Hoseya 6:7 - Bhiblia Yo Sawuleka

⁷ Kambe vona va ndakile txitumelelano kufana ni Adhamu; se vona va tsimbite ngu nzila yo ni kanganyisa.

Hoseya 6:7 Referans Kwoze

Hoseya 8:1

Veka mpundu ha txisofu kwako. Ene wata kufana ni digama ku ta wukela Nyumba ya Mkoma, nguko va lekile txitumelelano txangu, kambe ve wukela mlayo wangu.

Hoseya 5:7

Ngu wubihi va ti hambukisile ka Mkoma, nguko va velekile vanana va wugango; se konkuwa, mtxima wo ngadi kumeka, u na va lovisa ni tithembwe tawe.

Jeremiya 9:6

U akile hagari ka wukanganyisi, ngu mhaka ya wukanganyisi va lamba ku ni ziva, kuwomba Mkoma.

Jobe 31:33

Se ngako ni di khubhunyetile sihambunyeto sangu ngako ni ku m'thu, ni sisa tingana tangu masoni kwangu,

Genesisi 3:11

Se Txizimu txi ti kha txona: “I mani a nga kugela ti to u tximbwiri kani? U to dya sa mndonga wule ni nga kutsimba kudya sa wona kani?”

2 Vafumeli 17:15

Se va to lamba sileleto ni txitumelelano a nga ti txi mahile ni vatate vawe, ni wufakazi wule va nga ti mahile vatate vawe, va to tsimbila ngu wukanganyisi, na i ti maphanga, kufana ni mifumo yile yi nga ti ti madhawani kwawe, ayile Mkoma a nga ti ti va gete ku va nga yi londete.

Genesisi 3:6

Se wamsikati a to wona tito, mndonga wule mbwa wunene kuwudya, ni ti to wa tsakisa ku wu wona, mndonga wa kunavetisa, wo dingana kuninga wuzivi; a to hapha muhando wa mndonga, e dya; se ngu msana a to ninga mwamna wakwe, a nga ti nayo hafuhi, nene a to dya.

Vahebheru 8:9

Kha txi na mbi fana ni txitumelelano txi ni nga txi maha ni vatate vawe, ka ditshiku di ni nga va ñola ngu diwoko, ni va humisa ditikoni ka Egipta. Nguko, vona kha va vekisa txitumelelano txangu; ngu toneto, kha na va khatalela, kuwomba Mkoma.

Jeremiya 31:32

Hi nga txitumelelano txo fana ni txi ni nga maha ni vatate vawe, ka ditshiku dile ni nga va ñola ngu dianza, kasi ku va humisa ngu ditikoni ka Egipta, se vona va txipisile txitumelelano txangu, hambiko ani ni ngadi va thembisile, kuwomba Mkoma.

Jeremiya 5:11

Nguko nyumba ya ka Israyeli ni nyumba ya ka Judha ti ni ongile ngutu, kuwomba Mkoma!”

Jeremiya 3:7

Ani ni txi alakanya ku khani: Msana ko a di mahile totshe tiya, a na wuya kwangu. Aniko kha wuya. Sekoko Judha ndiya yakwe yo mbi thembeka, a to ti wona.

Isaya 48:8

Hambi awe khwa tipfa, hambi ku tiziva, ni ka kudotho kukhukhela kale kha ya tulwa nzeve yako, nguko ani ni txi tiziva taku, khu na kuthembeka, ni ti to u txi ndaka-milayo kukhukhela mndani ka mame wako.

Isaya 24:16

Kukhukhela magwito ka mafu, hi pfite kuembelala, kaku: Wudhumo ka wule wo lulama; aniko ani ni khani: Na goma, na goma, dikhombo kwangu! Vakanganyisi va kanganyisa, ina, vakanganyisi va kanganyisa.

Isaya 24:5

Kha ditshuri, mafu ma nyetilwe ngu vaaki va ona, nguko va ndaka milayo, ve txitxelela sileleto, kambe va funya txitumelelano txa kala kupinduka.

Varoma 5:14

Ti di ngeto, lifo li fumile kukhukhela ka Adhamu kala mbimo ya Mosi; li va fumile hambi vona vale va nga ti sa maha txionho txo fana ni txa Adhamu, awu i nga ti mfanekiso wa wule a nga ti ngadi a txi ta,

Jeremiya 34:18

Kambe ni na ningela vathu vava va nga hambunyeta txitumelelano txangu, va nga mbi xayisa sileletelo sa txitumelelano txi va nga txi maha masoni kwangu, aha va nga bhanda dirole ngu hagari ve pinda ngu hagari ka sipande sa kona;

Dhewuteronome 31:20

Nguko mbimo yi ni no va hokisa ka ditiko dile di khulungako masi ni wulombe, adile ni nga thembisa ngu txixambanyo, ka vatate vawe, vona va na dya va txi khura, va na ena, kambe va na tshumelela ka simwani sizimu, va txi si khozela, va txi ni nyenya va txi hambunyeta txitumelelano txangu.