Hoseya 5:15 - Bhiblia Yo Sawuleka

¹⁵ Ni na tsula, ni tshumela ni wuya ka wukhalo wangu, kala kuza ve tipfa mnandu, ve lava khohe yangu; ngako vona va di kupandisekani, va na ni lava ngu mabimbi-kutxa.

Hoseya 5:15 Referans Kwoze

Isaya 26:16

Mkoma va ku endete kuxanisekani kwawe; mbimo yile txitsayiso txako txi ngata txitimwi kwawe, va to tshakunuta mkombelo wawe wa txihunja.

Masalmo 78:34

Ngu kuwona vava Txizimu txi nga va tsayisa ngu lifo, vamwani va ti txi lava txona Txizimu; va ti tshumelela ka txona, va txi txi lava va si karali.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Jeremiya 3:13

U fanete kutumela wubihi wako dwe, ti taku u lekile Mkoma, Txizimu txako, na u txi tutuma ka madhawa otshe uya ka sizimu sa vamatiko, hahatshi ka mindonga yotshe yo nyuka, kha ma engisa dipswi, kuwomba Mkoma.

Jeremiya 2:27

Ava va wombako ka mndonga va txi kha vona: Awe u tate wangu, se va txi kha vona ka dirigwi: Ani ni velekilwe ngu ngawe; nguko va ni tshuralete, kha va ni rendekeli; aniko, mbimo ya dikhombo, va na kha vona: Ema, u txi hi xanguta!

Luka 13:25

Nyamne wa m'ti a na khukha a txi seka ditimba, se anu mi na sala hahanze, mi txi gogota ditimba, mi txi khanu: ‘Mkoma, hi tulele!’

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Ezekhiyele 36:31

Sekoko mi na alakanya tinzila tanu to biha, ni simaho sanu si nga mbi va sa sinene; mi na ti laya ngu wubihi wanu, ni manyala a kona anu.

Ezekhiyele 6:9

Sekoko va na ni alakanya avale hagari kwanu va no huluka, matikoni mule va no yiswa wukhumbini ka ona; nguko ni henyisilwe ngu timbilu tawe to biha, ti nga hambana ni nani, ngu mhaka ya maso awe ma nga xengwa, ve londetela sithombe sawe; va na ti laya vapune, ngu mhaka ya wubihi wu va nga wu maha, ka otshe manyala awe.

Isaya 26:9

Ngu muhefemulo wangu ni ku lavile ni wusiku, se ngu moya wangu wu ku mndani kwangu, ni na phindula ni kulava, nguko, ku di ni wululami wako ha mafuni, vaaki va ha mafuni va gonda wululamo.

Mika 1:3

Nguko, wonani taku Mkoma wa khukha ka wukhalo wakwe, e txhika, se a na tsimbila-tsimbila txitimwi ka mafu.

Hoseya 5:6

Vona va na tsula ni tinvuta tawe ni mathokazi awe a tihomu, kasi kuya lava Mkoma, aniko kha va na mbi mmana: Ene a khukhile kwawe.

Ezekhiyele 20:43

Se koneyo mi na alakanya tinzila tanu ni sotshe simaho sanu, asi mi nga ti nyenyezisa ngu sona, kambe mi na ti nyenya mipune, ngu mhaka ya wotshe wubihi wule mi nga wu maha.

Ezekhiyele 11:23

Se wudhundo wa Txizimu wu to guleka kukhukhela hagari ka didhoropa kala kuya hoka ka mmango wule wu ku wutxani ka didhoropa.

Ezekhiyele 10:4

Sekoko wudhundo wa Mkoma wu to khukha ngu txitimwi ka makerubhima, wu txi ya txikenini ka nyumba; se nyumba yi to tatwa ngu direfu, ni muhubhe wu to tala ngu kuphatima ka wudhundo wa Mkoma.

Ezekhiyele 8:6

Se Txizimu txi to kha txona kwangu: Awe mwanana wa m'thu, Ina wa ti wona ti va mahako kani? Kunyenyeza ka hombe kumahwako ngu nyumba ya ka Israyeli hawa, kasi ku ni khukha ka wukhalo wangu wo sawuleka kani? Aniko u ngadi u txi na wona manyala a hombe kupinda awa.

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

Masalmo 132:14

“A hawa i m'tini kwangu kala kupinduka; ni na zumba kona nguko na kutsakela.

Masalmo 83:16

Va thele tingana, Mkoma, kasiku va txi kulava!

Jobe 33:27

A na wona vathu, a txi khene: Ni onhile, ni ndakile mlayo, aniko kha ta ni vhuna txilo.

2 Makronika 7:14

Ngako vathu vangu, avale va dhanwako ngu ditina dangu, va txi ti sola, ve khongela, ve leka tinzila tawe to biha, ani ni na va engisa ni di nzumani, ni va divalela sionho sawe, ni holisa ditiko dawe.

Mavingu 8:17

Ani ni randa vale va ni randako, ni vale va ni lavako ni mabimbi-kutxa, va ni mana.

Valamuli 4:3

Sekoko vanana va ka Israyeli va to peka huwa ka Mkoma, nguko Jabhini a ti ti ni 900 wa sikotxikani sa tisimbi, kambe a xuphile vanana va ka Israyeli mndani ka magumi mambidi a malembe.

Genesisi 42:21

Sekoko va to wombawombisana ngu txawe, va txi kha vona: “Kha ditshuri, ha tsayiswa ngu mhaka ya tile hi nga ti maha ka mnanda wathu, hi woni kuxaniseka kwakwe, mbimo yi a nga ti kombela divalelo; athu koko kha ha mu engisa; ngu mhaka yeto, sixaniso siya si hi telako.”

Mitengo 21:7

Ngu kumaha ka eto, vathu va to ya ka Mosi, va txi ya kha vona: Athu hi onhile ngutu, nguko hi sote Mkoma, ni nawe; ngu mhaka ya eto, awe hi kombelele ka Mkoma tito, a txi thavisa minyoka yiya hagari kwathu. Koneko Mosi a to kombelela vathu.

Isaya 18:4

Nguko Mkoma a ni gete tiya: Ni na malala, ni wonetela ni di dizumboni kwangu, kufana ni kuhisa ka ditambo do phatima, nga mwando wa hunguva ka lisani la mbimo ya kuelula.

Jeremiya 3:14

Wuyani, anu vanana vo tiwuka, kuwomba Mkoma, nguko ni nyamne wanu. Ni na teka mmweyo ka m'ti ni m'ti, ni vambidi ka lihunzu ni lihunzu, mi siya Siyoni.

Masalmo 107:6

Aniko kupandisekani kwawe, va to dila ka Mkoma se ene a to va hulukisa kuxanisekani kwawe.

Masalmo 107:13

Sekoko, va to dila ka Mkoma kupandisekani kwawe, se ene a to va xanguta kuxanisekani kwawe.

Masalmo 107:19

Sekoko va to dila ka Mkoma kupandisekani kwawe, se ene a to va xanguta kuxanisekani kwawe.

Masalmo 107:28

Sekoko va to dila ka Mkoma kupandisekani kwawe, se ene a to va xanguta kuxanisekani kwawe.

Sidilo 3:40

A hi ti soleleni hi wonisisa tinzila tathu, se hi txi tshumelela ka Mkoma Txizimu.