Hoseya 14:5 - Bhiblia Yo Sawuleka

⁵ Ka Israyeli ani ni na fana ni mwando, ene a na tshura kufana ni siluva, kambe a na hangalasa mitwi yakwe kufana ni Libhanoni.

Hoseya 14:5 Referans Kwoze

Isaya 35:2

Li na rumbuka ngutu ni kundakandaka ngu litsako, kambe li na peka mikulungwani; li na ningwa wudhumo wa Libhanoni, kufana ni kunona ka Karmeli, ni ka Xaromi; vona va na wona wudhumo wa Mkoma, ni kuphatima ka Txizimu txathu.

Isaya 27:6

Ma nata masiku ale Jakobe a no mila mitwi, se Israyeli a na veka siluva e mila, kambe va na tata mafu ngu mihando.

Vaefesu 3:17

ni ti to Kristu a txi aka timbiluni kwanu ngu kukholwa, kufela ku lirando li txi maha mkoloti wa kutsanisa dihanyo danu.

Matewu 6:28

“Nji txani mi txi karateka ngu syambalo kani? Pimisani ati ma kulisako tona makhoñwa a txitinga: Kha ma thumi, kha ma luki.

Masalmo 72:16

Ditiko di na talelwe ngu kupfuna ka fulaho, ayi yi zinginikelako txitimwi ka situnga, yi veleka mihando kufana ni Libhanoni ava va nga aka madhoropani va na rumbuka kufana ni mwasi wu nga mila ha mafuni!

Jobe 29:19

Mikoloti yangu yi ti ti nava hafuhi ni mati, se mwando wu ti ti zumba txitimwi ka madhavi angu;

Dhewuteronome 32:2

Gondo yangu yi na date nga mati a nzuma, dipswi dangu di na txhike kufana ni mwando, kufana ni dipswhi di tshutshako txitimwi ka diphunde do nakana, kufana ni txyandela txitimwi ka mwasi wo nyuka.

Mika 5:7

Se miboti ya ka Jakobe, yi na va hagari ka vathu vavangi, ku nga mwando wa Mkoma, ku nga matshutshelo txitimwi ka mwasi, wu si emeliko m'thu, mwendo kuverela vanana va vathu.

Isaya 44:3

Nguko ni na tshakunuta mati txitimwi ka txihala, ni minambo txitimwi ka mafu a kuoma; ni na thela moya wangu txitimwi ka liveleko lako, ni makatekwa angu txitimwi ka vanana vako.

Isaya 26:19

Vafi vako va na hanya, vafi vako va na wuka; vhumukani, kambe giyani, anu mi zumbako lithuluni, nguko mwando wako, awe Txizimu, wu na fana ni mwando wa mwasi, se mafu ma na tshotsha mapune vafi.

Isaya 18:4

Nguko Mkoma a ni gete tiya: Ni na malala, ni wonetela ni di dizumboni kwangu, kufana ni kuhisa ka ditambo do phatima, nga mwando wa hunguva ka lisani la mbimo ya kuelula.

Masalmo 72:6

Mfumeli a na fane ni mati ma wako tithembweni, e fana ni mapshwi ma nakanisako mafu!

2 Vafumeli 19:30

Nguko va nyumba ya ka Judha avale va nga huluka, va tshumela ve zima mikoloti hahatshi, ve wonekisa mihando txitimwi.

2 Samuwele 23:4

Se a na fana ni kuwonekela ka mixo, ngako di txi huma ditambo ni mixo ko pwata marefu, ngu kuwoninga ka dona, msana ka kuva ma di wite mati, kumilisa mwasi wa mafu.

Luka 12:27

Wonani makhoñwa: Kha ma thumi, kha ma luki, aniko ani na mi gela tito, hambi Solomoni wudhumoni kwakwe, kha bomba nga dimwedo ka ona.

Ndando ya Tindando 4:5

Titshumbu tako ta timbidi ti fana ni simhotyana simbidi sa mahasa, si dyiswako hagari ka makhoñwa.

Ndando ya Tindando 2:16

Txirandwa txangu njangu, nani ni wa txona; mtxhambi wakwe a wu dyisa hagari ka makhoñwa.

Mavingu 19:12

Kuhenya ka mfumeli, kufana ni kubhonga ka txingonyamwana; aniko wunene wakwe wu fana ni mwando txitimwi ka mwasi wo nakanna.

Masalmo 80:9

U wu lulamisete mafu, se wona wu mite mikoloti, wu txi na va, wu eneta dotshe ditiko.

Masalmo 92:12

Mlulami a na kula kufana ni mkhokho ene a na lapha kufana ni mndonga wa mkedhari wa Libhanoni.

Masalmo 133:3

Ngu nga txyandela txa mmangoni ka Hermoni, txi relelako ka mimango ya Siyoni. Nguko, ngu koneyo Mkoma a rumako makatekwa, ngu kuvaninga kuhanya kala kupinduka.

Isaya 45:8

Anu tizuma nisani mwando, ni marefu ma na nise kululama; ma na tuleke mafu, se kuhuma kuhanyisa, kululama ku na ninge mihando kumweko; ani Mkoma, ni si vangile.

Masalmo 92:13

Kufana ni mindonga yi yi nga phaywa m'tini ka Mkoma, ene a na kula ha mthandani ka Txizimu txathu.

Isaya 12:1

Se ka ditshiku donedo, u na khawe: Na ku bonga, Mkoma, nguko hambi ku u nga ni henyela, kuhenya kwako ku gumile, se u ni tsakisile.

Isaya 57:18

Ani na ti wona tinzila tawe, hambi keto ni na va hanyisa; kambe ni na va thangela ni tshumela ni va thavelela, ni vale va dilako navo.

Isaya 57:19

Ani na veka mihando ya sisofu: Kudikha, kudikha, ka vale va ku kule, ni ka vale va ku hafuhi, kuwomba Mkoma, kambe ani ni na va kalamukisa.

Jeremiya 3:22

Wuyani, anu vanana vo tiwuka, ani ni na thavisa ku phawuka kwanu. “Ngathu vava, hi tile kwako; nguko awe u Mkoma, Txizimu txathu.

Jeremiya 32:41

Ni na zilimukiswa ngu vona, ni txi va katekisa, kambe ni na va zimeka ditikoni muwa ngu mbilu yangu yotshe ni muhefemulo wangu wotshe.

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.