Hoseya 4:5 - Bhiblia Yo Sawuleka

⁵ Ngu konaho, u nawa ni mitshikari, ni mprofeti a nawa ni wusiku kumweko ni nawe; kambe ni na lovisa mame wako.

Hoseya 4:5 Referans Kwoze

Hoseya 2:2

Khongotelani mame wanu, mkhongoteleni, nguko ene hi nga msikati wangu, se ani kha ni nga mwamna wakwe; a na hambane ni wugelegele khoheni kwakwe, ni wungango wakwe titshumbuni kwakwe.

Jeremiya 15:8

Tinoni tawe ti engetekelani kupinda mtxhefa wa linene. Ni nehile mlovisi wu a dayako vamame va mazambi ni mitshikari. Ngu txidhukisa ni rumete txitimwi kwawe kuxaniseka ni kuthava.

Vagalatiya 4:26

Aniko Jerusalema wa nzumani, eyo a khululekile, ngene i ku mame wathu,

Zakariya 13:2

Se ku na maheka ka ditshiku donedo, kuwomba Mkoma wa Mabutho a Tiyimbi, ti to ni thavisa matina a sithombe ha mafuni, kha va na mbi ngadi ve si alakanya kambe; niku ni tovela vaprofeti, ni moya wa kwa mbi sawuleka ha ditikoni.

Zakariya 11:8

Ni hoxotile vadyisi vararu ngu mtxima wumwewo, nguko moya wangu wu ti va henyete, ni moya wa tona wu to swihala ngu ngani.

Jeremiya 50:12

A na humbwa a txi wa mwamwanu, a na wiswa tingana wu a nga mi veleka: Wonani ti taku ene a na va dimwedo da matiko o gwitisa, ku va txiwula, ditiko da kuoma ni txiwunda.

Jeremiya 23:9

Xungetano ngu vaprofeti, mbilu yangu yi bhandekile; Marambu angu otshe ma dekadeka; no nga m'thu wu a nga leva, mwendo wu a nga leviswa ngu vhinya, ngu mhaka ya Mkoma ni mahungu akwe o sawuleka.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Ezekhiyele 14:3

Awe mwanana wa m'thu, vathu vava ngu timbilu tawe va themba sithombe sawe, ni wubihi wawe va wu vekile masoni kwawe; ina ni dingana kuwotiswa ngu vo nga vona kani?

Hoseya 2:5

Nguko mame wawe a mahile wugelegele, awule a nga va veleka a mahile mhaka ya tingana, nguko a khene: Na londetela singango sangu, sile si ni ningako sakudya sangu, ni mati angu, matoya a tinvuta ni linyu yangu, mafura angu ni sa kusela sangu.

Hoseya 5:5

Kutikulisa ka va ka Israyeli ku na tikomba koko khoheni kwakwe; Kambe Israyeli ni Efrayime va nawa ngu mhaka ya kwa mbi lulama kwawe, se Judha a nawa kumweko navo.