Hoseya 5:11 - Bhiblia Yo Sawuleka

¹¹ Efrayime a ha kuxanisekani, ni kukarala ka mialakanyo, nguko a lavile kutsimbila ngu nzila yo biha.

Hoseya 5:11 Referans Kwoze

Mika 6:16

Nguko mi txi xayisa sileleto sa Omiri, ni yotshe mithumo ya nyumba ya Akabhi, ni nanu mi tsimbila ka milayo yawe; kasiku ani ni kumaha dirumbi, ni vahanyi vako ve va mloti; ngu kumaha keto mi na wuyisa txiruko txa vathu vangu txitimwi kwanu.

Dhewuteronome 28:33

Mihando ya thembweni kwako ni ya mithumo yako yotshe, yi na dyiwa ngu vathu vale u si va ziviko, kambe awe u na xaniswa u txi xuphwa otshe masiku.

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

Hoseya 9:16

Efrayime a dawisilwe, m'twi wakwe u omile; va na mbi veleka mihando: Ina, hambi va txo veleka, ani na daya mihando yo dhundeka mndani kwawe.