Hoseya 3:2 - Bhiblia Yo Sawuleka

² Se ni to ti xavela ene ngu siya sa digumi ni mtxhanu sa silivhela, ni omeri yimweyo ya sevhadha, ni hafu ya omeri ya sevhadha;

Hoseya 3:2 Referans Kwoze

Ezekhiyele 45:11

Efa ni bhato si na va mpimo wumwewo, ati taku, bhato yi na va ni mpimo wa wugumi wa omeri ni yona efa mpimo wa wugumi wa omeri; nga ti yi ku ngu tona omeri, wu na va mpimo wa kona.

Levhi 27:16

Ngako m'thu a txi maha mningelo ka Mkoma ngu ndima ya thembwe yakwe, ayile i kuthomba yakwe, ku na pimiswa mtengo wa male ngu mazumbelo a thembwe, nga ti yi humisisako tona timbewu ta yona; ngako yi txi humisa mpimo wa homeri ya sevhadha, mtengo wa yona wu na va wa male ya mtxhanu wa magumi maxekele a silivhela.

Genesisi 34:12

Engetelani lowolo yayingi kwangu, ni txiningo, se ni na mi ninga si mi no si kombela; anu koko ni ningeni mwanana wanu, e maha msikati wangu!”

Isaya 5:10

Se digumi da tindima ta vhinya ti na humisa digarafawu; ni omeri yimweyo ya mbewu yi na humisa efa yimweyo dwe.

1 Samuwele 18:25

Sekoko Sawule a to khene: Gelani Dhavhidha mi txi khanu: Mfumeli kha lavi lowolo, aniko a lava dizana wa wukhuna wa Vafilista, kasi kuphota ka valala va mfumeli. Ngu kumaha keto, Sawule a ti lava kudaya Dhavhidha ngu dianza da Vafilista.

Eksodha 22:17

Ngako tate wakwe a txi lamba ti to e mteka, a fanete e ningela male ya mtengo wa lowolo.

Genesisi 31:41

Ni thumile magumi mambidi a malembe m'tini kwako. Ni kuthumete digumi da malembe ni mune ngu mhaka ya vanana vako va vambidi, ni mtxhanu wa malembe ni dimwedo ngu mhaka ya mtxhambi wako, kambe digumi da sikhati awe u txitxile muholo wangu.

Rute 4:10

ni ti to kambe na amukela Rute, wa Mowabhi, i nga ti ti msikati wa Mahaloni, a txi maha msikati wangu, kasi kuwusa ditina da mfi, txitimwi ka thomba yakwe, kasiku ditina da mfi di si fuvi hagari ka vanawe, ni ha banza ka wukhalo wawe; ka tiya, nyamsi mi tifakazi.

Hoseya 3:3

se ni txi khani kwakwe: Awe u na zumba ni nani masiku o tala; khu na mbi geleza, kambe khu na mbi lumba mmwani wamwamna; ngu kumaha keto, ani nani ni la kuva toneto kwako.