Hoseya 14:1 - Bhiblia Yo Sawuleka

¹ Awe Israyeli, hundulukela ka Mkoma, Txizimu txako; nguko u wite ngu sionho sako.

Hoseya 14:1 Referans Kwoze

Hoseya 6:1

Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu.

Hoseya 12:6

Awe koko, hundulukela ka Txizimu txako; veka wunene ni kululama, kambe verela ka Txizimu txako, ngu ha ku si gwitiko.

Jeremiya 4:1

“Ngako u txi wuya, awe Israyeli, wuyela kwangu, kuwomba Mkoma; ngako u txi thavisa manyala ako masoni kwangu, sekoko khu na mbiswa u peperukela kambe.

Hoseya 13:9

Kasi ku ni kukomba ti to u mwalate, awe Israyeli, u ni wukete, u wukete m'vhuni wako.

Sidilo 5:16

M'bhoti wa ha msungo kwathu wu wite! Se hi na txani, nguko hi onhile!

Hoseya 5:5

Kutikulisa ka va ka Israyeli ku na tikomba koko khoheni kwakwe; Kambe Israyeli ni Efrayime va nawa ngu mhaka ya kwa mbi lulama kwawe, se Judha a nawa kumweko navo.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Isaya 19:22

Se Mkoma a na dayisa Vaegipta e tshumela e va hanyisa; va na hundulukela ka Mkoma, ene a na engisa mikombelo yawe, e va hanyisa.

Ezekhiyele 33:11

Va gele, ani na hanya, kuwomba Mkoma Txizimu, kha ni tsakiswi ngu kufa ka m'bihi, aniko ngu ku m'bihi e hunduka ka nzila yakwe, e hanya; hundulukani, hundulukani ka tinzila tanu ta walo; nguko koko mi na fela txani, anu va nyumba ya ka Israyeli kani?

Ezekhiyele 33:14

Ngako kambe ni txi khani ka muonhi: Ngu ditshuri u na fa; a txi hunduluka ka txionho txakwe e maha kululama,

Hoseya 4:8

Vadya sionho sa vathu vangu, kambe va navela ngutu wubihi wawe.

Hoseya 9:7

Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.

Hoseya 10:12

Tiphayeleni wululamo, mi funyela madingano ni wumbilu, dimani thembwe ya wudimo, nguko i mbimo yo lava Mkoma, kala kuza e ta, kunane kululama txitimwi kwanu.

Hoseya 12:8

Se Efrayime a khene: Hambiketo, ani na ti fumisa, kambe na ti manela tithomba ta hombe; Ka yotshe mithumo yangu, kha va na mbi mana wubihi ni wawumwewo, i ku txionho.

2 Vafumeli 8:12

Se Hazayeli a to wotisa ku khene: Awe nyamne wangu wo dilela txani kani? Se Elixa a to xamula ku khene: Ngu ti to na ziva dikhombo di u no di maha txitimwi ka vanana va ka Israyeli. U na hisa mikhokhola yawe ngu mndilo, u na daya majaha awe ni mahorana ngu ditxhari, ni vafana vawe u na va tshatulela, u bhandelela sirumbu ka vavasikati.

Ezekhiyele 16:46

Se mkomwako ngu Samariya, ene ni vanana vakwe vamahorana, a zumbako txibhabha kwako; se mnanda wako, a zumbako ka dianza dako da txinene, ngu Sodhoma ni vanana vakwe vamahorana.

Hoseya 9:13

Efrayime, ngu nga ti ni nga muwonisa tona Tiro, a phayilwe ka wukhalo wo tsakisa ngutu; kambe Efrayime a na yisa vanana vakwe ka m'dayi.

Amosi 1:13

Mkoma a womba tiya: Ngu kuhambunyeta kuraru ka vanana va ka Amoni ni ka wumune, kha ni na mbi thavisa txitsayiso, nguko va dolete sirumbu sa Gileyadhi, kasi kuve engetela mihingano yawe.