Hoseya 4:3 - Bhiblia Yo Sawuleka

³ Ngu kumaha keto, ditiko di na dila, ni wuhi wule a zumbako ka dona a na guma mtamo, ni sihari sa txitinga ni sinyana sa nzumani; hambi sihaka sa linene si na loviswa.

Hoseya 4:3 Referans Kwoze

Zefaniya 1:3

Ni na fuvisa vathu ni sihari, ni na fuvisa sinyana sa nzuma ni sihaka sa linene, ni sikhunguvanyiso sa va wubihi; kambe ni na fuvisa vathu txitimwi ka mafu, kuwomba Mkoma.

Nahume 1:4

Mkoma wa tolovela kukawuka linene, a txi li omisa, kambe wa phwisa yotshe minambo; wa tsivata Bhasani ni Karmeli, se txiluva txa Libhanoni wa txi wunisa.

Amosi 5:16

Ngu toneto, a womba tiya Mkoma, Txizimu txa Mabutho a Tiyimbi, Mkoma: Ka otshe magondo ku nava ni kudila: Ni ka sotshe sigava va na kha vona: Yowe! Yowe! Kambe va na dhana m'dimi kuya dila, ni ku ta dila ka vale va zivako madilelo.

Ezekhiyele 38:20

ngu kumaha keto, si na thava masoni kwangu, sihaka sa lineneni, ni sinyana sa nzumani, ni sihari sa txitinga, ni sotshe sile si kasako txitimwi ka mafu, ni votshe vathu va ku txitimwi ka mafu; se mimango yi na wa, ni mikova yi na fuva, ni otshe maguma ma na wa hahatshi.

Jeremiya 12:4

Ina ditiko di na keta kala yihi mbimo kani? Mwasi wu txi oma txitingani, ngukonaho ka wubihi wa va va zumbako emo kani? Sihari ni sinyana sa lova, nguko va kha vona: Kha na mbi wona kugwitelwa kwathu.

Jeremiya 4:25

Ni to xayisisa ni wona ti to ku si nga ni m'thu ni wammweyo sotshe sinyana sa nzuma si ti ti purumile.

Amosi 8:8

Ditiko di na mbi zinginika ngu kona ha ka tiya kani? Kha va na mbi dila votshe va va hanyako ka dona kani? Kha ditshuri dotshe ditiko di na guleka ku nga mnambo wa hombe, di na ginyalatwa, di na nyuvela ku nga mnambo wa Egipta.

Amosi 1:2

Se Amosi a to khene: Mkoma a na bhonga a di Siyoni, se a di Jerusalema, a na pfalisa dipswi dakwe; amu va zumbako kona vadyisi, ku nava ni kudila, kambe ku na oma tshokani ka mmango wa Karmeli.

Isaya 33:9

Ditiko da kuma ni kupeka huwa, Libhanoni a ni tingana, a wunile, Xaroni a hindukile e fana ni txiwula, Bhasani ni Karmeli va zuzilwe.

Jeremiya 9:10

Ni na theketa mirongo ni peka huwa ngu mhaka ya mimango, ni dilela wudyiseloni ka txiwula, nguko ku hyite; kha ku ngadi ni m'thu a pindako ngu kona, hambi kupfa kubhoma ka tihomu; sinyana sa nzuma ni sihari si tutumile, si tsute.

Jeremiya 23:10

Nguko ditiko di tate ngu va wugango Ditiko da dila ngu mhaka ya txiruko; wudyiselo wa txiwulani wu hyite; matsimbilelo awe ma bihile, a ti to biha, ngu tona i ku mtamo wawe.

Joyeli 1:18

Eto si dilisako tona sifuyo! Mitxhambi ya tihomu ta vamakati ya kanganyiseka, nguko kha yi nga ni ko dya kona; ni yona mitxhambi ya tinvuta ya hetwa.

Zakariya 5:4

Aniko txiruko txiya, ni na txi tisa, kuwomba Mkoma wa Mabutho a Tiyimbi, se ni na txi wuleta nyumbani ka dikhamba, ni nyumbani ka wule a xambanyako makuhu ngu ditina dangu; txi na zumba wusiku wothse nyumbani kwakwe, kambe txi na heta mapulango a yona, ni marigwi a kona.

Jeremiya 9:9

Ina ani na mbi va tsayisa ngu mhaka ya sona siya kani? Kuwomba Mkoma. Ni na ti pharelela ka ditiko do nga diya kani?