Hoseya 2:8 - Bhiblia Yo Sawuleka

⁸ Ene koko, kha tizivi ti to ani ni mnigile sakudya, ni dosi, ni mafura, kambe ni muengetete silivhela ni nzalama, sile va nga maha ngu sona txithombe txa Bhahali.

Hoseya 2:8 Referans Kwoze

Isaya 1:3

Homu ya ziva nyamne wa yona, ni mbongola ya wu ziva mkawu wa nyamne wa yona; aniko Israyeli kha zivi txilo, vathu vangu kha va pfisisi txilo.

Hoseya 13:2

Se konkuwa va engetete sionho, ngu silivhela yawe va mahile txifananiso txo tshulwa, i ku sithombe madingano ni wutxhari wawe, sotshe mithumo ya mtshuli, va ku kha vona ngu sona: Vathu vale vaphaxako va nyunta marole.

Hoseya 8:4

Vona va ti mahete vafumeli, kambe na i si nga ngu kuranda kwangu, va ti emisete vathangeli, aniko ani kha na tiziva; va ti mahete sithombe ngu silivhela ni nzalama yawe, kasi kuva txi loviswa.

Hoseya 4:11

Kha mbi ti ñola, ni vhinya, ni wusuke si thavisa mapimo.

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Luka 15:13

Msana ka masikuanyana madotho, awu wa mnanda a to pakela thundu yakwe, e khukha a txi tsula ka ditiko da kule, a txi ya hangalasela thomba yakwe, ngu kuhanyisa ku ambi ti pimela.

Habhakuki 1:16

Ngu toneto, wa phaxa likokani kwakwe, ni kuhisa dibaselo mabambe ka likoka; nguko ngu sona si nonisako txyavelo txakwe, se ni sakudya sakwe si maha sasingi.

Hoseya 2:5

Nguko mame wawe a mahile wugelegele, awule a nga va veleka a mahile mhaka ya tingana, nguko a khene: Na londetela singango sangu, sile si ni ningako sakudya sangu, ni mati angu, matoya a tinvuta ni linyu yangu, mafura angu ni sa kusela sangu.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Jeremiya 7:18

Vanana vo sengeletela tikhuni, vatate ve dhivela mndilo, ni vavasikati va vhuva mpupu kasi kumahela simbwanda txizimu txa txisikati, txi dhanwako ku mfumeli wa txisikati wa nzumani; na va txi ningela miningelo ya sakusela ka simwani sizimu, kasi ku ni wusela kuhenya.

Isaya 46:6

Va xakela nzalama amu ka tithavangu, ve pima silivhela ngu sikalo; va hakela mtshuli, se ene e maha txizimu, masoni ka txona va nama ve khizama.

Valamuli 9:27

Vona va to huma va txi ya thembweni kasi kuya elula mivhinya yawe, ve phwarasela mauvha awe, ve maha mibuso, va txi wulela dithepeleni ka txizimu txawe, amu va nga ya dyela kona ni kusela kona va txi ruketela Abhimeleki.

Hoseya 10:1

Israyeli m'vhinya wo txhuma ngutu; u veleka mihando ya wona; madingano ni kutala ka mihando ya wona, kufana ni toneto andisile siluvelo sakwe; mdingano ni kunona ka mafu, va mahile sifananiso sa sinene so wumbwa.

Dhewuteronome 8:18

Alakanya Mkoma, Txizimu txako, nguko ngene a ku ningako mtamo wa kumana thomba, na a txi mahela kutsanisa txitumelelano txi a nga xambanya ka vatate vako, nga ti nyamsi u ti wonako.

Ezekhiyele 23:41

Kambe u khalahatshile ha m'bhedhuni ka lisima, eho ku ngadi lulamisetwe meza; se u to ya sanzeka ka yona dibaselo dangu ni mafura angu.

Dhaniyeli 3:1

Mfumeli Nebhukodhonosori a to maha txithombe txa nzalama, txi txi ku ni kulapha ka mtxhanu wa magumi ni dimwedo a mikono, ni kuanama ka mtxhanu wa mikono ni wumweyo, eya txi emisa thembweni ka Dhura; ditikoni ka Bhabhilona.

Hoseya 13:1

Mbimo yile Efrayime a txi womba-womba, ku ti ti dhudhumelwa; a guletilwe kona Israyeli; kambe ene a ti ningile m'nandu ngu Bhahali se a txi fa.

1 Makronika 29:16

Mkoma, Txizimu txathu, kutala ka sotshe si hi nga lulamisela kasi ku akela nyumba ditina dako do sawuleka, sita ngu manzani kwako, sotshe nzako.

Jobe 19:8

Txizimu txi kete maphala ka nzila yangu, se kha ni na kupinda; amu ka tisoko tangu txi vekile txidema.