Hoseya 4:1 - Bhiblia Yo Sawuleka

¹ Engisani dipswi da Mkoma, anu vanana va ka Israyeli, nguko Mkoma a ni kuhenyisana ni vaaki va ditiko, nguko kha ku na ditshuri, hambi wunene, mwendo kuziva Txizimu ha mafuni.

Hoseya 4:1 Referans Kwoze

Jeremiya 4:22

“Nguko vathu vangu va bharukile: Kha va ni zivi; vanana vo mba ziva, na va si nga ni kupima. Vona va txharihile kumaha kubiha aniko kha va sikoti kumaha wunene.”

Mika 6:2

Engisani anu mimango dizunga da Mkoma, ni nanu makhato a mtamo a mafu; nguko Mkoma a ni dizunga ni vathu vakwe, se a na thethisana ni Israyeli.

1 Vakorinto 15:34

Wukani ta tinene, mi nga yeni masoni ngu kuonha. Vamwani kwanu va hanya va si zivi ni txilo ka timhaka ta Txizimu. Ni womba tiya kasiku mi tipfa tingana.

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Hoseya 12:2

Mkoma wa lwa ni Judha, kambe a na tsayisa Jakobe, madingano ni tinzila takwe; madingano ni mithumo yakwe a na m'hakela.

Jeremiya 25:31

Dipswi dakwe di na pfala kala magwito ka mafu; nguko Mkoma a ni dizunga ni matiko, a na lamula yotshe nyama; a na ningela vabihi ka ditxhari, kuwomba Mkoma!

Jeremiya 5:4

Se ni txi alakanya ku khani: “Ngu ditshuri, avava i vathu va hahatshi, vona nzipumbu, nguko kha va yi zivi nzila ya Mkoma, ni milayo ya Txizimu txawe.

Isaya 34:1

Tshuketani anu matiko, mi ta engisa; se anu vathu, engisani; mafu ma na tipfe, ni kutala ka ona; mafu ni sotshe si si humako ka ona.

Isaya 1:18

Sekoko ngonani, hi ta wombawombisana, kuwomba Mkoma: Hambi ngako sionho sanu si di mi bhilivilisile mi fana ni txiwunguwungu, si na basa kufana ni hunguva; hambi ngako si di bhilivilisile kunzihala, si na nga matoya o basa.

Mtuletelo 2:29

Awule a ku ni tinzeve, a na engise ati Moya wu embelako Mabanza.”

Mtuletelo 2:11

Awule a ku ni tinzeve a na engise ati Moya wu embelako mabanza. Awu a xulako kha na mbi va ni kuxaniswa ngu lifo la wumbidi.”

Johani 8:55

kuve kha ma m'ziva; aniko ani na m'ziva. Ngako ni txi khani kha ni m'zivi, ni ndi nava wa makuhu kufana ni nanu. Aniko ani na m'ziva, se na veketa dipswi dakwe.

Amosi 7:16

Kambe engisa dipswi da Mkoma: Awe u womba tiya: Khu na mbi profeta Israyeli, hambi kuwombawomba ngu nyumba ya Isaake.

Hoseya 5:1

Engisani tiya anu vaphaxeli, engisani anu va nyumba ya ka Israyeli, engisani anu va nyumba ya mfumeli, nguko kulamula kuwa kulumba anu, wonani taku mi mahile mlawu ka Misipa, ni likoka lo gwimbwa txitimwi ka Tabhori.

Jeremiya 34:4

Hambi keto engisa dipswi da Mkoma, awe Zedhekiya mfumeli wa ka Judha, Mkoma a womba tiya ngu ngawe: Khu na mbi dawa ngu ditxhari.

Jeremiya 19:3

U txi khawe: “Engisani dipswi da Mkoma, anu vafumeli va ka Judha, ni nanu vazumbi va Jerusalema; Mkoma wa Mabutho a Tiyimbi, Txizimu txa ka Israyeli, a khene: Wonani, ni na tisa dikhombo ka wuwa wukhalo, edo hambi i txo va mani a no dipfa, tinzeve takwe ti na tingwa.”

Jeremiya 9:20

Anu vavasikati, hi nga pfani mhaka ya Mkoma, ni tinzeve tanu ti na amukele dipswi da txisofu txakwe. Gondisani txidilo ka vanana vanu va txisikati, mmweyo ni mmweyo e gondisa lisima la txidilo.

Jeremiya 7:28

Sekoko awe u na womba kwawe, u txi khawe: Adiya, ditiko di si engisiko dipswi da Mkoma Txizimu txawe, hambi kuamukela silayelo. Kuthembeka kuwalo, ku thavisilwe sisofuni kwawe.

Jeremiya 6:13

Nguko va ti ningetete mu ka kumbilukela, vanana ni vahombe, vaprofeti ni vaphaxeli, votshe va onga.

Jeremiya 4:28

Ngu mhaka yeto, mafu manava ni huwa; ni tinzuma ta txitimwi ti na phuma; nguko ani ni wombile, ni hingana ni di xuvileto. Na mbi hunduluka hambi kutshumelela msana.”

Jeremiya 2:4

Engisani dipswi da Mkoma anu va nyumba ya ka Jakobe, Ni nanu mimwaya yotshe ya ka Israyeli.

Isaya 66:5

Engisani dipswi da Mkoma, anu mi dhudhumelako masoni ka dipswi dakwe. Vananu vale va mi nyenyako, kambe va mi tshotshako kule ngu kuranda ditina dangu, va kha vona: “Mkoma a na dhumiswe, kasi ku hi wona kutsaka kwanu!” Aniko vona va na wiswa tingana.

Isaya 34:8

Nguko ditshiku da kuphota ka Mkoma, dilembe da kutshumetela ka kulwa ka Siyoni.

Isaya 28:14

Engisani koko dipswi da Mkoma, anu vatseketseli, mi fumelako vathu vava, va manekako Jerusalema.

Isaya 5:3

Konkuwa koko, anu vaaki va Jerusalema, ni nanu vavamna va ka Judha, na mi kombela, lamulani hagari kwangu ni m'vhinya wangu.

Isaya 1:10

Engisani dipswi da Mkoma, anu vathangeli va Sodhoma; riyani tinzeve anu vathu va Gomora mi engisa mlayo wa Txizimu txathu.

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.

Isaya 59:4

Ku walo ni wammweyo a pfalisako kululama, hambi ni wammweyo wo maneka kulamulani ka ditshuri; va themba manyala, ni kutsimbila ve womba-womba makuhu; va khura sirumbu sa mithumo, aniko ve veleka wubihi.

Isaya 59:8

Kha va yi zivi nzila ya kudikha, kambe kha ku nga ni kululama kutsimbilani kwawe; va ti mahete tisoko tawe to gombonyeka vapune; ni wuhi wu a tsimbilako ka tona, kha zivi kudikha.

Jeremiya 9:3

Se va domba tidimi tawe nga malaho kasi kuhemba makuhu, va na ni mtamo ditikoni, aniko kha va wu thumisi kumaha ta tinene, nguko vaya masoni ngu kubiha ni kubiha, kha va ti zivi, kuwomba Mkoma.

Jeremiya 51:5

Nguko Isreyeli ni Judha kha va lekwa ngu Txizimu txawe, ngu Mkoma wa Mabutho a Tiyimbi, hambi i ti ku ngako ditiko dawe di di tate ngu sionho masoni ka wo Sawuleka wa Israyeli.

Joyeli 1:2

Engisani tiya anu madhota, kambe pfisisani motshenu vaaki va ditiko: Ina ti humelete tiya ka masiku anu kani? Mwendo kambe ka masiku a vatate vanu kani?

Masalmo 81:9

U nga lave simwani sizimu hagari kwako u nga khozele simwani sizimu.

Jeremiya 2:9

Ngu konaho, ni ngadi ni txi na lwa ni nanu, kuwomba Mkoma. Ni vatukulu vanu ni na lwa navo.

Jeremiya 9:7

Ngu konaho, kuwomba Mkoma wa Mabutho a Tiyimbi, ni na va nyekisa, ni va xola; nguko ni nga mahisa kutxani ngu m'horana wa vathu vangu kani?

Jeremiya 11:7

Nguko kukhukhela ditshikwedo ni nga humisa ngu dona vatate vanu ditikoni ka Egipta, kala kuhoka nyamsi, ni va gete ni txi ngadi ni vinduka ni mixo, ni va laya, ni txi khani: Engisani dipswi dangu!

Ezekhiyele 16:35

Ngu tona eto, awe digelegele engisa dipswi da Mkoma.

Hoseya 5:4

Kha va lavi kululameta mithumo yawe, kasiku ve tshumelela ka Txizimu txawe; nguko moya wa wugelegele wu hagari kwakwe, kambe kha va zivi Mkoma.

Hoseya 12:3

A di ngadi mndani a ñote txizenende txa mwanawe, se ngu mtamo wakwe, ku nga mthangeli, a lwite ni Txizimu.

Amosi 3:1

Engisani mapswi ya a mi kawukako ngu ona Mkoma, anu vanana va ka Israyeli, o kawuka lotshe liveleko li ni nga li humisa ngu Egipta, a txi khene: