Hoseya 4:18 - Bhiblia Yo Sawuleka

¹⁸ Sa kusela sakwe si gumile, vona vaya masoni ngu ku timwalata; ngu ditshuri vathangeli vawe va randa tingana.

Hoseya 4:18 Referans Kwoze

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Mika 7:3

Manza awe ma ti ningetetela kumaha wubihi; maxonga ma wotisela, se mlamuli a tutumela hakhelo, ni wa hombe a womba-womba ngu kunavela ka mbilu yakwe, ngu kumaha keto, vona votshe mba khulumeteli.

Amosi 5:12

Nguko na tiziva taku mbwa wungi wuhambunyeti wanu, sionho sanu nzingi ngutu. Mi xanisa wo lulama, mi tumela kuxawa, mi tshumeta vo mbi na txilo ha txikeni.

Hoseya 4:10

Va nadya aniko kha va na mbi khura; va na geleza aniko kha va na mbi anda; nguko va lekile kurendekela Mkoma.

Hoseya 4:2

Kova ni kuxambanya makuhu dwe, ni kuhemba, ni kudaya, ni wukhamba, ni wugango, va thuma kutheketa mnoha txitimwi ka minoha.

Jeremiya 2:21

Ni kuphaya ku nga mndonga wo tshura wa m'vhinya, wa lixaka la linene; u phemberukete txani u maha mndonga wa limwani lixaka kani?

Masalmo 47:9

Vathangeli va vathu va tshangani ve ti pata ni vathu va Txizimu txa Abrahamu. Nguko mifumo ya ha mafuni yi lumba Txizimu; Txizimu txi maneka txitimwi ka sotshe!

1 Samuwele 8:3

Aniko vanana vakwe kha va tsimbila ngu tinzila takwe; kambe va to wekelela ka timale, ve tumela kuxawa, ve hambanisa wululamo.

Dhewuteronome 16:19

U nga bihise mhaka, u nga ve ni txisawulela hagari ka vathu, kambe u nga tumele kuxavelelwa, nguko kuxavelela ka vhala maso a m'thu wo ziva, kambe ka jikisa mhaka ya vale i ku vo lulama.

Eksodha 23:8

Kambe u nga amukele txiningo, nguko txiningo txa vhala maso avale va wonako, kambe txa jikisa timhaka ta vale va nga lulama ha banza.

Genesisi 38:24

Ngu msana ka mitxima yiraru, Judha a to ya gelwa ngu vathu va txi kha vona: “Tamari maane wako, ana ni txirumbu, a nga maha wugelegele, e txi mana ka wona wugelegelewo.” Sekoko Judha a to khene: “M'humiseni hahanze, kasiku e hiswa!”

Hoseya 9:10

Ni mani Israyeli ku nga mauvha txiwulani, ni woni vatate vanu ku nga mihando yo khata ya mkuwu wo tewula; kambe vona va toya Bhahali-Peyori, veya ti ningetetela ka tximahetxo txa tingana, ve maha manyala kufana ni txile va nga txi randa.

Ezekhiyele 16:15

Aniko u thembile kutshura kwako, ni kuxengwa ngu nduma yako, se u txi maha wugango ni votshe vale va nga ti ti pinda, u txi va lumba.