Hoseya 8:5 - Bhiblia Yo Sawuleka

⁵ Dirole dako, awe Samariya, di lambilwe; kuhenya kwangu kuturile txitimwi kwawe; Va na pwata mnandu kala ditshiku muni, kani?

Hoseya 8:5 Referans Kwoze

Hoseya 10:5

Vahanyi va Samariya va dhuswa ngu dirole da Bheti-Avheni, ngu kumaha keto, vathu va kona va na tilaya ngu mhaka yakwe, kufana ni vaphaxeli vawe (va nga ti tsaka ngu dona), se ngu mhaka ya wudhumo wu nga khukha ka dona.

Jeremiya 13:27

Ni wonile wugango wako, ni kudila ka kunavela kwako, wugango wako wo phindeletisa, amu mimangoni ni mu tithembweni. Dikhombo kwako Jerusalema! U na verela kala yihi mbimo na u si basiswi kani?

Mavingu 1:22

Anu siphukuphuku, mi na randa wuphukuphuku wanu kala yihi mbimo kani? Ni nanu vatseketseli, mi na randa kutseketsela kani? Se anu siphukuphuku mi na venga wuzivi kani?

Mithumo 7:41

Se ka ona ale masiku, va to wumba dirole ve phaxa mhamba masoni ka txithombe, ve khozela ngu kutsaka mthumo wa manza awe.

Hoseya 8:6

Nguko edo ngu dona dirole do mahwa ngu Israyeli; mtshuli a ngadi maha, hi nga Txizimu. Aniko dirole da Samariya di na funyetelwa di maha sihwika.

Jeremiya 4:14

“Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

Isaya 45:20

Sengeletanani, mi txita, tshuketani kumweko, anu mi nga huluka ka matiko; kha va zivi ta txilo ava va rwalako sithombe so vatwa, so mahwa ngu mapulango, kambe va khozelako ka txizimu txaku kha txi sikoti kuhanyisa.

Dhewuteronome 32:22

Nguko mndilo wa txiviti txangu wu turisilwe, kambe wu na tura kala kuhokomani ka wukhalo wa vafi, kambe wu na tura wu txi tshokomisa mafu ni mihando ya ona ni makhato a mimango.

Masalmo 19:13

Kambe hulukisa txithumi txako amu ko tikulisa; kasi ku ku si fumi kwangu; ngu kumaha keto, ni na va ni di thembekile, ni si nga ni txisolo ni txi ti hulukisa ka sionho sa hombe.

Jeremiya 48:13

Mowabhi a nave ni tingana ngu Kemosi, nga kule nyumba ya ka Israyeli yi nga pfa tingana ngu Bheteli, txithembo txakwe.

Hoseya 13:2

Se konkuwa va engetete sionho, ngu silivhela yawe va mahile txifananiso txo tshulwa, i ku sithombe madingano ni wutxhari wawe, sotshe mithumo ya mtshuli, va ku kha vona ngu sona: Vathu vale vaphaxako va nyunta marole.

Amosi 8:14

Ava va xambanyako ngu wubihi wa Samariya va txi kha vona: Ndinene ngutu kuhanya ka txizimu txako awe Dhani; kambe ndinene ngutu kuhanya ka nzila ya Bherisebha; vonavo va nawa, kha va na mbi khukha kambe.

2 Makronika 13:8

Konkuwa mi pimisa ti to mi na mana mtamo ka wukoma wa Mkoma, awu u ku diwokoni da vanana va Dhavhidha; anu mi vathu votala ngutu, nakona, mi ni marole a nzalama awa Jerobhowamu a nga mi mahela kasiku si va sizimu sanu.

Hoseya 10:8

Se mimango ya Avheni, i ku txionho txa Israyeli yi na khundumuswa; mipa ni maxexo si na kula txitimwi ka siluvelo sawe; se va na kha vona ka mimango: Hi fenengeteni! Se ka simangwana: Welani txitimwi kwathu!

Mika 1:7

Se sotshe sithombe sakwe so vatwa si na tshatulelwa, ni yotshe miholo yakwe yi na hiswa ngu mndilo, ni na fuvisa sotshe sithombe sakwe, nguko asi mani ngu mtengo wa wugelegele wakwe, se si na maha hakhelo ya digelegele.