Hoseya 6:10 - Bhiblia Yo Sawuleka

¹⁰ Ni wona timhaka to thisa ngutu nyumbani ka va ka Israyeli: Efrayime a maha wugelegele konemo, Israyeli a ti nyenyezisile.

Hoseya 6:10 Referans Kwoze

Hoseya 5:3

Ani na m'ziva Efrayime, ni Israyeli kha sisali masoni kwangu; nguko konkuwa, awe Efrayime, u mahile wugelegele, se u ningetile Israyeli.

Jeremiya 23:14

Aniko ngu ka vaprofeti va Jerusalema ni woni silo so thisa ngutu: Vona va maha wugango, ve hemba makuhu; ve tsanisa mawoko a vamahi va kubiha, kasi ku si hunduluki ni wammweyo amu ka wubihi wakwe; kwangu, va fana ni Sodhoma, vaaki va Jerusalema va fana ni Gomora.

Hoseya 4:17

Efrayime a ningetwe ka sithombe; mlekeni.

Hoseya 4:11

Kha mbi ti ñola, ni vhinya, ni wusuke si thavisa mapimo.

Ezekhiyele 23:5

Se Ohola, na kuve mbwangu; kambe a randanile ni sigango sakwe sa Vasiriya, i ku vaakelani vakwe.

Jeremiya 18:13

Ngu konaho Mkoma a khene: “Wotisani hagari ka matiko mwendo waho a nga ngapfa to nga toneto kani? Wotuma wa Israyeli a mahile mhaka yo thisa ngutu.

Jeremiya 3:6

Mkoma a to womba kwangu ka masiku a mfumeli Josiya, a txi khene: “Ina u ti woni ti a nga maha Israyeli wu wo tiwuka kani? Ene a kwete mimango yotshe yo guleka, ni hahatshi ka yotshe mindonga yo nyuka, konamo a ta so mbetete wugangoni.

2 Vafumeli 17:7

Ti mahekile tiya ngu ku vanana va ka Israyeli, va nga onha ka Mkoma, Txizimu txawe, awu a nga va humisa ngu ditikoni ka Egipta, hahatshi ka dianza da Faro, mfumeli wa Egipta; se va to khozela simwani sizimu.

1 Vafumeli 15:30

ngu mhaka ya sionho sa Jerobhowamu, a nga onha e onhisa ni Israyeli, ni mhaka ya tile a nga vhilukisisa tona kuhenya ka Mkoma, Txizimu txa Israyeli.

1 Vafumeli 12:8

Hambiketo ene a to leka milayo yile a nga gelwa ngu madhota, e pfa to gelwa ngu majaha ale a nga kula kumweko nawo, va nga ti masoni kwakwe.

Ezekhiyele 23:7

Ngu kumaha keto, Ohola a mahile navo wugango, i ku vona i nga ti ti siluva sa vanana va ditiko da Asiriya, ni votshe vale a nga randana navo; a ti nyenyezisile ngu sotshe sithombe sawe.

Hoseya 4:12

Vathu vangu va wotisa ka tiphande tawe, se ndonga yawe yi va xamula, nguko moya wa wugelegele wa va kanganyisa, se vona va timela, va si ti veki hahatshi ka Txizimu txawe.