Hoseya 7:5 - Bhiblia Yo Sawuleka

⁵ Se ngu ditshiku da mfumeli wathu, vathangeli va to lwala ngu kuthumiswa ngu vhinya; Ene a to gwimba dianza dakwe ni vatseketseli.

Hoseya 7:5 Referans Kwoze

Isaya 28:1

Dikhombo ka m'bhoti wa kutikulisa ka madevi a ka Efrayime, ava wudhumo wa kutitshurisa kwawe wu fanako ni txiluva txi txiwako, txi ku ha msungo ka mkova wo nona, wa ku ti guletako ngu wona, wa va va nga xulwa ngu vhinya!

Vaefesu 5:18

Se mi nga leveni ngu vhinya, ayi ka yona ku ku ni mazunga, aniko talani ngu Moya;

Marku 6:21

Kambe di to hoka ditshiku da dinene, ahawa Herodha a nga mahela tinganakana takwe ni tinduna ta yimbi, ni va hombe va Galileya, m'buso wa kualakanya ditshiku da kuvelekwa kwakwe.

Matewu 14:6

Ngu ditshiku da kutshanganisa malembe a kuvelekwa ka Herodha, mwanana wa muhorana wa Herodhiya a sinyile hagari ka vathu, e tsakisa Herodha.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Mavingu 20:1

Vhinya mtseketseli, ni wusuke wu vangisa diguwa; ni wihi wule a ti ningetetelako ka wona, kha na mbi maha wo txhariha.

Mavingu 13:20

Hanya ni titxhari u na txhariha, aniko mngana wa siphukuphuku a na xaniswa.

Masalmo 69:12

Va womba-womba ngu ngani mu tinzilani ka didhoropa ni madevi ma embelela tindando ngu ngani.

Masalmo 1:1

A katekile m'thu wule asi wuleliko txikungoni ka vabihi, ni kwa mbi tsimbila nzilani ka vaonhi, hambi kuzumba ni vapoyileli.

1 Vafumeli 13:4

Ku to maheka ti to mbimo yi mfumeli a ngapfa dipswi da m'thu wa Txizimu a nga ti ruketela txiluvelo txa Bheteli, Jerobhowamu a to nawuluta diwoko txitimwi ka txiluvelo, a txi khene: Mñoleni! Aniko diwoko di di nga nawulutwa kwakwe di to oma, asi dikoti ku di wuyisa kwakwe.

Genesisi 40:20

Kha ditshuri, ka ditshiku da wuraru, i nga ti ditshiku da kutshanganisa malembe a kuvelekwa ka Faro, ene a to maha m'buso wo mahela vathangeli vakwe votshe, kumweko ni vathangeli va vatheleli vakwe va so sela, ni mthangeli wa vabhiki va mapawu akwe, hagari ka vathangeli vakwe votshe.

Isaya 28:14

Engisani koko dipswi da Mkoma, anu vatseketseli, mi fumelako vathu vava, va manekako Jerusalema.

Hoseya 7:3

Va tsakisa mfumeli ngu wubihi wawe, ni ngu makuhu awe va tsakisa vathangeli.