Hoseya 5:12 - Bhiblia Yo Sawuleka

¹² Ngu konaho, ka Efrayime ni na fana ni sumba, se ka nyumba ya ka Judha ni na fana ni kusina.

Hoseya 5:12 Referans Kwoze

Isaya 51:8

Nguko sumba yi na va sakata nga syambalo, kambe va na dyiwa ngu timbungu kufana ni matoya; aniko kululama kwangu ku na zumba kala kupinduka, ni kuhanyisa kwangu ka liveleko ni liveleko.

Jobe 13:28

Hambiko ani ni ku tximaha txo sina, txi gumako, ku nga txyambalo, txo dyiwako ngu sumba.

Jona 4:7

Aniko, Txizimu txi to rumela mpungu, ngu kugwimba ka wuronga mangwanani ka kona, wu txi ya daya thanga, se yi txi oma.

Isaya 50:9

Wonani taku Mkoma Txizimu wa ni vhuna, mlamuli wangu ngu mani kani? Wonani taku votshe va na sakala kufana ni syambalo, se va na dyiwa ngu sumba.

Mavingu 12:4

Wamsikati wamnene m'bhoti ka mwamna wakwe, aniko awule a wisako tingana a fana ni kusina mndani ka marambu akwe.

Masalmo 39:11

U tsayisa m'thu kasiku e khawula ka wubihi wakwe kufana ni sumba, awe wa fuvisa atxile m'thu a txi dhundako ngutu. Kunene votshe vathu mba kanganyisi dwe!

Isaya 5:24

Ngu toneto, va na loviswa, kufana ni titshava ti txi hiswa ngu mndilo, va na fana ni kuhiswa ka mwasi wa kuoma, se mkoloti wawe wu na sina, ni siluva sa kona si na puruma ku nga lithulu; Nguko va lekile Mlayo wa Mkoma wa Mabutho a Tiyimbi, ve eyisa dipswi da Msawuleki wa Israyeli.