Hoseya 2:21 - Bhiblia Yo Sawuleka

²¹ Se ku na maheka ka dona ditshiku dile ani ni no xamula, kuwomba Mkoma, ani ni na xamula nzuma, kambe yona yi na xamula mafu.

Hoseya 2:21 Referans Kwoze

Zakariya 8:12

Nguko mbewu yi na humelela, se m'vhinya wu na veka mihando ya wona, mafu ma na ninga sasiphya, nzuma yi na nisa hunguva ya yona; se ni na maha taku miboti ya vathu vava, yi mana yotshe thomba yiya.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Varoma 8:32

Txona txi nga mbi felela Mwanana wa txona, kambe txi nga mningela ngu mhaka yathu hotshethu, ina kha txi na mbi hi ninga silo sotshe kumweko nayo kani?

Isaya 65:24

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

Isaya 55:10

Nguko nga ti nzuma ni huguva si txhikako ngu nzumani, si si tshumeleli kona, aniko sa nakanisa mafu, si ma maha me ninga dibhindu, ni kumilisa, ni kuninga mbewu ka wule a phayako, ni sakudya ka wule adyako,

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Ezekhiyele 36:29

Ni na mi txhatxhisa ka yotshe nzambwa; ni na tisa fulaho ni txi yi andisa, kambe kha ni na mbi tisa nzala txitimwi kwanu.

Hoseya 14:7

Ava va no zumba ka mtsudi wakwe va na wuya; va na hanya kufana ni fulaho kambe va na veka siluva ku nga m'vhina mialakanyo yawe yi na fana ni vhinyo ya Libhanoni.

Joyeli 2:19

Se Mkoma a na xamula ka vathu vakwe, a txi khene: Wonani taku ni na rumela fulaho, ni vhinya yo lombela, ni mafura, mi na khura ngu sona, kha ni na mbi mi ningela kambe tinganani, hagari ka matiko.

Malakiya 3:10

Tisani sotshe sa wugumi ka nyumba ya wuxayiselo, ti to ku nava ni sakudya nyumbani kwangu, se ngu kumaha keto ni duketeni, kuwomba Mkoma wa Mabutho a Tiyimbi, ku mwendo na mbi mi tulela mafasitela a nzumani, ni mi tshakunutela makatekwa o tala, aya mi no pwata ni ko thela kona.

Malakiya 3:11

Se ngu mhaka yanu, ni na tsivela mkhadamuli, ti to asi mi dyeli mihando ya mafu, ni mivhinya ya thembweni yi si mahi sifule, kuwomba Mkoma wa Mabutho a Tiyimbi.

Isaya 62:4

Khu na mbi ngadi u dhanwa ku u “Wo Lekwa,” ni ditiko dako kha di na mbi dhanwa kambe taku “Dirumbi”; aniko va na kudhana taku “Hefizibha,” ni ditiko dako di na dhanwa taku “Bhewula,” nguko Mkoma wa tsaka ngu ngawe, se Mkoma a na tekana ni ditiko dako.

Isaya 62:5

Nguko nga kule dijaha di tekanako ni muhorana, ngu toneto ni vona vanana vako, va na tekana ni nawe; kufana ni muwuti a tsakako ni txiwutwa, ngu toneto Txizimu txako txi na tsaka ni nawe.

Zakariya 8:8

se ni na va wuyisa ve ta zumba hagari ka Jerusalema; va na va vathu vangu, aniko ani ni na va Txizimu txawe, ngu ditshuri ni kululama.