Hoseya 2:12 - Bhiblia Yo Sawuleka

¹² Se ni na onhetela mivhinya yakwe, ni mikuwu yakwe, yile a wombako ngu yona, a txi khene: Ayiya i hakhelo yi ni nga ningwa ngu sigango sangu; ani koko, ni na si hundula si maha txitinga, se si na dyiwa ngu sihari sa tshofu sa txitinga.

Hoseya 2:12 Referans Kwoze

Isaya 7:23

Kambe ku na humelela ka ditshiku dileya, ti taku, makhalo otshe a mivhinya ya 1.000, yo dingana male ya 1.000 wa matxheleni a silivhela, ku na mila sipopo ni mipa.

Isaya 5:5

Konkuwa koko, na mi gela ti ni no maha, ka thembwe yangu ya m'vhinya: Ni na thavisa libhingo la yona, yi na maha lihawu; ni na khundumusa diseta da kona, di na kandetelwa.

Hoseya 13:8

Nga txikakanka txo mwalalelwa ngu vanana, ni na va mana, ni va bhenula misiha ya timbilu tawe; koneyo ni na va phatulela ku nga ngonyamo; sihari so leva sa txitinga si na va vharulela.

Hoseya 2:5

Nguko mame wawe a mahile wugelegele, awule a nga va veleka a mahile mhaka ya tingana, nguko a khene: Na londetela singango sangu, sile si ni ningako sakudya sangu, ni mati angu, matoya a tinvuta ni linyu yangu, mafura angu ni sa kusela sangu.

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Hoseya 9:1

U nga tsake, awe Israyeli, u tshumela u ndaka-ndaka, kufana ni vathu; nguko u lekile Txizimu txako kufana ni digelegele; U randile kuholelwa ngu otshe mathala a fulaho.

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Jeremiya 8:13

Ni na va lovisa va txi bhi, kuwomba Mkoma. Kha ku na mauvha mndongani ka m'vhina, hambi makuwu mkuwuni, ni ona mazokoro ma omile. Asi ni nga va ninga si na pshwonyowoka kwawe.

Isaya 29:17

Ina Libhanoni kha na kuhunduluka, ngu mbimo yayidotho, eva thembwe yo nona kani? Se thembwe yo nona kha yi na kumaha txitinga kani?

Masalmo 80:12

Ngu kutxani u txi khundumusa libhiyo la thembwe yako, u leka avale va pindako ngu nzila va txi hapha mauvha a wona kani?

Jeremiya 5:17

Vona va na dya siyalo sako ni dipawu dako; va na daya vafana vako ni sihoranana sako; va na dayela tinvuta tako ni tihomu tako, va na dya mivhina yako ni mixanvu yako. Madhoropa ako a mikhokhola awa u ma thembako, va na ma lovisa ngu ditxhari.

Jeremiya 13:26

Ngu konaho, ni na guleta txiambalo txako kala khoheni kwako, ti taku ku txi woneka tingana tako.

Hoseya 5:14

Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.