Hoseya 8:12 - Bhiblia Yo Sawuleka

¹² Ni va bhalete wuhombe wa mlayo wangu, aniko kwawe eto ndimhaka ta kwa mbi vhuna txilo.

Hoseya 8:12 Referans Kwoze

Varoma 7:12

I di mlayo wu sawulekile, ni mthetho ni wona wu sawulekile, wu lulamile, kambe mbunene.

Varoma 3:1

Ti di mahile eto, atxi Mujudha a palako ngu txona vamwani ngu txihi kani?

Hoseya 4:6

Vathu vangu va lovisilwe, ngu kule va nga pwata wuzivi; nguko awe u lambile wuzivi, se nani na kulamba, kasiku u si mahi mphaxeli masoni kwangu; akule u nga divala mlayo wa Txizimu txako, nanani ni na divala vanana vako.

Ezekhiyele 20:11

Ni va ningile sileleto sangu, ni ku va komba milayo yangu, ngako m'thu a txi si londeta, a na hanya ngu sona.

Isaya 30:9

Nguko vathu vava mba kaneti, mbanana vo womba-womba makuhu, vanana vo mbi lava kuengisa Mlayo wa Mkoma.

Mavingu 22:20

Ina kha ni khali ku kubhalela timhaka ta tinene madingano ni sotshe sileleto ni wuzivi,

Masalmo 119:18

Tula maso angu, kasiku ni wona sidiwukiso sa mlayo wako.

Masalmo 50:17

na kuve khu tsaki, ngako ni txi kukawuka wo mbi khatala ngu mapswi angu kani?

Nehemiya 9:26

Hambi keto, kha va kuengisa, va to kuwukela, ve tshuralela mlayo wako, ve daya vaprofeti vako, va va nga ti ti womba-womba kwawe, ti to ve tshumelela kwako; se va to maha wubihi wa hombe.