Hoseya 14:6 - Bhiblia Yo Sawuleka

⁶ Ma na nava madhavi akwe a maphya, kambe wudhumo wakwe wu na fana ni wa muolivha, ni kunungela kwakwe ku na fana ni ka Libhanoni.

Hoseya 14:6 Referans Kwoze

Masalmo 52:8

Kambe ani, ni fana ni mkhure wo nyuka amu m'tini ka Txizimu; ni themba wumbilu wa Txizimu yotshe mbimo.

Vafilipiya 4:18

Ngu toneto, sotshe ni naso, so tala si sala. Ni taletwe ngu ku ni nga amukela manzani ka Epafrodhito asi mi nga ni rumela, matolo o bhumula ta tinene, mhamba yo amukeleka ni kutsakisa Txizimu.

Johani 15:1

“Ani ngani mndonga wa ditshuri wa m'vhinya. Tate wangu ngene m'dimi wa kona.

Matewu 13:31

Se a to va mahela kambe tximwani txidinganiso a txi khene: “Mfumo wa nzumani wu fana ni mbewu ya txinapi, ayi m'thu wokari a nga yi teka, e yi phaya thembweni kwakwe.

Jeremiya 11:16

Mkoma a ku thute ditina daku: Muolivha wo nyuka wa mihando yo tshura. Ngu diguwa da hombe da m'dhikila a di hisile ngu mndilo, madhavi a dona ma phatukete.

Masalmo 128:3

Hagari ka mwaya wako, msikati wako a na fana ni m'vhinya wu wu nga veleka mauvha ni vanana vako, va na fana ni makhukhu a muolivha, ma randelako meza yako.

Genesisi 27:27

Ene a to tshuketa e pswopswa tate wakwe. Sekoko Isaake, ngako a txi pfa kubhumula ka syambalo sakwe, a to mkatekisa, a txi khene: “Hi nga pfani kubhumula ka mwanana wangu, kufana ni thembwe yi Txizimu txi nga yi katekisa.

Masalmo 92:12

Mlulami a na kula kufana ni mkhokho ene a na lapha kufana ni mndonga wa mkedhari wa Libhanoni.

Isaya 27:6

Ma nata masiku ale Jakobe a no mila mitwi, se Israyeli a na veka siluva e mila, kambe va na tata mafu ngu mihando.

Isaya 35:2

Li na rumbuka ngutu ni kundakandaka ngu litsako, kambe li na peka mikulungwani; li na ningwa wudhumo wa Libhanoni, kufana ni kunona ka Karmeli, ni ka Xaromi; vona va na wona wudhumo wa Mkoma, ni kuphatima ka Txizimu txathu.

Isaya 66:14

Eto mi na ti wona, kambe timbilu tanu ti na tsaka, ni marambu anu ma na mana mtamo, kufana ni mwasi wa wuphya; sekoko dianza da Mkoma di na woneka ka sithumi sakwe, se ene a na henyela valala vakwe.

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.