Hoseya 4:2 - Bhiblia Yo Sawuleka

² Kova ni kuxambanya makuhu dwe, ni kuhemba, ni kudaya, ni wukhamba, ni wugango, va thuma kutheketa mnoha txitimwi ka minoha.

Hoseya 4:2 Referans Kwoze

Hoseya 6:9

Kufana ni mitxawa ya sigevenga si solelako m'thu, ngu toneto, mtxawa wa vaphaxeli va daya vathu va vayako Sikemi; ina, va maha to nyenyeza.

1 Vatesalonika 2:15

Ngu vona kambe va nga daya Mkoma Jesu ni vaprofeti, ve xanisa ni nathu, vona va si tsakisiko Txizimu, nguko i valala va votshe vathu.

Mika 7:2

Vathu vavanene va nyamalate ha mafuni, kambe kuwalo ni wammweyo wo lulama hagari ka vathu; votshe va ti longisela kutheketa mnoha; mmwani ni mmwani a riyela mwanawe ngu likoka.

Hoseya 7:1

Mbimo yile ani ni nga kalamukisa Israyeli, se ku tumbutwe wubihi wa Efrayime, kufana ni wubihi wa Samariya, nguko va mahile ta makuhu, se dikhamba di wulela, kambe mtxawa wa sigevenga wu txipa kheno hahanze.

Jeremiya 6:7

Nga txisima txi txi humisako mati, kuhumisa tonato kubiha ka dona. Kuzoriyetana ni kuonhetela ka pfala ka dona, kulwa ni tivandwa siho masoni kwangu, ngu ha ku si gwitiko.

Mtuletelo 17:6

Se ni to wona ti to wamsikati a ti levile ngu mnoha wa vasawuleki ni mnoha wa tifakazi ta Jesu. Ngako ni txi mu wona ni to tala ngu kuxamala ngutu.

Mithumo 7:52

Ngu wuhi mprofeti wu vatate vanu va nga mbi mxanisa kani? Va date ni vava kukhatani va nga zivisa kuta ka Mlulami, awu anu konkuwa mi nga mningela ni ku m'daya;

Matewu 23:35

Kasiku wu txi thekelela txitimwi kwanu wotshe mnoha wo lulama wu nga theketwa ha mafuni, kukhukhela ka mnoha wa m'lulami Abhele kala kuhoka ka mnoha wa Zakariya, mwanana wa Bharakiya, awu mi nga m'daya hagari ka wukhalo wo sawuleka ni txiluvelo.

Zakariya 7:9

Mkoma wa Mabutho a Tiyimbi a to womba, a txi khene: Mahani wululamo wa ditshuri, kombisani kudivalela ni wumbilu, mmwani ni mmwani ka mwanawe;

Zakariya 5:3

Sekoko ngelozi yi to ni gela ku kha yona: Atxiya njiruko txi txi no huma txitimwi ka otshe mafu; nguko ni wihi a no pa, a na tutumiswa ditikoni, madingano ni txiruko txa didhawa dimwedo; se ni wihi wule a no xambanya makuhu a na thaviswa ha ditikoni, madingano ni txiruko txa dimwani didhawa.

Zefaniya 3:1

Dikhombo ka wule wa ku ti lambisa ni kutinyenyezisa, didhoropa da kutsindaveta!

Mika 6:10

Ina yi nga diho thomba ya wubihi nyumbani ka m'bihi kani? Ni mpimo wa wudotho wo vengeka kani?

Mika 3:9

Engisani konkuwa tiya anu vathangeli va nyumba ya Jakobe, ni nanu vavathangeli va nyumba ya Israyeli; mi nyenyako wululamo, mi sanula totshe ti i ku madingano,

Mika 3:2

Kwanu mi vengako wunene mi randa wubihi, mi thavisako didhowo dawe da txitimwi, ni nyama yawe txitimwi ka marambu awe,

Hoseya 12:14

Efrayime a wusile ngutu kuhenya kwakwe; ngu toneto, a na mleka e zumba ni mnoha txitimwi kwakwe, kambe Mkoma wakwe a na m'wisela tingana takwe.

Hoseya 10:4

Va andisile mapswi, ve xambanya makuhu, ve maha txitumelelano; Konaho, yi na tshura mialakanyo ku nga txihya amu tithembweni.

Hoseya 7:3

Va tsakisa mfumeli ngu wubihi wawe, ni ngu makuhu awe va tsakisa vathangeli.

Hoseya 5:2

Sindaka-milayo sa relela siya hahatshi ngutu, amu ka kudaya; aniko ani na va mlayi wa vona votshe.

Sidilo 4:13

Ngu mhaka ya sionho sa vaprofeti ni wubihi wa vaphaxeli vawe, i ku vona va nga daya vathu vale vo lulama va txi theketa mnoha amu m'tini se ku vangekile dikhombo diya.

Isaya 48:1

Engisani tiya, anu va nyumba ya ka Jakobe, anu mi ti dhanako ngu ditina da Israyeli, mi nga huma ngu ka lihunzu la ka Judha, mi xambanyako ngu ditina da Mkoma, kambe mi dhumisako Txizimu txa ka Israyeli, aniko i si nga ngu ditshuri, hambi ngu kululama.

Isaya 24:5

Kha ditshuri, mafu ma nyetilwe ngu vaaki va ona, nguko va ndaka milayo, ve txitxelela sileleto, kambe va funya txitumelelano txa kala kupinduka.

Genesisi 4:8

Se Kayini a to langana ni mwanawe Abhele: “A hi tsimbile thembweni.” Se ku to maheka taku, va di thembweni, Kayini e wukela mwanawe Abhele, a txi m'daya.

Dhewuteronome 5:11

Khu na mbi khumbuka walo ditina da Mkoma, Txizimu txako, nguko Mkoma kha na mbi leka, asi tsayisi, awule a sakanako ngu ditina dakwe, walo.

Dhewuteronome 5:18

U nga mahe wugango.

Dhewuteronome 5:19

U nga pe.

Jeremiya 51:5

Nguko Isreyeli ni Judha kha va lekwa ngu Txizimu txawe, ngu Mkoma wa Mabutho a Tiyimbi, hambi i ti ku ngako ditiko dawe di di tate ngu sionho masoni ka wo Sawuleka wa Israyeli.

Ezekhiyele 7:23

Maha txhini, nguko mafu ma tate ngu wubihi wo theketa mnoha, kambe didhoropa di tate ngu kulwisana.

Hoseya 6:8

Gileyadhi didhoropa da vale va mahako wubihi, di tate ngu mnoha.

Hoseya 7:4

Vona votshe mba wugango: Va fana ni txikho txi txi nga dhivelwa ngu m'yoki wa mapawu, a emako kuonzetela mndilo, kukhukhela ka kuvhuwa ka mpupu, kala ku kukumuka.

Hoseya 10:13

Mi dimile manyala, mi funyela wubihi, kambe mi dyite mihando ya makuhu. Nguko u thembile nzila yako, ka mtalo wa tindena tako.

Hoseya 11:12

Efrayime ani randete ngu makuhu, ni nyumba ya ka Israyeli ngu wukanganyisi; kambe Judha a ngadi a txi fuma ni Txizimu kumweko ni Msawuleki wo thembeka.