi emisile magandelo a tingana me dingana ni tiruwa ta mu Jerusalema: I ku siluvelo so hisela kona dibaselo ka Bhahali.


Dikhombo kwangu! Nguko no nga tile ta kuhaphwa ka mihando ya malanga, ku nga va vo roletela msana ka kuhaphwa ka mauvha: Kha ku na txizangwa txa mauvha o dingana kudyiwa, hambi makuwu o navelwa ngu mbilu yangu.


“Ni na mninga mivhinya yakwe koneyo, ni mkova wa Akori, si maha txike txa kuthemba; se koneyo a na embelela kufana ni masiku a wuhorana wakwe, ni ku nga ditshiku dile a nga huma ngu ditikoni ka Egipta.”


Aniko va to ni wukela kha va lava ku ni engisa; ni wammweyo kha tshotsha kule manyala, hambi kuleka sithombe sa Egipta; sekoko ni to khani ni na theketa txiviti txangu, ni kombisa kuhenya kwangu txitimwi kwawe, hagari ka ditiko da Egipta.


Mi ningela miphaxo ya kudhumisa ya si so tshumbelwa, mi peka nyiwo ya miphaxo ya kutxhatxheka, mi huwelela; nguko eto ma ti dhunda, anu vanana va ka Israyeli, kuwomba Mkoma Txizimu.


Mbimo yile Israyeli i nga ti ti mfana, ani ni mrandile; se ni dhani mwanana wangu e huma ngu Egipta.


Mkoma a khene: Vathu va va nga huluka matxhari, va mani wuxinji txiwulani; ni na ya ninga Israyeli kuva e humula.


Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?


Se txiluva txa kuwa ngu ka wudhumo wa ku ti tshurisela kwakwe, txi ku ha msungo ka mkova wo nona, txi na fana ni dikuwu, na ku si se hoka malanga, adi daku a txi di wona m'thu, na a ti nado manzani, wa di mita.


Ngu toneto, ni va lekile ve maha kuranda kwawe ni kulondetela minavelo yawe.


Se ku to mahisa, (ku nga mhaka yo hehuka kutsimbila sionhoni ka Jerobhowamu, mwana Nebhate), kambe a to teka Jezabheli, mwana Etibhahali, mfumeli wa Vasidhoni, kuva msikati wakwe; se a to tsula eya thumela Bhahali, ni ku mkhozela.


Kukhukhela ka konako Gidhiyoni a to dhanwa ku i Jerubhahali, ngu kule Jowasi a nga khene: “Bhahali a na tivhikele ene apune, a txi lwa ni wule a nga khundumusela txiluvelo txakwe.”


Va mahile miphaxo ka madhimoni, na i si nga ka Txizimu; ni sizimu sile va nga mbi si ziva, sizimu sa siphya, si si nga mahwa kona kuwa, asile vatate vanu va nga mbi si thava.


Ene a mmani ditikoni ka txiwula, ka txiwula txa mafu a kuoma, txo tala ngu tihuwa; a m'bhiyete a txi mxayisa, a txi m'vekisa kufana ni ndolowani ya diso dakwe.


Maso anu ma ti woni, tile Mkoma a nga maha ngu Bhahali-Peyori; Mkoma, Txizimu txako, a lovisile hagari kwanu, votshe vale va nga londetela milayo ya Bhahali-Peyori.


Ngu mhaka yeto, makhatxa a kona, mbimosi mi no ma wona, ma na mi maha mi khumbula milayo ya Mkoma, kasi kuxayisa milayo tito, mi si londeti minavelo yo biha ya wugango.


Nji txani mi nga wuyelwa ngu txona ka sile konkuwa si mi thelako tingana kani? Nguko magwito a sona ngu lifo.


Avale va si wumbako, ve tshumela ve themba ka sona va na fane naso sona sithombeso.


Nguko tingana dyite mthumo wa vatate vathu. Kukhukhela hi di ngadi vaphya; tinvuta tawe ni tihomu tawe, sizambzana sawe ni sihoranana sawe.


Txirundu tximwetxo txi di ni maxanvu o tshura ngutu, o fana ni maxanvu awa o thangelela kuvitwa; tximwani txirundu txi di ni maxanvu o biha ngutu, ti si kotekiko ku ma txi dyiwa, nguko ma ti bihile ngutu.


Sa kusela sakwe si gumile, vona vaya masoni ngu ku timwalata; ngu ditshuri vathangeli vawe va randa tingana.


Yotshe mihando yo khata ya ditikoni kwako, ayi yi ningelwako ka Mkoma, yi na kulumba; ni votshe ava va mahako ta tinene va nyumbani kwako, va na dya sotshe.


Se va to hisa dibaselo ka sotshe siluvelo, madingano ni mifumo yile Mkoma a nga yi tutumisa masoni kwawe; kambe va to maha to biha kasi kuwusa kuhenya ka Mkoma.


I mani wu a kwelelako ngu txiwulani, kufana ni tiphande ta wutshi, a bhumulako mira ni dibaselo, ni tixaka ta totshe tipowa to bhumula kani?


Ahiweni hahatshi tinganani kwathu, hi fenengela tona, nguko hi onhete Mkoma, Txizimu txathu, athu kumweko ni vatate vathu, kukhukhela ha wuphyani kwathu kala nyamsi; kha ha engisa dipswi da Mkoma, Txizimu txathu.”


Ani ni kuzivete txiwulani, ka mafu a kuoma.


Swiv nou:

Piblisite


Piblisite