Hoseya 5:10 - Bhiblia Yo Sawuleka

¹⁰ Vathangeli va ka Judha, va fana ni va va ndakako mihingano; ni na tshakunuta koko, kuhenya kwangu txitimwi kwawe, nga mati.

Hoseya 5:10 Referans Kwoze

Dhewuteronome 19:14

U nga txitxe muhingano wa muakelani wako, awu vahombe vanu va nga wu bhanda amu ka thomba yi u no yi mana ka ditiko di Mkoma, Txizimu txako, a no kuninga di txi maha dako.

Masalmo 32:6

Ngu mhaka yeto, ka mbimo ya kuxaniseka, votshe vale va kuthembako va na khongela kwako, u txi ngadi u maneka; hambi mati amangi ma txi khulunga, kha ma na mbi va hokela.

Dhewuteronome 27:17

“Dikhombo di nave ka wule a txitxako muhingano wa muakelani wakwe!” Vathu votshe va na womba va txi kha vona: “Amen!”

Luka 6:49

Aniko awu a engisako mapswi angu, asi ma thumisi, a fana ni m'thu wu a nga aka nyumba yakwe ha divhunyeni, yi si na makhato; ngako mtalo wa mati wu txi yi peka, yi kuluveta kuwa, se kulova ka nyumba yiya ku txi va i di ka manyala.”

Matewu 7:27

Se nzuma yi nite, minambo yi tala kuva ni ndambi, txingulu txi peka ngu mtamo txitimwi ka nyumba yile, se yona yi khundumuka yi txi wa. Kuwa ka yona yi wisa manyala.”

Ezekhiyele 7:8

Konkuwa, ngu kukuluveta, ni na theketa txiviti txangu txitimwi kwako, txiviti txangu txi nata kwako, ni na kuwukela ngu txiviti txangu, ni kulamula madingano ni tinzila tako, kambe ni na tisa txitimwi kwako otshe manyala ako.

Mavingu 22:28

U nga thavise mihingano ya kale, yile yi nga bhandwa ngu vatate vako.

Mavingu 17:14

Kukhata ka dizunga, kufana ni kuthekelela ka mati na ma di tatile mnambo; tiwuka na ku si se hoka kulwa.

Masalmo 88:17

Txiviti txako txi ni talete otshe masiku nga mavimbi, kufana ni mati a ndambi ma mitako.

Masalmo 69:24

Theketa txiviti txako txitimwi kwawe; va na hokelwe ngu dikhulo da kuhenya kwako!

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Ezekhiyele 22:22

Kufana ni kule kupatanako silivhela hagari ka txikho, mi na patanisiswa toneto hagari ka txikho; kambe mi na tiziva taku ani Mkoma, ni na tshakunuta kuhenya kwangu txitimwi kwanu.