Hoseya 4:15 - Bhiblia Yo Sawuleka

¹⁵ Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

Hoseya 4:15 Referans Kwoze

Hoseya 12:11

Ina Gileyadhi hi nga ene wubihi kani? Vona kha va vhuni txilo ngu ditshuri; Kona Giligali va daya tihomu; siluvelo sawe si fana ni mimumbu ya marigwi, madhawani ka tithembwe.

Hoseya 9:15

Wotshe wubihi wawe wu maneka Giligali nguko nguho ni nga va nyenyela kona; ngu mhaka ya wubihi wa mithumo yawe, ni na va tshotsha hahanze ka nyumba yangu, kha ni na mbi va randa kambe; votshe vathangeli vawe mba kutitsimba.

Amosi 4:4

Ngonani Bheteli, ndakani mlayo; mi engetela kundaka mlayo mi di Giligali, mixo ni mixo nahetani miphaxo yanu, ngu masiku mararu-mararu, mi neha sa wugumi sanu.

Amosi 8:14

Ava va xambanyako ngu wubihi wa Samariya va txi kha vona: Ndinene ngutu kuhanya ka txizimu txako awe Dhani; kambe ndinene ngutu kuhanya ka nzila ya Bherisebha; vonavo va nawa, kha va na mbi khukha kambe.

Amosi 5:5

Kambe mi nga laveni Bheteli, mi nga engete mi ta kambe ka Giligali, mi nga pindeni ngu Bherisebha, nguko kha ditshuri Giligali a na yiswa wukhumbini, se Bheteli a na sala asi na txilo.

Hoseya 10:8

Se mimango ya Avheni, i ku txionho txa Israyeli yi na khundumuswa; mipa ni maxexo si na kula txitimwi ka siluvelo sawe; se va na kha vona ka mimango: Hi fenengeteni! Se ka simangwana: Welani txitimwi kwathu!

Hoseya 10:5

Vahanyi va Samariya va dhuswa ngu dirole da Bheti-Avheni, ngu kumaha keto, vathu va kona va na tilaya ngu mhaka yakwe, kufana ni vaphaxeli vawe (va nga ti tsaka ngu dona), se ngu mhaka ya wudhumo wu nga khukha ka dona.

Hoseya 5:8

Vetani dikhombela kona Gibheya, ni mpundu kona Rama; kwangulani ngutu kona Bheti-Avheni; Ti wonele msana kwako awe Bhenjamini.

Jeremiya 5:2

Hambiko va ku kha vona: Mkoma a hanyako; vona va xambanya ngu makuhu

Vaefesu 5:11

Mi nga wuleleni amu ka mithumo ya txidema, ayi yi si ningiko mihando, kambe yi vayileleni masoni ka votshe vathu.

Amosi 6:10

A wu a no teka sirumbi mwendo awu a no wu hisa, taku e teka marambu e huma nawo nyumbani, a na gela awule a ku magwito ka nyumba a txi khene: Kha ku nga ni m'thu. Se ene a na khene: Malala, nguko hi nga thuke hi gwesa ditina da Mkoma.

Hoseya 11:12

Efrayime ani randete ngu makuhu, ni nyumba ya ka Israyeli ngu wukanganyisi; kambe Judha a ngadi a txi fuma ni Txizimu kumweko ni Msawuleki wo thembeka.

Hoseya 4:12

Vathu vangu va wotisa ka tiphande tawe, se ndonga yawe yi va xamula, nguko moya wa wugelegele wa va kanganyisa, se vona va timela, va si ti veki hahatshi ka Txizimu txawe.

Ezekhiyele 20:39

Kasi ngu kwanu anu va nyumba ya ka Israyeli, Mkoma Txizimu a khene: Tsulani, mmweyo ni mmweyo eya thumela sithombe sakwe, nguko ani kha mi lavi ku ni engisa; aniko mi nga nyenyeziseni ditina dangu do sawuleka ngu miningelo yanu, ni sithombe sanu.

Isaya 48:1

Engisani tiya, anu va nyumba ya ka Jakobe, anu mi ti dhanako ngu ditina da Israyeli, mi nga huma ngu ka lihunzu la ka Judha, mi xambanyako ngu ditina da Mkoma, kambe mi dhumisako Txizimu txa ka Israyeli, aniko i si nga ngu ditshuri, hambi ngu kululama.

Jeremiya 44:26

Ngu toneto, engisani dipswi da Mkoma, motshenu va ka Judha mi zumbako Egipta: Na xambanya ngu ditina dangu da hombe, kuwomba Mkoma, ati to kha di na mbi ngadi di txi khumbukwa kambe ditina dangu ngu txisofu txa m'thu wa ka Judha ditikoni kotshe ka Egipta, a txi khene: Mkoma Txizimu a hanyako!

Joxuwa 5:9

Mkoma a wombile kambe ka Joxuwa a txi khene: “Nyamsi ni thavisile kwanu tingana ta Egipta.” Ngu toneto, wukhalo wule, wu dhanwa ku i Giligali, kala ka ditshiku da nyamsi.

Joxuwa 7:2

Joxuwa koko a di Jeriko, a to rumela vavamna vokari va txi ya Ayi, ku ku hafuhi ni Bheti-Avheni, ngu didhawa da wutxani ka Bheteli, a txi va gela tiya: “Tsulani mi txi ya xola ditiko.” Vavamna vale koko, va to tsula kuya xola ditiko da Ayi.

2 Makronika 17:4

A to lava Txizimu txa tate wakwe e tsimbila ka sirumo sa txona, asi londeti mikhuwo ya vathu va ka Israyeli.

2 Makronika 21:11

A to maha makhalo o guleka amu mimangoni ka va ka Judha, a kujetela vathu va Jerusalema kuva txi onha ni va ka Judha e va yisa ka toneto.

Hoseya 12:1

Efrayime a ti dyisa ngu moya, kambe a londeta moya wa wutxani: Ditshiku dotshe a andisa makuhu ni kuhoxota, a maha txitumelelano ni Asiriya, se mtona wa kona wu yiswa Egipta.

Hoseya 12:12

Jakobe a tutumete tithembweni ka Asiriya, se Israyeli a thumile ngu mhaka ya wamsikati, a xayisile sifuyo ngu mhaka ya wamsikati.