Hoseya 8:10 - Bhiblia Yo Sawuleka

¹⁰ Hambi keto, hambi va txi rumela sihiwa ka mamwani matiko, ani ni na va sengeleta; se va khatile kuguma ngu mhaka ya mrwalo wa mfumeli wa vathangeli.

Hoseya 8:10 Referans Kwoze

Ezekhiyele 16:37

wona taku ni na sengeleta sotshe sigango sako, asile u nga patana naso, ni votshe vale u nga va randa, ni votshe vale u nga va nyenya, ni na va tshanganisa va txi kurandela ve kuwukela, ni na kombisa wumbwiri wako masoni kwawe, kasi kuve wona wumbwiri wako wotshe.

Hoseya 10:10

Ani ni na va tsayisa ngu mpimo wa kunavela kwangu; se matiko ma na va sengeletana me lwa navo, ngako va txi na sungwa ka sihambunyeto sawe.

Ezekhiyele 26:7

Nguko Mkoma Txizimu a khene: Wona taku Tiro ni na mtisela Nebhukodhonosori, mfumeli wa Bhabhilona, kukhukhela Wuphemba, mfumeli wa vafumeli, ni mahantxhi, ni sikotxikani, ni vagadhi va mahantxhi, ni vaheleketi, ni vathu votala ngutu.

Isaya 10:8

Nguko a khene: Vathangeli vangu votshe hi nga vafumeli kani?

Hagayi 2:6

Nguko Mkoma wa Mabutho a Tiyimbi a womba tiya: Msana ka mbimonyana, na i si nga kuswela, ni na maha ti taku nzuma, ni mafu, ni linene, ni mafu a kuoma, si txi zinginika;

Dhaniyeli 2:37

Awe mfumeli, u mfumeli wa vafumeli, awu Txizimu txa nzumani txi nga mninga mfumo, ni wuhombe, ni mtamo, ni wudhumo.

Ezekhiyele 22:20

Nga tile ku patiswako tona silivhela ni koporo, ni simbi, ni simbi yo nemela, ni mthovhu hagari ka txikho, kasi kufuteta mndilo txitimwi ka sona, kasi ku si txi patana, ni na mi patanisisa toneto kuhenyani kwangu ni mu ka txiviti txangu, se ni na mi leka koneho, ni mi nyekisa.

Jeremiya 42:2

va to ya ka mprofeti Jeremiya, va txi kha vona kwakwe: Ha kombela ti to u amukela txikombelo txathu, u txi hi kombelela ka Mkoma Txizimu txako, athu hotshe hi nga sala; hi vadotho hi nga sala ngako u ti wonako ngu maso ako:

Isaya 36:13

Rabhisake koko a to khukha a txi ema, e kwangula ngu dipswi do guleka ngu Txijudha, a txi khene: Hi nga pfani timhaka ta mfumeli wa hombe, ta mfumeli wa Asiriya!

1 Makronika 5:26

Ngu kumaha keto, Txizimu txa Israyeli, txi to dhana moya wa Puli, mfumeli wa Asiriya, ni moya wa Tigilati-Pileseri, mfumeli wa Asiriya, ti to ve yisa wukhumbini va ka Rubheni, ni va ka Gadhi, ni hafu ya lihunzu la ka Manasi; se va to va yisa ka Hala, ni ka Habhori, ni ka Hara, ni ka mnambo wa Gazani, kala ka ditshiku da nyamsi.

2 Vafumeli 17:3

A to lwiswa ngu Salmanaseri, mfumeli wa Asiriya, se Hoseya a to maha khumbi yakwe, ni ku mluva.

2 Vafumeli 14:26

Nguko Mkoma a woni to kuxaniseka ka Israyeli i ti ti ko nemela ngutu, kambe ku si nga ho kuhambana ka wo sungwa ni wo txhatxheka, hambi wo vhunetela Israyeli.

Ezekhiyele 16:33

Otshe mabhoyi ma hakelwa, aniko awe u ninga somaha ka sotshe sigango sako; kambe u mahela ti to va nate ngu ka otshe madhawa, ngu wugelegele wako.

Ezekhiyele 23:5

Se Ohola, na kuve mbwangu; kambe a randanile ni sigango sakwe sa Vasiriya, i ku vaakelani vakwe.

2 Vafumeli 17:4

Hambi keto, mfumeli wa Asiriya a mani txikungo txa Hoseya, nguko a ti rumete mitumi ka So, mfumeli wa Egipta, asi ngadi e luva kambe ka mfumeli wa Asiriya dilembe ni dilembe, nga kale; sekoko mfumeli wa Asiriya a to mkhotela mkorani.

Isaya 30:2

Va relelako veya Egipta, na va si wotisi txilo kwangu, kasi kuya ti tsanisa ngu mtamo wa Faro, ni kuveka themba yawe ka mtsudi wa Egipta!

Hoseya 12:2

Mkoma wa lwa ni Judha, kambe a na tsayisa Jakobe, madingano ni tinzila takwe; madingano ni mithumo yakwe a na m'hakela.