Hoseya 13:8 - Bhiblia Yo Sawuleka

⁸ Nga txikakanka txo mwalalelwa ngu vanana, ni na va mana, ni va bhenula misiha ya timbilu tawe; koneyo ni na va phatulela ku nga ngonyamo; sihari so leva sa txitinga si na va vharulela.

Hoseya 13:8 Referans Kwoze

2 Samuwele 17:8

Husayi a to engeta a txi khene: Awe wa m'ziva kha kwati tate wako ni vathu vakwe, taku mbathu va mtamo, va mahenyelo o fana ni a txingwingwi txo mwalalewa ngu vanana txitingani; nene tate wako, m'thu wa tiyimbi, kha na mbi otela wukhalo wumwewo ni vathu.

Jeremiya 12:9

Ina thomba yangu yi kwangu nga txinyana txa matshakatshaka. Ti di ngeto, makoti a na va wukela ngu ka otshe madhawa. Tsulani mi txi ya mananisa sotshe sihari sa txitinga, si na yi khobweta.

Isaya 56:9

Anu motshenu sihari sa txitinga, anu motshenu sibanda sa txitinga, ngonani mi ta dya.”

Isaya 5:29

Kubhonga kwawe kufana ni ka ngonyamo; va na bhonga kufana ni singonyamwana; Ina, va na bhonga va txi ñola mipfimba yawe, kha ku na wule a no yi txhatxhisa.

Mavingu 17:12

I txhuko kumanana ni txibanda txo honyolwa vanana, kupinda kumanana ni txiphukuphuku amu ka wuphukuphuku wa txona.

Masalmo 80:13

Khumba ya txitinga ya khura ngu wona mndonga wule wa m'vhinya ni sihari sa txitinga sa wu dya.

Masalmo 50:22

Engisani ta tinene, anu mi divalako Txizimu; kasiku ni si mi phatuleli, ku si maneki ni wammweyo wo mi hulukisa.

Jeremiya 25:38

Ene a humile m'dhutini kwakwe nga txingonyamwana, nguko ditiko dawe di mahile dirumbi, ngu mhaka ya kuthisa ka ditxhari da Mkoma, ni kutura ka kuhenya kwakwe.

Hoseya 2:12

Se ni na onhetela mivhinya yakwe, ni mikuwu yakwe, yile a wombako ngu yona, a txi khene: Ayiya i hakhelo yi ni nga ningwa ngu sigango sangu; ani koko, ni na si hundula si maha txitinga, se si na dyiwa ngu sihari sa tshofu sa txitinga.

Hoseya 5:14

Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.