Hoseya 6:11 - Bhiblia Yo Sawuleka

¹¹ Na nawe Judha kufunyelwa kwako ku emisetwe, mbimo yile ani ni no humisa vathu vangu ngu wukhumbini.

Hoseya 6:11 Referans Kwoze

Joyeli 3:13

Rinzani disikela nguko timbewu ti vitilwe; ngonani, relelani, nguko dipipa di tate ni mapipa ma thekelela; nguko wubihi wawe mbwa hombe.

Jeremiya 51:33

Nguko a khene kha Mkoma wa Mabutho a Tiyimbi, Txizimu txa Israyeli: Mwanana wa dihorana wa Bhabhilona a fana ni wukhalo wo hula ka wona ngu mbimo yo funyela: Ngu mbimo yayidotho ku na hoka kuelula.

Jobe 42:10

Msana ka kuva Jobe a ti kombelete vangana vakwe vavararu; Mkoma a to engetela so tala, kambidi ka sotshe sile Jobe a nga ti ti naso ngu kale.

Mtuletelo 14:15

Konako yimwani ngelozi yi to huma ngu Dithepeleni, yi txi kwangula ngu dipswi da hombe ka wule a nga ti khalahatshile ha direfuni, yi txi kha yona: “Teka sikela yako u txi elula. Yi hokile mbimo ya kuelula, nguko thembwe ya mihando ya ha mafuni yi vitute.”

Zefaniya 2:7

Mabambe mule ku na lumba miboti ya nyumba ya ka Judha, kuva va txi dyisela kona sifuyo; ni minova va na ya otela tinyumbani ka va ka Axikaloni, nguko Mkoma, Txizimu txawe, a na va endela, kambe a na va tshumetela tikhumbi tawe.

Mika 4:12

Aniko kha va ma zivi mapimiselo a Mkoma, kambe kha va pfisisi kukawuka kwakwe, nguko a va sengeletile ku nga mafaka a mu txizendani.

Masalmo 126:1

Mbimo yi Mkoma a nga wuyisa vanana va Siyoni, ngu kupayulwani i ti ku nga ho lora.

Masalmo 85:1

Mkoma, awe u katekisile vathu vako. U tshumetete ka Israyeli tithomba takwe.

Jeremiya 30:10

U nga thave koko, awe txithumi txangu Jakobe, kuwomba Mkoma, kambe u nga xamale, awe Israyeli; nguko ni na kuhumisa ka matiko a kule, ni vanana vako, ngu ditikoni ka wukhumbi wawe; se Jakobe a na wuya, e ta humula, kambe a na zumbiseka, kha ku na mbi vaho wo m'dhukisela.