3 Kasiku ani ni si mleki a sa ambala txilo, ni m'veka kufana ni ditshiku dile a nga velekwa ngu dona, ni mmaha e fana ni txiwula, ni m'veka kufana ni ditiko da txihaha, ni m'daya ngu ditora,
Se ka otshe manyala ako, ni ka wugelegele wako, khwa alakanya masiku a wuphya wako, mbimo yile u nga ti ti tximbwiri, u sa fenengela txilo, na u di nyetisetwe ngu mnoha wako.
Ngako u txi womba mbiluni kwako, u txi khawe: “Ti tisa kutxani kwangu ta ku nga tiya kani?” Ziva ti to u vhunungutwe syambalo sako, ngu mhaka ya kubiha kwako ka hombe, ni sizenende sako si pekilwe.
Titxheho ti ta digumi u nga ti wona kumweko ni txikalani, si na vengela wu wa digelegele, si na mtshambula tinguwo, si mu leka i di tximbwiri; si na dya nyama yakwe, si mu hisa ngu mndilo,
Nguko Mkoma wa womba xungetano ngu nyumba ya mfumeli wa ka Judha, a txi khene: Masoni kwangu u fana ni Gileyadhi ni msungo wa Libhanoni, aniko ni na ku hundula uva txiwula, ni madhoropa ma si ngaku ni vathu.
Nguko a na fana ni txitxhotxhota txa txiwulani, kha na mbi ma wona makatekwa ma txita; aniko a na zumba ka makhalo ma nga hya mu txiwulani, ka ditiko da mnyu di di singako ni m'thu.
Ni to xolisisa, ni wona tito, ditiko do nona di hindukile di maha txiwula ni otshe madhoropa a dona ma khundumusetwe masoni ka Mkoma ni masoni ka kuvhiluka ka kuhenya kwakwe.
Anu va liveleko liya, engisani dipswi da Mkoma! Ina mwendo ani ni khala ku va txiwula ka Israyeli kani? Mwendo kuve ditiko da txidema kani? Ngu kutxani vathu vangu va txi: Hi txhusekile; kha hi na mbiswa hi txita kwako kani?
Se kha va kha vona: “Ahani Mkoma, awu a nga hi humisa ditikoni ka Egipta kani? Awu a nga hi thangela amu txiwulani, ditikoni ka sigwangwa ni maphala, ditikoni ka kuoma kumweko ni mtsudini wa kufa Ditiko di nga ti si nga ni vapindi ni vaaki.”
Se ngako a nga ti tipfa ditora da hombe, a to dila ka Mkoma a txi khene: “Ngu dianza da txithumi txako, awe u ningile kuhanyisa; konkuwa koko, ani ni na fa ngu ditora, ni na wa manzani ka vona va va kwa mbi ya wukwerani kani?”
Konaho vathu va manekile va txi pfa ditora, ve khata kungungurukela va txi wukela Mosi, va txi kha vona: “Ngu kutxani u nga hi humisa ditikoni ka Egipta kani? U mahile eto kasi ku ta hi daya ngu ditora athu ni vanana vathu, ni sifuyo sathu kani?”
Vahombe vawe va rumile vavadotho kuya lava mati. Va txita sisimani kha va mani mati, va tshumela ni tifuko tawe ta maphanga. Vapfa tingana va txi goo! Na va txi fenengeta misungo yawe.
Hambi ngako ene a txo ninga mihando ka vanawe, ku nata moya wa wutxani, Moya wa Mkoma, wu txi kwela ngu txiwulani, se ku na oma ni txibhuka txakwe, kambe ku na oma ni txisima txakwe, ene a handa thomba ka sotshe siya sawe sa lisima.
Nguko Isreyeli ni Judha kha va lekwa ngu Txizimu txawe, ngu Mkoma wa Mabutho a Tiyimbi, hambi i ti ku ngako ditiko dawe di di tate ngu sionho masoni ka wo Sawuleka wa Israyeli.