Hoseya 2:6 - Bhiblia Yo Sawuleka

⁶ Ngu kumaha keto, wona taku ni na tsiva nzila yako ngu mipa, kambe ni na guleta diguma da makhukhu, kasiku asi mani tisoko takwe.

Hoseya 2:6 Referans Kwoze

Jobe 19:8

Txizimu txi kete maphala ka nzila yangu, se kha ni na kupinda; amu ka tisoko tangu txi vekile txidema.

Jobe 3:23

Se li ningelwa txani liwoningo ka wamwamna wule, nzila yakwe yi si wonekiko, a nga tsivelwa ngu Txizimu kani?

Luka 19:43

Nguko ma nata masiku txitimwi kwako, aawa valala vako va nota kubhiyela ngu ona, ve kuranganyeta, ve ku tsivela ngu otshe madhawa.

2 Vakorinto 12:7

Ni woni siwoniso so xamalisa ngutu; se kasiku ni si ti dhumisi, ni vekilwe m'pa ha mmidini kwangu, i ku txirumwa txa Sathani, atxi txi ni peketelako, kufela ku ni si ti guleti.

Jeremiya 18:15

Nguko vathu vangu va ni divate, va hisile dibaso ka sifananiso. Si va humbile tinzilani kwawe, amu ka mapfhela a kale. Kuva ve wekelela ka nzila yo timeta, ya kwa mbi dhodwa.

Hoseya 9:6

Nguko wona taku vona va tsute ngu mhaka yo hoxotwa, kambe Egipta a na va amukela, Menfisi a na va tshotsha; kunavela ka silivhela yawe ku na fenengetwa ngu maxexwe, ni mipa yi na mila matendani kwawe.

Hoseya 10:8

Se mimango ya Avheni, i ku txionho txa Israyeli yi na khundumuswa; mipa ni maxexo si na kula txitimwi ka siluvelo sawe; se va na kha vona ka mimango: Hi fenengeteni! Se ka simangwana: Welani txitimwi kwathu!

Isaya 57:3

Aniko tshuketani hawa, anu vanana va mloyi wa txisikati, anu liveleko la wugango ni wugelegele.