Hoseya 5:5 - Bhiblia Yo Sawuleka

⁵ Kutikulisa ka va ka Israyeli ku na tikomba koko khoheni kwakwe; Kambe Israyeli ni Efrayime va nawa ngu mhaka ya kwa mbi lulama kwawe, se Judha a nawa kumweko navo.

Hoseya 5:5 Referans Kwoze

Hoseya 7:10

Se kutikulisa ka Israyeli mbu fakazi masoni kwakwe; hambi keto, kha va na mbi tshumelela ka Mkoma, Txizimu txawe, hambi ku mlava ka totshe tiya.

Amosi 5:2

Dihorana do tuma da Israyeli di wite, di na mbi ngadi di wuka kambe: A tsukutwe ditikoni kwakwe, kha ngaho awu aku na mu wusa.

Luka 19:22

Aniko ene a ti khene kwakwe: ‘Txithumi txo biha, ni ku abanisa ngu kuwomba kwako. U ti zivile ti to ni m'thu wa tshofu, ni teka txi ni nga mbi txi veka, ni elula txi ni nga mbi txi phaya.

Matewu 23:31

Ngu konaho, ma ti landula ti to mi vanana va vale va nga daya vaprofeti.

Hoseya 14:1

Awe Israyeli, hundulukela ka Mkoma, Txizimu txako; nguko u wite ngu sionho sako.

Hoseya 8:14

Nguko Israyeli a divate M'vangi wakwe, kambe a ti akete tinyumba ta wukoma, se Judha a andisile madhoropa o tsana; aniko ani ni na rumela mndilo txitimwi ka madhoropa awe, ni kutshokomisa tinyumba tawe ta wukoma.

Hoseya 5:14

Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.

Hoseya 4:5

Ngu konaho, u nawa ni mitshikari, ni mprofeti a nawa ni wusiku kumweko ni nawe; kambe ni na lovisa mame wako.

Jeremiya 14:7

Hambi ngako sionho sathu si txi hi xowokisa, awe Mkoma hi vhune ngu mhaka ya ditina dako. Nguko hi tiwukile kakungi, hi txi kuonhela.

Isaya 59:12

Nguko sihambunyeto sathu si engetelani masoni kwako, ni sionho sathu sa hi wukela; nguko sihambunyeto sathu si ni nathu, kambe ha ziva wubihi wathu;

Isaya 44:9

Votshe vathumi va sithombe so vatwa, kha va vhuni txilo, ni simaha sawe sile va tsakako ngu sona, hi nga sa txilo; tifakazi tawe tipune kha ti woni txilo, kambe kha ti pimisi, kala kuza vona ve kanganyiswa.

Isaya 3:9

Tikhohe tawe ta va kona; va andisa sionho sawe, kufana ni Sodhoma; kha va si baramisi. Dikhombo ka mihefemulo yawe! Nguko vo ti mahela kubiha vona vapune.

Mavingu 30:13

Ku ni liveleko lo ti wona li ti gulekile, ni timboni ta kona ti kombako txitimwi.

Mavingu 24:16

Nguko awule wo lulama hambi a txi wa mtxhanu ni kumbidi, ngu magwito a na wuka; aniko vabihi va na ti gumula kubihani.

Mavingu 14:32

Muonhi a na tshotshwa ngu wubihi wakwe, aniko awule wo lulama kala kufani kwakwe a ni themba.

Mavingu 11:21

Wo biha hambi a txo pata dianza ka dianza, kha na mbi huluka kutsayiswa, aniko liveleko la vo luluma li na huluka.

Mavingu 11:5

Kululama ka m'thu wa ditshuri ku na lulamisa nzila yakwe, aniko awule wo biha a na wiswa ngu wubihi wakwe.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Isaya 3:8

Nguko Jerusalema a khavilwe ni ditiko da Judha di wite, nguko lidimi lawe ni mithumo yawe silwa ni Mkoma, ve sola wudhumo wakwe.

Hoseya 14:2

Wombani mapswi anu, se mi hundulukela ka Mkoma, mi txi khanu: Thavisa wotshe wubihi, u amukela wunene; se hi na kuninga mphaxo wa sisofu sathu ku nga marole.