Hoseya 5:14 - Bhiblia Yo Sawuleka

¹⁴ Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.

Hoseya 5:14 Referans Kwoze

Mika 5:8

Se miboti ya ka Jakobe yi na va hagari ka matiko, hagari ka vathu vavangi, kufana ni ngonyamo hagari ka sihari sa txitinga, ku nga txingonyamoana hagari ka mitxhambi ya tinvuta, ngako txi txi pinda, txi na ti ganyatela ni ku ti phatulela, ku si maneki ni wo ti lwela.

Masalmo 7:2

Va nga thuka va txi ni vharulela nga ngonyamo, va txi ni bhenulela, ku txi pwateka ni wammweyo wa ku ni vhuna.

Masalmo 50:22

Engisani ta tinene, anu mi divalako Txizimu; kasiku ni si mi phatuleli, ku si maneki ni wammweyo wo mi hulukisa.

Amosi 2:14

Kha ku na mbi vhuna txilo kututuma ka va vo txhariha, hambi wa mtamo kha na mbi thumisa mtamo wakwe, ni ndena kha yi na mbi hulukisa wutomi wa yona.

Isaya 5:29

Kubhonga kwawe kufana ni ka ngonyamo; va na bhonga kufana ni singonyamwana; Ina, va na bhonga va txi ñola mipfimba yawe, kha ku na wule a no yi txhatxhisa.

Sidilo 3:10

Ene a ti mahile kwangu nga txikankanka txi ni zingelako, a txi nga ngonyamo yi ni baramelako.

Jobe 10:16

Nguko ni txo guleta msungo, awe wa ni xota ku nga ngonyamo ya tshofu, wa tshumela u maha sixamaliso so ni wukela.

Jobe 10:7

Awe wa tiziva ngu kumweko taku, ani kha ni nga m'bihi; kambe kha nga ho ni wammweyo wa ku ni thavisa manzani kwako.

Dhewuteronome 28:31

Homu yako yi na dawa u txi yi wona, kambe khu na mbi dya nyama ya kona; mbongola yako yi na tekwa masoni kwako, aniko kha yi na mbi tshumela yi txi wuya kwako; tinvuta tako ti na ningwa valala vako, ku si maneki ni wammweyo wo kulwela.

Jeremiya 25:38

Ene a humile m'dhutini kwakwe nga txingonyamwana, nguko ditiko dawe di mahile dirumbi, ngu mhaka ya kuthisa ka ditxhari da Mkoma, ni kutura ka kuhenya kwakwe.

Hoseya 6:1

Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu.

Dhewuteronome 32:39

Se konkuwa, wonisisani tito: Ani, ani ngani, kha txi nga ho tximwani txizimu kwangu; ani na daya, kambe na hanyisa. Ani na dayisa, kambe na holisa; kha nga ho a kuhulukako, manzani kwangu.

Hoseya 2:12

Se ni na onhetela mivhinya yakwe, ni mikuwu yakwe, yile a wombako ngu yona, a txi khene: Ayiya i hakhelo yi ni nga ningwa ngu sigango sangu; ani koko, ni na si hundula si maha txitinga, se si na dyiwa ngu sihari sa tshofu sa txitinga.

Hoseya 13:6

Msana keto, va ti khurisile ngu sa wudyiseloni kwawe; mbimo yi va nga khura va tikulisile timbiluni kwawe; ngu kumaha keto, va ni divate.