Hoseya 3:1 - Bhiblia Yo Sawuleka

¹ Se Mkoma a to khene kwangu: Tsula kambe, u ya randa wamsikati, digelegele da mngana wako, dile i ku txigango, kufana ni Mkoma a randako vanana va ka Israyeli, hambiko vona va rendekelako ka simwani sizimu, va randako simbwanda sa mauvha.

Hoseya 3:1 Referans Kwoze

Jeremiya 31:20

Ina Efrayime hi nga mwanangu a randekako kani? Txirandwa ngu mbilu kani? Nguko hambi ni txi m'wukela, na khumbula ngu kupinda mpimo mbilu yangu ya bhibhikela ngu mhaka yakwe, kambe ni na m'hawukela, kuwomba Mkoma.

Isaya 45:22

Hundulukelani kwangu mi na hanyiswa, anu motshenu mihingano ya mafu; nguko ani ni Txizimu, kha ku na tximwani.

Mika 7:7

Ani koko, ni verela ka Mkoma; ni na verela ka Txizimu txa kuhanyiswa kwangu; Txizimu txangu txi na ni engisa.

Hoseya 11:8

Ni ndi na kulekisa kutxani, awe Efrayime kani? Ni ndi na kuningelisa kutxani, awe Israyeli kani? Ni ndi na kumahisa kutxani ku nga Adhama kani? Ina ni ndi na kuveka ku nga Zebhoyimi kani? Mbilu yangu yi txitxile mndani kwangu, kotshe kunavela kwangu ka tura.

1 Pedro 4:3

Se ti dingani ati mi nga ti hanyisa tona kale, to tsakelwa ngu vamatiko, ta kuhanya ngu wugelegele, ni kunavela ko biha, ni wudevi, ni makolo, ni masuke, ni kukhozela sa mafu.

Zakariya 1:16

Ngu toneto, Mkoma a womba tiya: Ngu wumbilu ni tshumelete Jerusalema; nyumba yangu yi na akwa kona, kuwomba Mkoma wa Mabutho a Tiyimbi, se ngoti yi na gwimbwa txitimwi ka Jerusalema.

Jeremiya 3:20

Ngu ditshuri nga ha wamsikati a mahako wubhemba ha mwayani kwakwe, ngu toneto, nyumba ya ka Israyeli mi si thembeki kwangu, kuwomba Mkoma.

Masalmo 123:2

Kufana ni maso a sithumi sa vavamna ma wonetelako manza a vanyamne va sona kufana ni maso a sithumi sa vavasikati ma wonetelako manza a vahombe va sona, kufana ni toneto nanathu, maso athu ma wonetela Mkoma, Txizimu txathu, kala kuza txona txi txi hi pfela wusiwana.

1 Vakorinto 10:21

Kha mi na kusikota kusela digombe da Mkoma kumweko ni digombe da madhimoni. Kha mi na kusikota kukhalahatsha mi dyela ha mezani ka Mkoma ni ha mezani ka madhimoni.

Amosi 6:6

Mi selako vhinya ngu magombe, mi tola mafura a lisima, kambe mi ka pandiseki ngu ku wa ka Josefa:

Amosi 2:8

Va otelako kumweko ka ni txihi txiluvelo, ka simaha sa minandu, ka tinyumba ta sizimu sawe, ve sela vhinya ya va vo diha minandu.

Nehemiya 9:31

Kambe, ngu mhaka ya wunene wako wa hombe, khwa va haxula, hambi ku va leka; nguko awe u Txizimu txa wunene ni wumbilu.

2 Vafumeli 13:23

Sekoko Mkoma a to va pfela wumbilu, e va xanisekela, a to va rendekela ngu mhaka ya kuranda txitumelelano txakwe ni Abrahama, ni Isaake ni Jakobe; kha lava ku va khundumusa, kambe kha va tsotsha kule ni nene.

2 Samuwele 6:19

Se a to abanisela sakudya ka votshe vathu ni ka dotshe dibutho da va ka Israyeli, kukhukhela ka vavamna kala ka vavasikati, mmweyo ni mmweyo e mninga dipawu ni dikatha da nyama, ni dibhojela da vhinya; sekoko votshe vathu va to tsula, mmwani ni mmwani e ti yela m'tini kwakwe.

Valamuli 10:16

Se va to thavisa sizimu sa vamatiko hagari kwawe, ve thumela Mkoma; sekoko Mkoma a to pandiseka dihikani kwakwe ngu mhaka ya kuxaniseka ka va ka Israyeli.

Valamuli 9:27

Vona va to huma va txi ya thembweni kasi kuya elula mivhinya yawe, ve phwarasela mauvha awe, ve maha mibuso, va txi wulela dithepeleni ka txizimu txawe, amu va nga ya dyela kona ni kusela kona va txi ruketela Abhimeleki.

Eksodha 32:6

Mangwanani ka kona ni mixo, va to wuka, va txi humisa miningelo yo hiswa, ni miphaxo ya kudikha. Vathu votshe va to khalahatsha va txi dya ni kusela; msana keto, va to khukha ve humula.

1 Vakorinto 10:7

Mi nga ti maheni vakhozeli va sizimu sa walo, kufana ni vamwani kwawe, nga tiya ti nga bhalwa va txi kha vona: “Vathu va khalahatshile, ve dya, ve sela, ve khukha ve sinya.”

Matewu 26:50

Jesu a to mu angula a txi khene: “Mndoni, kasi u tete ku ta maha txani kani?” Sekoko vona va to mtshuketela, ve yisa mawoko hammidi ka Jesu, ve mñola.

Hoseya 7:5

Se ngu ditshiku da mfumeli wathu, vathangeli va to lwala ngu kuthumiswa ngu vhinya; Ene a to gwimba dianza dakwe ni vatseketseli.

Hoseya 4:11

Kha mbi ti ñola, ni vhinya, ni wusuke si thavisa mapimo.

1 Makronika 16:3

Se a to abanisela ka votshe va ka Israyeli, vavamna ni vavasikati, mmwani ni mmwani e mninga dipawu ni dikatha da hombe da nyama, ni txingotwana txa vhinya.

Ndando ya Tindando 2:5

Ni busiseni ngu tximbwanda txa mauvha, mi ni tsanisa ngu mahapula, nguko na fa ngu lirando.

Hoseya 2:5

Nguko mame wawe a mahile wugelegele, awule a nga va veleka a mahile mhaka ya tingana, nguko a khene: Na londetela singango sangu, sile si ni ningako sakudya sangu, ni mati angu, matoya a tinvuta ni linyu yangu, mafura angu ni sa kusela sangu.