Hoseya 2:13 - Bhiblia Yo Sawuleka

¹³ Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.

Hoseya 2:13 Referans Kwoze

Hoseya 13:6

Msana keto, va ti khurisile ngu sa wudyiseloni kwawe; mbimo yi va nga khura va tikulisile timbiluni kwawe; ngu kumaha keto, va ni divate.

Valamuli 3:7

Se vanana va ka Israyeli va to maha kubiha masoni ka Mkoma, ve divala Mkoma, Txizimu txawe, aniko ve thumela Vabhahali ni Asterote.

Hoseya 13:1

Mbimo yile Efrayime a txi womba-womba, ku ti ti dhudhumelwa; a guletilwe kona Israyeli; kambe ene a ti ningile m'nandu ngu Bhahali se a txi fa.

Hoseya 11:2

Kambe ngako ni txi va dhana vona va ti nitshuralela; va ti ti phaxela ka va ka bhahali, ve hisela dibaselo sithombe so vatwa.

Jeremiya 7:9

Ina mi ngadi mi txi napa, mi daya, mi maha wugango, mi xambanya makuhu, mi hisa miphaxo yo bhumula ka Bhahali, ni kulondetela simwani sizimu asi mi si si ziviko kani?

Hoseya 9:7

Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.

Hoseya 8:14

Nguko Israyeli a divate M'vangi wakwe, kambe a ti akete tinyumba ta wukoma, se Judha a andisile madhoropa o tsana; aniko ani ni na rumela mndilo txitimwi ka madhoropa awe, ni kutshokomisa tinyumba tawe ta wukoma.

Hoseya 4:6

Vathu vangu va lovisilwe, ngu kule va nga pwata wuzivi; nguko awe u lambile wuzivi, se nani na kulamba, kasiku u si mahi mphaxeli masoni kwangu; akule u nga divala mlayo wa Txizimu txako, nanani ni na divala vanana vako.

Hoseya 4:13

Va phaxela titshokani ka mimango, ve hisa dibaselo txitimwi ka simangwana, hahatshi ka mikusu, ni ka mindonga yo tala ngu matshokoro a mitsudi yo tshamba; ngu toneto, mahorana anu ma geleza, ni va mamanyani vanu va maha wugango.

Hoseya 2:7

Se a na londeta sigango sakwe, aniko kha na mbi si manela; a na si lava aniko kha na mbi si mana. Sekoko a na khene: “Ni na tsula, ni tshumelela ka mwamna wangu wo khata, nguko kona ni ti tshuko kupinda kuwa.”

Hoseya 2:5

Nguko mame wawe a mahile wugelegele, awule a nga va veleka a mahile mhaka ya tingana, nguko a khene: Na londetela singango sangu, sile si ni ningako sakudya sangu, ni mati angu, matoya a tinvuta ni linyu yangu, mafura angu ni sa kusela sangu.

Ezekhiyele 23:35

Ngu toneto, Mkoma Txizimu a khene: Ngako u nga ni divala, u ni tshuralela, u na rwala wubihi wako ni wugelegele wako.

Ezekhiyele 22:12

Ku amuketwe siningo kasi kutheketa mnoha; so honyola ni so bhindulwa u tekile, u maha likungo ka mwakelani, u txi mkhozisa; kambe ani u ni divate, kuwomba Mkoma Txizimu.

Ezekhiyele 16:17

Se u tekile singwavila sako so tshura, asile ni nga kuninga sa nzalama yangu, ni sa silivhela yangu, u txi khanda sithombe sa txiwamna, u txi maha wugango naso.

Jeremiya 23:2

Ngu konaho, Mkoma, Txizimu txa Israyeli, a khene xungetano ni vadyisi va vathu vangu: “Anu mi hangalasile tinvuta tangu, mi txi ti tutumisa, kha ma khatala ngu tona. Ni na mi tsayisa ngu mhaka ya kubiha ka simaho sanu, kuwomba Mkoma.”

Jeremiya 18:15

Nguko vathu vangu va ni divate, va hisile dibaso ka sifananiso. Si va humbile tinzilani kwawe, amu ka mapfhela a kale. Kuva ve wekelela ka nzila yo timeta, ya kwa mbi dhodwa.

Jeremiya 11:13

Nguko mtengo wa sizimu sako wu dingana ni wa madhoropa ako, awe Judha! Mi emisile magandelo a tingana me dingana ni tiruwa ta mu Jerusalema: I ku siluvelo so hisela kona dibaselo ka Bhahali.

Jeremiya 2:32

Ina m'horana a nga divala wubombi wakwe, mwendo wa ku ngadi kulowolwa kudivala sihiwa sakwe kani? Kambe ditiko dangu di ni divate kale.

Isaya 17:10

Ngu mhaka yeto, u divate Txizimu txa kuhanyiswa kwako, kambe khwa alakanya dirigwi da mkhokhola wako; ngu mhaka yeto u na phaya mindonga yo tshura, u yi bhiyela ngu mindonga ya vamatiko.

Masalmo 106:21

Va divate Txizimu, Muhanyisi wawe, atxi txi nga va mahela sixamaliso ditikoni ka Egipta.

Masalmo 106:13

Aniko va kuluvetile ve divala mithumo ya Txizimu se kha va rinzela kuwona makungo a txona.

Masalmo 78:11

va to divala ti txona txi nga va mahela, sidiwukiso si txona txi nga va komba.

Jobe 8:13

Ti mahisa toneto tinzila ta vale va divalako Txizimu; se themba ya mkanganyisi yi na lova.

2 Vafumeli 21:3

Nguko a to tshumela e aka siluvelo sile si nga ti khundumusetwe ngu tate wakwe Ezekhiya, a to akela siluvelo Bhahali, e maha txithombe txo nga txile txi nga ti mahilwe ngu Akabe, mfumeli wa ka Israyeli, e nama masoni ka otshe mabutho a nzumani, e ma thumela.

2 Vafumeli 10:28

Ngu kumaha keto, Jehu a to khundumusela Bhahali ditikoni ka Israyeli.

2 Vafumeli 1:2

Se Akaziya a to pfodola ngu ha ka tisimbi ta nyumba ya txitezi txa wumune, a ngadi nayo kona Samariya, a to lwala, eruma mitumi e va gela tiya: Tsulani mi ya wotisa Bhahali-Zebhubha, txizimu txa Ekroni, ku mwendo ni na kalamuka ka wulwati wuwa kani?

1 Samuwele 12:9

Aniko va divate Mkoma, Txizimu txawe; sekoko a va ningete manzani ka Sisera, mthangeli wa dibutho da yimbi ya Hazori, ni manzani ka Vafilista, ni manzani ka mfumeli wa va ka Mowabhi, vale va nga lwa navo.

Valamuli 10:6

Sekoko vanana va ka Israyeli va to khateta kambe kumahetela kubiha masoni ka Mkoma. Se va to thumela Vabhahali, ni Vaastarote, ni sizimu sa Vasiriya, ni sizimu sa Vasidhoni, ni sizimu sa Vamowabhi, ni sizimu sa Vaamoni, ni sizimu sa Vafilista, kambe va to tshuralela Mkoma, va si mkhozeli.

Dhewuteronome 32:18

Awe Israyeli, u divate Dirigwi di di nga kuninga wutomi; u divate Txizimu txi txi nga kuvanga.

Dhewuteronome 6:12

Ti wonele, u si divali Mkoma, a nga kuhumisa ditikoni ka Egipta, ka nyumba ya wukhumbi.

Eksodha 32:34

Tsula koko konkuwa, thangela vathu u txi ya ha ni nga kuleleta kona. Ngelozi yangu yi na thangela masoni kwako. Aniko ka ditshiku di ni nota thethisa, ni nata va tsayisa ngu txionho txawe.”

Isaya 65:7

sionho sanu, kumweko ni sionho sa vatate vanu, kuwomba Mkoma, avale va nga hisa dibaselo mimangoni, ni ku ni ruketela simangwanani; ngu mhaka yeto, ni na tshumela ni va pimela mithumo yawe ya kale, masoni kwawe.

Ezekhiyele 16:12

Ni ku namekile txingwavila ha thonvuni, ni singeda tinzeveni, ni m'bhoti wa wudhundo ha msungo.

Jeremiya 7:34

Madhoropani ka Judha, ni mu magondoni ka Jerusalema, ni na malata dipswi da kuzumbiseka, ni dipswi da litsako, ni dipswi da mteki, ni dipswi da mtekiwa; nguko ditiko di na maha dirumbi.

Sidilo 1:4

Tinzila ta Siyoni ta dila nguko kha nga ho wu a tako ha msengeletanoni ka habanza; sike sakwe sotshe si savatisilwe vaphaxeli vakwe vatilaya; votuma vakwe va pandisekile, ni nene apune a ni kupandiseka.

Sidilo 5:14

Vahombe kha ve ngadi veya habanza, ni majaha kha me ngadi ma txi embelela.

Amosi 8:10

Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.