Hoseya 4:10 - Bhiblia Yo Sawuleka

¹⁰ Va nadya aniko kha va na mbi khura; va na geleza aniko kha va na mbi anda; nguko va lekile kurendekela Mkoma.

Hoseya 4:10 Referans Kwoze

Mika 6:14

Awe u na dya aniko khu na mbi khura; kambe kutxipiswa kwako ku nava mndani kwako; u na sengeletela aniko kha si na mbi huluka; se ni si u no si hulukisa, ani ni na si ningela ka ditxhari.

Levhi 26:26

Hahanze ka toneto, ni na mi tekela sakudya sanu; ati to digumi da vavasikati va txi mi bhikela sakudya sanu amu ka khadi yimweyo, va txi mi phamela sakudya sanu ngu ku mi pimela; ahale ko mi na dya, aniko kha mi na mbi khura.

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

Zefaniya 1:6

ni va va lekako kulondeta Mkoma, ni vale va si laviko Mkoma, hambi ku wotisa txilo ngu ngene.

Hoseya 4:14

Ani kha ni na mbi tsayisa vanana vanu vamahorana, vale va gelezako, hambi vamamanyani vanu, va txi maha wugango; nguko vavamna va kona ngu vona va ti pengisako ni magelegele, va phaxa kumweko ni vavasikati vo biha, se vathu vale va pwatako mapimo va na loviswa.

Ezekhiyele 18:24

Aniko ngako m'thu wo lulama a txi leka kululama kwakwe, se a txi maha ta kwa mbi lulama, a txi maha totshe ta manyala tile ti mahwako ngu m'bihi, ina a nga hanya kani? Kotshe kululama kule a nga kumaha, kha ku na mbi alakanywa; wuhambunyeti wu a nga hambunyeta ngu wona, ni txionho txile a nga txi maha, a na fela ka sona.

Mavingu 13:25

M'thu wo lulama wa dya kala kuza moya wakwe wu tsaka, aniko mndani ka wo biha ku na otela ni nzala.

Masalmo 125:5

Aniko avale va hambukako ve londisa tinzila to gombonyeka Mkoma a na va lovise kumweko ni sigevenga. Kudikha ku nave ni va ka Israyeli!

Masalmo 36:3

Kuwombawomba kwakwe nga kubiha ni makuhu; a lekile ni kuengisa ni kumaha ti i ku ta tinene.

2 Makronika 24:17

Sekoko msana ka kufa ka mphaxeli Joyadha, vathangeli va ka Judha va to ta ti veka hahatshi masoni ka mfumeli, ene a to va engisa ngu kutsaka.

Jeremiya 34:15

Anu mi ti ti tshumete, mi maha ati ti nga lulama masoni kwangu, ngu kupeka nyiwo ngu kutxhatxheka, mmwani ni mmwani ka mwaakelani wakwe; mi ti mahile txitumelelano kumweko ni nani ka yiya nyumba, yi dhanwako ngu ditina dangu.

Ezekhiyele 22:9

Hagari kwako ku ni vavamna va sipoyilo, kasi kutheketa mnoha; kambe va dyete txitimwi ka mimango yako, ni kumahetela wukanganyisi hagari kwako.

Hoseya 7:4

Vona votshe mba wugango: Va fana ni txikho txi txi nga dhivelwa ngu m'yoki wa mapawu, a emako kuonzetela mndilo, kukhukhela ka kuvhuwa ka mpupu, kala ku kukumuka.

Jeremiya 9:12

I mani a nga txhariha madingano ni ku e ziva tiya kani? I mani wuwa txisofu txa Mkoma txi nga womba-womba kwakwe, kasi e hi zivisa ti taku ditiko di onhisilwe ngu kutxani kala di ti hisilwe kufana ni txiwula, ku si ngadi kupinda ni m'thu kani?