Hoseya 14:7 - Bhiblia Yo Sawuleka

⁷ Ava va no zumba ka mtsudi wakwe va na wuya; va na hanya kufana ni fulaho kambe va na veka siluva ku nga m'vhina mialakanyo yawe yi na fana ni vhinyo ya Libhanoni.

Hoseya 14:7 Referans Kwoze

Masalmo 91:1

Awule a zumbako kusisalani ka Nyatxitimwi a na humula mtsudini ka Nyamitamo,

Johani 11:25

Se Jesu a txi khene: “Ani ngani Kuwuka ni Wutomi; awule a kholwako kwangu, hambi a di fite, a na hanya.

Zakariya 8:12

Nguko mbewu yi na humelela, se m'vhinya wu na veka mihando ya wona, mafu ma na ninga sasiphya, nzuma yi na nisa hunguva ya yona; se ni na maha taku miboti ya vathu vava, yi mana yotshe thomba yiya.

Hoseya 14:5

Ka Israyeli ani ni na fana ni mwando, ene a na tshura kufana ni siluva, kambe a na hangalasa mitwi yakwe kufana ni Libhanoni.

Hoseya 6:2

Msana ka masiku mambidi, a na hi ninga wutomi; ngu ditshiku da wuraru a na hi wusa, hi hanya masoni kwakwe.

Hoseya 2:22

Se mafu ma na xamula ka fulaho, ni ka dosi, ni ka mafura; sona si na xamula ka Jezireyeli.

Ezekhiyele 17:23

Ka mmango wo guleka wa ka Israyeli, ni na ya phaya mkedhari, wu na humisa midhari, ni kuveleka mihando, wu na va mkedhari wa wunene; sotshe sinyana si na zumba hahatshi ka mtsudi wa madhavi a kona.

Isaya 61:11

Nguko nga kule mafu ma humisako makhukhu a ona, ni ku nga themmbwe yi milisako sile si phaywako ka yona, ngu tona eto Mkoma Txizimu, a na milisa kululama, ni wudhumo ka otshe matiko.

Ndando ya Tindando 6:11

Ni relete thembweni ka mitshulani, kuya wona siluva sa mkovani, ni kuwona ti to mwendo mivhinya yi thungile, ni kumwedo miromani yi velekile wuluva.

Ndando ya Tindando 2:3

Hagari ka vanana, txirandwa txangu txi fanana ni mndonga wa mahapula awu wu ku hagari ka mindonga ya txitinga; ngu kutsaka ka hombe, ni khalahatshile mtsudini kwakwe; mihando ya wona ya tshamba mkanani kwangu.

Masalmo 138:7

Ngako ni txi tsimbila hagari ka kuxaniseka awe wa ni hanyisa; u na nawuluta dianza dako u ni vhikela ka txiviti txa valala vangu se dianza dako da txinene di na ni hanyisa.

Masalmo 85:6

Khu na mbiswa u txi hi hanyisa, kasiku vathu vako va txi tsaka ngu ngawe kani?

Johani 12:24

Ngu ditshuri, ngu ditshuri, na mi gela: Ngako nyengi ya fulaho, yi yi wako mafuni, yi si fi, yi na zumba yokha. Aniko, ngako yi txi fa, yi ninga mihando yayingi.

Hoseya 2:21

Se ku na maheka ka dona ditshiku dile ani ni no xamula, kuwomba Mkoma, ani ni na xamula nzuma, kambe yona yi na xamula mafu.

Ndando ya Tindando 4:11

Mahesa a wulombe ma khulunga ha txisofu kwako, awe msikati wangu! Wulombe ni masi si hahatshi ka lidimi lako, se kubhumula ka syambalo sako, nga ka Libhanoni.