Hoseya 8:7 - Bhiblia Yo Sawuleka

⁷ Nguko va phayile mimoya, se va na funyela singulu, kha ku na thembwe; fulaho kha yi na mbi veleka mafaka; kambe ngako yi txi veleka mafaka, ona ma na dyiwa ngu vamatiko.

Hoseya 8:7 Referans Kwoze

Mavingu 22:8

Awule a phayako kubiha, a na elula sixaniso; se ndonga ya kuhenya kwakwe yi na funyelekela.

Jobe 4:8

Ani ni khala kuwona vale va dimako wubihi, ve phaya wubihi ni kutshumela ve elula.

Vagalatiya 6:7

Mi nga ti xengeni. Txizimu kha txi sakanelwi. M'thu ni m'thu a na elula asi a phayako.

Nahume 1:3

Mkoma wa swela kuhenya, aniko mbwa hombe amu ka mtamo wakwe, se ka muonhi, kha mmahi wo mbi na mnandu; Nzila ya Mkoma yi mu ka txingulu ni txihuhuri; se marefu lithulu la mikondo yakwe.

Hoseya 7:9

Vamatiko va mu haxulete ngu mtamo, kambe ene kha ti zivi; ni wunvi u mite txitimwi kwakwe, aniko ene kha ti zivi.

Hoseya 2:9

Ngu toneto, ni na mtekela mafaka angu, ngu mbimo yo funyela, ni vhinya yangu, ngu mbimo ya kona; ni na m'honyola matoya angu ni linyu yangu, sile a nga ti fenengeta ngu sona wumbwiri wakwe.

Jeremiya 12:13

Va phayile fulaho, va funyete mipa; va ti karatile walo. Mi na va ni tingana ngu mhaka ya kufunyela kwawe. Ni kuhisa ka txiviti txa Mkoma.

Isaya 66:15

Nguko wonani taku Mkoma a nata ngu mndilo; se sikotxikani sakwe nga singulu, kasi kuhundulusa kuhenya kwakwe kumaha txiviti, ni kukawuka kwakwe ku na fana ni midhikila ya mndilo.

Isaya 17:11

Ka ditshiku dile u no yi phaya, u na yi bhiyela, se ni mixo mbewu yi na mila; aniko sile so elulwa si na puruma ngu ditshiku da xomulo, ni da kupandiseka ka hombe ngutu.

Ekleziyaste 5:16

Eto ni tona wubihi wu wu tisako makhombo: Ti to ati a nga tisa tona, a na tshumelisa toneto; ni ti to se dibhindu muni a ku nado ngu kuthumela moya,

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

2 Vafumeli 15:19

Sekoko ku to humelela Puli, mfumeli wa Asiriya e lwisa ditiko; se Menayemi a to ningela ka Puli 1.000 wa titalenta ta silivhela, kasi ku dianza dakwe di txi mtsanisa, ni kutsanisa mfumo manzani kwakwe.

Dhewuteronome 28:33

Mihando ya thembweni kwako ni ya mithumo yako yotshe, yi na dyiwa ngu vathu vale u si va ziviko, kambe awe u na xaniswa u txi xuphwa otshe masiku.

Vagalatiya 6:8

Awule a phayako so tsakisa mtumbuluko wakwe wa nyama, a na elula so sina si humako ka mtumbuluko wakwe wonewo; aniko awu a phayako so tsakisa Moya, a na elula asi si humako ka wona Moya, i ku wutomi wo mbi guma.

Isaya 55:2

Mi xakelela txani male ka sile i singako sakudya kani? Ni mihando ya mthumo wanu, ka sile si si khurisiko kani? Ni engiseni kha kwati, mi nadya so tshamba, ni mihefemulo yanu yi na tsaka ngu so nona.

Sidilo 5:2

Thomba yathu yi ningetwe ka vamatiko, miti yathu yi tekilwe ngu vanyamthuyoyo.

Hoseya 9:16

Efrayime a dawisilwe, m'twi wakwe u omile; va na mbi veleka mihando: Ina, hambi va txo veleka, ani na daya mihando yo dhundeka mndani kwawe.

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

Genesisi 41:23

Se msana ka yile, ku to huma yimwani mihumbo ya mtxhanu ni yimbidi, ya miburu ya kuoma, ni kuhiswa ngu moya wa wutxani.