Hoseya 5:9 - Bhiblia Yo Sawuleka

⁹ Efrayime a na xaselwa ngu ditshiku da kutsayiswa; Hagari ka tihunzu ta ka Israyeli, ni kombisile a ti ti nga lulama.

Hoseya 5:9 Referans Kwoze

Zakariya 1:6

Hambi keto, mapswi angu ni sileleto sangu, asi ni nga rumela ngu vaprofeti, sithumi sangu, kha sa va hokela vatate vanu kani? Se vona va to tshumela va txi kha vona: Mkoma wa Mabutho a Tiyimbi a mahile ti a nga ti lava kwathu, madingano ni tinzila tathu, ni mithumo yathu, se ngutu ene a nga hi mahisa tona.

Isaya 46:10

ni zivisa magwito kukhukhela makhatoni, ni kukhukhela kale ngutu atile ti sanziko kumaheka; ni ku khani: “Makungo angu ma na tsana, se ni na maha kotshe kuranda kwangu”;

Johani 16:4

Se ni mi gete timhaka tiya kasiku mbimo yi txi no hoka txikhati txa txona, mi na khumbula ti to ni ti mi gete. ‘Kha na mi gela tiya kukhukhela kukhatani, nguko ni ti ngadi ni nanu.’

Amosi 7:17

Ngu toneto, Mkoma a womba tiya: Msikati wako a na geleza a di didhoropani, vanana vako vamahorana ni vanana vako va mazambi, va na wa ngu ditxhari, ditiko dako di na abaniswa ngu ngoti yo songa, awe u na fa ka ditiko do nyenyeza, aniko va Israyeli, ngu ditshuri va na tsuliswa wukhumbini, hahanze ka ditiko dawe.

Amosi 7:9

Kambe makhalo o guleka a Israyeli ma na hoxotwa ni makhalo a vakhongeli va Israyeli ma na loviselwa magwito. Se na wukela nyumba ya ka Jerobhowamu ngu ditxhari.

Amosi 3:7

Ngu ditshuri, Mkoma Txizimu, a na mbi maha txilo na a sa kombisa txihunga txakwe ka sithumi sakwe, vaprofeti.

Hoseya 8:8

Israyeli a khadamutwe; konkuwa, hagari ka matiko a wonekisa ku nga txi maha txi txi si tsakisiko ni wammweyo.

Hoseya 5:14

Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.

Hoseya 5:12

Ngu konaho, ka Efrayime ni na fana ni sumba, se ka nyumba ya ka Judha ni na fana ni kusina.

Isaya 48:5

Ngu toneto, ni kuzivisile kukhukhela kale, kambe ni kuzivisile na ti sanzi kumaheka, kasi ku u si khawe: “Simaha siya si mahilwe ngu txithombe txangu, mwendo txifananiso txangu txo vatwa, mwendo txifananiso txangu txo wumbwa,” si rumisile kumaha.

Isaya 48:3

Ni zivisile kukhukhela kale timhaka to khata; ina, txisofu txangu txi ti wombile, se ani ni ti mahile ti pfala; ngu kukuluveta ni ti mahile, kambe ti pindile.

Isaya 37:3

Se va to kha vona kwakwe: Mfumeli Ezekhiya a khene: “Ditshiku diya, ditshiku da xomulo ni kutxhipiswa, ni kuruketelwa; nguko vanana va hafuhi ni kuvelekwa, aniko kuwalo mtamo waku va txi velekwa.

Jobe 12:14

Wona taku txi txi khundumusa, kha ku aketwi; ni ka wule txi mtsivelako kha ku na mbi tulwa.

Isaya 7:16

Ngu ditshuri, mwanana wuwa, a sinzi kuziva kulamba to biha ni kusawula tinene, ditiko edo u thavako vafumeli vambidi va dona, di na maha dirumbi.

Hoseya 7:12

Mbimo yile va no tsula, ni na gwimba likoka langu txitimwi kwawe, se ni va txhikisa ngu lona kufana ni sinyana sa nzumani; ni na va tsayisa, madingano ni ti va tolovelako ku tipfa ka msengeletano wawe.

Hoseya 9:7

Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.

Mika 6:13

Ngu toneto, ani nani ni na kuheta mtamo, ni kudayisa, ni ku kuhoxota ngu mhaka ya sionho sako.