Hoseya 13:9 - Bhiblia Yo Sawuleka

⁹ Kasi ku ni kukomba ti to u mwalate, awe Israyeli, u ni wukete, u wukete m'vhuni wako.

Hoseya 13:9 Referans Kwoze

Jeremiya 2:17

Ina khwa ti vangela dikhombo upune! Nga ha u nga leka Mkoma Txizimu txako, ahawa ene a nga kuthangela nzilani kani?

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Dhewuteronome 33:26

Awe Jesurumi kha nga ho wa kufana ni Txizimu, a tako a di gadhile tinzuma kasi ku ta ku vhuna, a tako ni wuhombe wakwe txitimwi ka marefu!

Hoseya 14:1

Awe Israyeli, hundulukela ka Mkoma, Txizimu txako; nguko u wite ngu sionho sako.

Jeremiya 5:25

Ngu sionho sanu si nga hambukisa sotshe siya, mi pwata makatekwa ngu mhaka ya sionho sanu.

Malakiya 1:9

Konkuwa koko, kombelani ka Txizimu, se txona txi na hi pfela wusiwana; atiya ti tile ngu manzani kwanu, ene a na mi tumela kani? Kuwomba Mkoma wa Mabutho a Tiyimbi.

Hoseya 13:4

Hambi keto, ani ngani Mkoma, Txizimu txako, kukhukhela ditikoni ka Egipta; ngukonaho, khu na mbi ziva tximwani txizimu hahanze kwangu, nguko kha ku na Muhanyisi, na i si ngani.

Isaya 3:11

Dikhombo ka vakubiha! Nguko va na ningwa hakhelo ya mithumo ya manza awe.

Isaya 3:9

Tikhohe tawe ta va kona; va andisa sionho sawe, kufana ni Sodhoma; kha va si baramisi. Dikhombo ka mihefemulo yawe! Nguko vo ti mahela kubiha vona vapune.

Mavingu 8:36

Se wule a no ni onhela, a na lwisa muhefemulo wakwe apune, votshe vale va ni vengako, va randa kufa.

Mavingu 6:32

Awule a mahako wugango ni wamsikati, wa kelelelwa ngu mapimo; awule a mahako to nga eto, wa haxula muhefemulo wakwe.

Masalmo 146:5

A katekile wule Txizimu txa Jakobe i ku m'vhuni wakwe, awule themba yakwe yi ku ka Mkoma, Txizimu txakwe,

Masalmo 46:1

Txizimu mbuthavelo wathu ni mtamo wathu; ngu txona txi hi vhunako ka timbimo ta kuxaniseka.

Masalmo 33:20

Themba yathu hi yi veka ka Mkoma; ngene i ku m'vhuni wathu kambe m'vhikeli wathu.

Dhewuteronome 33:29

Awe Israyeli u katekile! I mani a fanako ni nawe, ditiko di di nga hanyiswa ngu Mkoma, kani? Ene ngene i ku txitxhangu txi txi ku vhikelako, ditxhari di di ku ningako wundena! Valala vako va na khoziswa masoni kwako, awe u na kandetela kutiguleta kwawe.

Jeremiya 4:18

Mahanyelo ako ni mithumo yako si ku wusete silo siya, ngu wona m'hando wa kubiha kwako. Kha ditshuri wa bava, ka panda ni mbiluni.”

Malakiya 1:12

Aniko anu ma di nyenyezisa, ngako mi txi khanu: Meza ya Mkoma yi nyenyezile, ni siya sa yona, sakudya sa kona, sa eyiseka.

Malakiya 1:13

Se mi khanu: Wonani kunemela ka tona! Se mi ti ningete kutxhipiswani, kuwomba Mkoma wa Mabutho a Tiyimbi; anu mi ningela so piwa, so limala, ni so lwala; se mi mahisa eto miningelo; si amukelwa soneso sa kuta ngu manzani kwanu kani? Kuwomba Mkoma.

2 Makronika 28:23

Nguko a to phaxela ka sizimu sa Dhamasku, sile si nga mxula, se a nje khene: Ngako sizimu sa vafumeli va Siriya si nga va vhuna, ni na si mahela miphaxo, kasi ku si na ni vhuna. Aniko si to va lovisa vona, ni va ka Israyeli.

Hoseya 7:14

Se kha va dila kwangu ngu timbilu tawe, kambe va txi keta va di hamatahoni kwawe; va tshanganete fulaho ni vhinya, aniko ani va ni tshuralete.

Hoseya 7:15

Ani ni va gondisile, ni va tsanisa mawoko, kambe va pimisa kubiha ngu ngani.