Hoseya 7:16 - Bhiblia Yo Sawuleka

¹⁶ Vona va wuya, kambe kha va wuyeli Nyatxitimwi. Va ti mahile kufana ni wulaho wo kanganyisa; vathangeli vawe va dawa ngu ditxhari, ngu mhaka ya wulala wa lidimi lawe; atiya ti nava txisekiso ditikoni ka Egipta.

Hoseya 7:16 Referans Kwoze

Hoseya 9:3

Ka ditiko da Mkoma kha mi na mbi zumba; kambe Efrayime a na tshumelela Egipta, ni Asiriya va na dya sakudya sa manyala.

Masalmo 78:57

Va tshumelete msana, ve eyisa Txizimu kufana ni vatate vawe; va ti jikisile kufana ni wulaho wo gombonyeka!

Ezekhiyele 23:32

Mkoma Txizimu a khene: U na sela digombe da mkomwako do tshima ni kuanama; u na va txiruko ni txisekiso; nguko di tate ngutu.

Masalmo 73:9

Va guleta mapswi ve wukela Nyatxitimwi va womba-womba kubiha ngu vathu va ha mafuni.

Hoseya 9:6

Nguko wona taku vona va tsute ngu mhaka yo hoxotwa, kambe Egipta a na va amukela, Menfisi a na va tshotsha; kunavela ka silivhela yawe ku na fenengetwa ngu maxexwe, ni mipa yi na mila matendani kwawe.

Masalmo 12:4

va txi kha vona: “Hi na xula ngu mapswi athu; kuwombawomba ha sikota. I mani a no hi xula kani?”

Mtuletelo 13:5

Txi to ningwa txisofu kasi kuwomba mapswi o eyisa ni o ruka Txizimu, ni mtamo wo thuma mbimo ya kudingana mune wa magumi a mitxima ni mitxima yimbidi.

2 Pedro 2:8

M'thu wuwa wo lulama, ngukuva a txi hanya hagari ka vabihi, a ti ti xaniseka mndani ka mbilu yakwe ya txithavo, ngu mhaka ya wubihi wuwa, ditshiku ni ditshiku, a nga txi wu wona ni ku wu engisa.

Jakobe 3:5

Kufana ni toneto, lidimi ni lona, hambiko i ku txihango txa txidotho txa mmidi, la ti dhumisa ngu mithumo ya lona ya hombe. Wonani mndilo wa wudotho, wu hisa txitinga txa hombe ngutu.

Luka 8:13

Ava va ku ha marigwini, ngu va va nga engisa dipswi, ve di amukela ngu kutsaka, kambe ve pwata mikoloti, va txi tumela ngu mbimoanyana; se ngu mbimo ya txiduko, va rereka.

Matewu 12:36

Ngu toneto, na mi gela ku khani: Totshe timhaka ta walo, ati va wombawombako vathu, va na ya ti xamulela ngu tona ka ditshiku da kuthethisa.

Hoseya 11:7

Nguko vathu vangu va wekelela ku ni leka, hambiko va dhanako Nyatxitimwi, kha ngaho kwawe a m'guletako.

Hoseya 7:13

Dikhombo kwawe, nguko va ni tutumile; va na loviswi, nguko va ni lekile, ani ni va tirute kambe va hembile makuhu ngu ngani.

Hoseya 6:4

Awe Efrayime ni na maha txani ngu ngawe kani? Na maha txani ngu ngawe, awe Judha kani? Nguko lirando lanu li fana ni direfu da mixo, ni ku nga mwando wa mabimbi-kutxa, wu kuluvetako kutshatsheka.

Ezekhiyele 36:20

Kambe, va di hokile ka matiko ale va nga ya ka ona, va to nyenyezisa ditina dangu do sawuleka, nguko ku ti ti wombwa taku: Avava mbathu va Mkoma, se va humile ditikoni kwakwe.

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

Jeremiya 3:10

Hambi keto, Judha, ndiyakwe wo mbi thembeka, kha wuya ngu mbilu yakwe yotshe, aniko ngu wuviyaku, kuwomba Mkoma.”

Isaya 3:8

Nguko Jerusalema a khavilwe ni ditiko da Judha di wite, nguko lidimi lawe ni mithumo yawe silwa ni Mkoma, ve sola wudhumo wakwe.

Masalmo 78:37

Timbilu tawe ti sa thembeka ka Txizimu hambi ni ka txitumelelano txa Txizimu, ti sa thembeka.

Masalmo 57:4

Moya wangu wu randetwe ngu tingonyamo, ti ti dyako vathu; makwasa a tona ma fana ni siholoma ni miseve se lidimi la tona li fana ni matxhari o lotwa.

Masalmo 52:2

U pimisa kumaha to biha dwe ka vamwani; lidimi lako li fana ni txigatxani txo hinda, li sika makuhu.

Masalmo 12:3

Va fuvise, Mkoma, vakanganyisi, ni votshe vale va wombawombako ngu kutikulisa,

Masalmo 17:10

Va bangisile mbilu yawe ngu mafura va womba-womba ngu kutikulisa.

Dhaniyeli 7:25

Se a na womba mapswi o wukela Nyatxitimwi, e hangalasa vasawuleki va Nyatxitimwi, kambe a na phemberusa timbimo ni milayo; vasawuleki va na ningelwa manzani kwakwe ngu mbimo yokari, ni timbimo, ni hafu ya mbimo.

Hoseya 11:5

Kha va na mbi tshumelela ditikoni ka Egipta, kambe Asiriya a na va mfumeli wawe; nguko va lamba kuhunduluka.

Malakiya 3:13

Mapswi anu ma ve o lwisa ngutu kwangu, kuwomba Mkoma; aniko anu mi khanu: Intxani hi nga womba-womba txona ngu ngawe kani?

Malakiya 3:14

Anu mi khanu: Kha ti vhuni txilo kuthumela Txizimu; ti hi vhunile txani kuxayisa sileleto sa txona, ni kutsimbila hi di ambate mizila ya txidilo masoni ka Mkoma wa Mabutho a Tiyimbi kani?

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Jeremiya 42:18

Nguko a womba tiya Mkoma wa Mabutho a Tiyimbi, Txizimu txa Israyeli: Nga ti ku nga thekelisa tona kuhenya kwangu ni txiviti txangu ka vale va zumbako Jerusalema, ku na thekelisa toneto kuhenya kwangu txitimwi kwanu, aha ni no wulela Egipta; mi na maneka mi txi ruketelwa, txixamaliso, txinyenyeko, ni kutxhipiswa, kha mi na mbi wu wona kambe wukhalo wuwa.

Hoseya 9:4

Kha va na mbi humesela vhinya Mkoma, hambi miningelo yawe kha yi na mbi mtsakisa; ka vona miphaxo yawe yi na fana ni sakudya sa txidilo; votshe vale va no sidya va na nyenyeziswa ngu sona, nguko sakudya sawe si na va so enela vona; kha si na mbi wulela Nyumbani ka Mkoma.