Hoseya 7:13 - Bhiblia Yo Sawuleka

¹³ Dikhombo kwawe, nguko va ni tutumile; va na loviswi, nguko va ni lekile, ani ni va tirute kambe va hembile makuhu ngu ngani.

Hoseya 7:13 Referans Kwoze

Hoseya 9:12

Hambi va txi ta wunja vanana vawe, ani ni na va tekela, ku si sali m'thu ni wammweyo; nguko dikhombo kwawe, ngako kambe vona va txi ni leka!

Hoseya 11:12

Efrayime ani randete ngu makuhu, ni nyumba ya ka Israyeli ngu wukanganyisi; kambe Judha a ngadi a txi fuma ni Txizimu kumweko ni Msawuleki wo thembeka.

Mtuletelo 8:13

Se konako ni to wona ni kuengisa ngungwa yi nga ti puruma txitimwi ha mpfhukani, yi kwangula ngu dipswi da hombe, yi txi: “Dikhombo, Dikhombo! Dikhombo ka vale va nga aka ha mafuni, mbimo yi yi no vetwa mipundu ya tingelozi ta tiraru ti ku ngadi ti txi na veta!”

1 Johani 1:10

Ngako hi txi womba ti to kha hi onhi, ho lumbeta makuhu Txizimu, se dipswi da txona kha di nga ho kwathu.

Matewu 23:37

“Jerusalema! Jerusalema! U dayako vaprofeti, u txi balisela ngu marigwi ava va rumelwako kwako! Nzi khati singani ni nga navela kusengeleta vanana vako nga kule ka khukhu yi fundamelako sisondwana sa yona ngu mabhapi, se awe u txi lamba!

Mika 6:4

Kha ditshuri ni mi humisile ditikoni ka Egipta, ni ka nyumba ya wukhumbi ni mi tirute, kambe ni vekile Mosi, ni Aroni, ni Meriamo, masoni kwanu.

Jona 1:10

Sekoko vavamna va to tala ngu kuthava ka hombe, va txi m'gela ku kha vona: U mahete txani awe toneto kani? Nguko va txi tiziva vavamna vale taku, a ti ko tutuma eya kule ni khohe ya Mkoma, nguko ene se a ti ti va gete.

Jona 1:3

Se Jona a to khukha e tutuma, a txi ya Tarxixi, kule ni khohe ya Mkoma, se mbimo yile a nga relela eya Jope, a to ya mana txitimela txa mati txi nga ti ti ya Tarxixi, sekoko a to xava dithikithi dakwe, e wulela mndani ka txona, kasi ku a txi tsula navo Tarxixi, kule ni khohe ya Mkoma.

Hoseya 11:2

Kambe ngako ni txi va dhana vona va ti nitshuralela; va ti ti phaxela ka va ka bhahali, ve hisela dibaselo sithombe so vatwa.

Hoseya 9:17

Txizimu txangu txi na va lamba, nguko kha va txi engisi; va na tsimbila-tsimbila hagari ka matiko va si thumi txilo.

Hoseya 7:3

Va tsakisa mfumeli ngu wubihi wawe, ni ngu makuhu awe va tsakisa vathangeli.

Hoseya 7:1

Mbimo yile ani ni nga kalamukisa Israyeli, se ku tumbutwe wubihi wa Efrayime, kufana ni wubihi wa Samariya, nguko va mahile ta makuhu, se dikhamba di wulela, kambe mtxawa wa sigevenga wu txipa kheno hahanze.

Ezekhiyele 34:6

Tinvuta tangu ti pengete ka yotshe mimango ni ka simangwana; ina, tinvuta tangu ti hangalakile, kotshe ha mafuni, ku si maneki wa ku ti wuyisa hambi kutsimbila e ti lava.

Ezekhiyele 18:25

Ma womba mi txi khanu: Nzila ya Mkoma hi nga yo lulama. Engisa koko awe nyumba ya ka Israyeli: Nzila yangu kha ya lulama kani? Hi nga tinzila tanu ti nga gombonyeka kani?

Ezekhiyele 18:2

Njitxani mi ku natxo anu, anu mi wombako txidinganiso madingano ni ditiko da ka Israyeli, mi txi khanu: Vatate va dyite mauvha amambisu, se makwasa a vanana ma pfite wutsila kani?

Ezekhiyele 16:23

Se ku to maheka msana ka wotshe wubihi wako: (Dikhombo! Dikhombo kwako! Kuwomba Mkoma Txizimu),

Sidilo 5:16

M'bhoti wa ha msungo kwathu wu wite! Se hi na txani, nguko hi onhile!

Jeremiya 42:20

Nguko anu mipune mi ti kanganyisile, mbimo yile mi nga ni ruma ka Mkoma, Txizimu txanu, mi txi: Hi kombelele ka Mkoma, Txizimu txathu, u nata hi gelisa toneto, hi na maha;

Jeremiya 14:10

Mkoma a womba ngu ditiko diya, a txi khene: Va dhunda kupeperukela nga tiya, kha va ti ñola kutsimbilani kwawe; ngukonaho, Mkoma kha tsakiswi ngu vona; se a na alakanya wubihi wawe, e tsayisa sionho sawe.

Isaya 63:8

Nguko Mkoma a ti ti khene: Kha ditshuri, vona i vathu vangu, vanana va va na kwa mbi womba makuhu. Ngu toneto, ene a to va Muhanyisi wawe.

Isaya 59:13

hi nga hambukisa kutxani, hi hembela Mkoma, hi khukha ka Txizimu txathu, ni kuwombawomba to xanisa vamwani hi hundulukela kwako, makungo athu ni tile hi ti wombako, makuhu dwe.

Isaya 43:1

Se konkuwa, kuwomba Mkoma, wule a nga kuvanga, awe Jakobe, kambe a nga kuwumba awe Israyeli, a khene: U nga thave, nguko ani ni ku tirute; ni kudhani ngu ditina dako; awe u wangu.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

Isaya 31:1

Dikhombo ka vale va relelako Egipta kuya kombela kuvhunwa; kambe va thembako mahantxhi! Va ku ni themba ni sikotxikani, nguko i ku sasingi, ni vagadhi va mahantxhi, nguko mba mtamo ngutu; va singako ni mhaka ni Msawuleki wa ka Israyeli, kambe kha va lavi Mkoma.

Masalmo 106:10

Ngu toneto, txi va hulukisile ka vale va nga ti va venga txi va tirula mtamoni ka valala.

Jobe 22:17

Va ti ti kha vona ka Txizimu: Khukha ahawa kwathu. Se nji txani a nga hi mahela, awu wa Mtamo-wotshe kani?

Nehemiya 1:10

Avava i ngadi sithumi sako, ni vathu vako, avale u nga va tirula ngu mtamo wako wa hombe, ni dianza dako da mtamo.

Dhewuteronome 15:15

Alakanya ti to na nawe u ti ti khumbi ditikoni ka Egipta, ni ti to Mkoma, Txizimu txako, a ku tirute; ngu mhaka ya toneto, ani na kuninga mlayo wuwa nyamsi.

Jeremiya 7:15

Ni na mi tutumisa masoni kwangu, ngako ni hinganako ni ti tutumisile tindiyanu totshe, lihunzu lotshe la ka Israyeli.

Jeremiya 51:9

Hi duketile ku mu hanyisa Bhabhilona, aniko kha kalamuka. Mlekeni, mmweyo ni mmweyo a na tsule ditikoni kwakwe: Nguko kulamulwa kwakwe kuhokile nzumani, ka marefu a txitimwi ngutu.

Mika 6:12

Nguko vanyatithombe kona va tate ngu kulwisa, kambe vahanyi va kona va womba-womba makuhu; se lidimi lawe la kanganyisa mkanani kwawe.

Isaya 30:1

Dikhombo ka vanana va i ku vakaneti, kuwomba Mkoma, ava va nga mana wudhota, va si wu mani kwangu! Kambe va nga ti vhikela ngu txivhikelo txova i si nga Moya wangu, kasi kuengetela txionho ka txionho.

Isaya 30:2

Va relelako veya Egipta, na va si wotisi txilo kwangu, kasi kuya ti tsanisa ngu mtamo wa Faro, ni kuveka themba yawe ka mtsudi wa Egipta!

Hoseya 5:7

Ngu wubihi va ti hambukisile ka Mkoma, nguko va velekile vanana va wugango; se konkuwa, mtxima wo ngadi kumeka, u na va lovisa ni tithembwe tawe.