Hoseya 6:5 - Bhiblia Yo Sawuleka

⁵ Ngu toneto, ni va pekile ngu vaprofeti; ni va date ngu dipswi da txisofu txangu; kambe kulamula kwako ku na humelela kufana ni kuwonekela.

Hoseya 6:5 Referans Kwoze

Jeremiya 23:29

Ina mhaka yangu kha yi fani ni mndilo kani? Kuwomba Mkoma! Kha yi fani ni hamela yi bhandako marigwi kani?

Jeremiya 1:10

Wona, ka diya ditshiku, ni kuveka txitimwi ka matiko ni mifumo, kuva u dula ni kukhundumusa, kuhasamula ni kuwisa, kuaka ni kuphaya.”

Jeremiya 5:14

Ngu konaho, Mkoma, Txizimu txa Mabutho a Tiyimbi, a khene: Ngako va nga womba mhaka ya ku nga tiya, wona taku ni na phemberusa mapswi angu me maha mndilo txisofuni kwako, se vathu vava ve maha tikhuni, se vona va na tshokomiswa.

Vahebheru 4:12

Dipswi da Txizimu da hanya, di ni mtamo. Da hinda kupinda ditxhari do lotwa ka otshe madhawa, dona da milela mndani, kala kuya abanisa mmidi ni moya, kala kuya thola matshanganoni ka marambu ni mndani ka wuluvi, di ya tumbula mialakanyo ni makungo a mbilu.

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Mtuletelo 9:21

Kha va hunduluka kambe ka wugevenga wawe, ni ka matiloti awe ni ka wugelegele wawe ni ka wukhamba wawe.

Mtuletelo 9:15

Ku to thuswa tingelozi ta mune ti nga ti lulamisetwe txikhati, ni mtxima ni dilembe kasiku ti daya didhawa da wuraru da vathu.

Mtuletelo 2:16

Ngu konaho, hunduluka. U si hunduluki, na kuluveta ni txi ku tela, ni ta lwa navo ngu ditxhari da txisofu txangu.

Mtuletelo 1:16

Ka dianza dakwe da txinene a ti ñote mtxhanu wa tinyeleti ni timbidi, ngu txisofuni kwakwe ku ti huma ditxhari do hinda, da kulotwa khe ni khe. Ni khohe yakwe yi ti khetima nga ditambo da mitshikari.

Mithumo 7:31

Sekoko Mosi ngako a txi wona tiya, a to xamala; se ngako a di tshuketile hafuhi kasiku e wonisisa, ku to pfala dipswi da Mkoma, di txi kha dona:

Zefaniya 3:5

Mkoma a lulamile hagari ka dona; ene kha mahi to biha; mixo ni mixo a wuyisa wululamo wakwe hakubasani; kha dhuki a txi pwateka; hambi keto, wa kubiha kha nga ni tingana.

Ezekhiyele 43:3

Se zumbelo ya txiwoniso txi ni nga txi wona, i ti yofana ni txiwoniso txi ni nga ti txi woni mbimo yile ni ngata khundumusa didhoropa; kambe i ti siwoniso so nga txi ni nga txi wona hafuhi ni mnambo wa Kebhari; se ni to wa ngu khohe yangu.

Ezekhiyele 3:9

Mbanza yako ni yi mahile yi fana ni dhayimani, yi bangi ngutu kupinda dirigwi; u nga va thave koko, hambi ku tunywa ngu tikhohe tawe, nguko mba nyumba yo eyisa.

Jeremiya 13:13

Sekoko u na khawe kwawe: Mkoma a khene: Wonani tito, votshe va zumbako ka diya ditiko, ni vafumeli va va zumbako ha txikhaloni ka mfumo wa Dhavhidha, ni vaphaxeli ni vaprofeti, ni votshe va va zumbako Jerusalema, ni na va levisa.

Jeremiya 1:18

Nguko nyamsi ni kuvekile kufana ni dikhokhola da mtamo, phande ya txikete, ni diguma da msuku masoni ka ditiko dotshe, masoni ka vafumeli va ka Judha, ni vathangeli vawe, vaphaxeli vawe, ni vathu va ditiko.

Isaya 58:1

Huwelela ngu dipswi do guleka, u nga malale, guleta dipswi kufana ni mpundu; kambe zivisa vathu vangu wuhambunyeti wawe, ni va nyumba ya ka Jakobe sionho sawe.

Isaya 11:4

kambe a na lamula sisiwana ngu kululama, ni timhaka ta vale vo thutha ha mafuni, a na wila ngu kululama, a na peka mafu ngu donga ya txisofu txakwe, e fuvisa vabihi ngu kufuteta ka txisofu txakwe.

Masalmo 119:120

Mmidi wangu wa dhudhumela ngu dizowa masoni kwako, ngu txithavo txi ni ku natxo ka mithetho yako!

Masalmo 37:6

Ene a na wonekelisa kululama kwako ni fanelo yako kufana ni ditambo di woningako ni mitshikari.

Jobe 34:10

Ngu kumaha keto, anu vavamna va mapimo, ni engiseni: Kambe kule ni Txizimu wubihi, kule ni wa Mtamo-wotshe, wuhambunyeti.

2 Makronika 21:12

Sekoko mprofeti Eliya a to bhalela Jehoramu, a txi khene: Mkoma, Txizimu txa tate wako Dhavhidha a khene: U lekile kutsimbila ngu tinzila ta Josafati tate wako ni ta Asa mfumeli wa Judha,

2 Vafumeli 1:16

Se a to khene kwakwe: Mkoma a khene: Njitxani txi nga kumaha awe mfumeli u rumela mitumi kuya wotisa ka Bhahali-Zebhubha, txizimu txa Ekroni kani? Ina kova walo Txizimu amuwa Israyeli, kasi ku wotisa timhaka tako kani? Ngu kumaha keto khu na mbi txhika ngu ha m'bhedhuni hawa, kha ditshuri u na fa.

1 Vafumeli 19:17

Se ku na maheka ti to awule a no huluka ka ditxhari da Hazayeli, a na dawa ngu Jehu, se awule a no huluka ka ditxhari da Jehu, a na dawa ngu Elixa.

1 Vafumeli 18:17

Se ku to maheka ti to mbimo yile Akabe a nga wona Elija, a to khene kha Akabe: Ngawe mkhulumeteli wa Israyeli kani?

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

1 Vafumeli 14:6

Ku to maheka ati to mbimo yile Ayasi a nga pfa sigingo sa mikondo yakwe na a txi wulela ngu txike, ene a to khene: Wulela, awe msikati wa Jerobhowamu! Se wo ti mahisa ngeto ngu txani kani? Ni rumetwe kwako ni mahungu o nemela.

1 Samuwele 15:22

Kambe Samuwele a to khene: Ina Mkoma a tsakiswa ngu miningelo ya kuhiswa ni miphaxo, kupinda kuengisa dipswi da Mkoma kani? Wonani taku kuengisa kutshuko kupinda mphaxo; ni kupfisisa kutshuko kupinda mafura a tihamba.

1 Samuwele 13:13

Sekoko Samuwele a to khene ka Sawule: U mahile wuphukuphuku! Kambe khu ya xayisa mlayo wule Mkoma, Txizimu txako txi nga kuleleta wona. Nguko konkuwa Mkoma a di na tsanisa mfumo wako txitimwi ka Israyeli kala kupinduka.

Genesisi 18:25

Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

Vaefesu 6:17

Amukelani kuhanyiswa ku txi maha txidgoko txanu ha msungo, se dipswi da Txizimu di txi maha ditxhari danu da Moya.

1 Samuwele 15:32

Sekoko Samuwele a to khene: Tisani Agage ahawa, mfumeli wa Vaamaleki. Se Agage a toya kwakwe a di tsakile; se a txi khene: Kha ditshuri kupandiseka ka lifo kupindile.

1 Samuwele 15:33

Aniko Samuwele a to khene: Kufana ni kule ditxhari dako di nga dayela vanana va vavasikati, ngu kumaha keto mwamwako nene a na dawa mwanana wakwe kufana ni vona. Sekoko Samuwele a to gangela Agage masoni ka Mkoma, kona Giligali.

Ezekhiyele 32:18

Awe mwanana wa m'thu, peka huwa ngu dibutho da Egipta, u txi di releta, dona ni vanana vamahorana va matiko a mtamo, va txi ya hahatshi ngutu ka mafu, ni vale va relelako diphalani.

Jobe 15:30

Kha na mbi huluka txidema; m'dhikila wa mndilo wu na omisa sile si thungako, se ngu kufuteta ka Txizimu, yi na hangalaka.

Ezekhiyele 11:4

Ngu kumaha keto, profeta u txi va sola; profeta awe mwanana wa m'thu.