Hoseya 13:5 - Bhiblia Yo Sawuleka

⁵ Ani ni kuzivete txiwulani, ka mafu a kuoma.

Hoseya 13:5 Referans Kwoze

Dhewuteronome 32:10

Ene a mmani ditikoni ka txiwula, ka txiwula txa mafu a kuoma, txo tala ngu tihuwa; a m'bhiyete a txi mxayisa, a txi m'vekisa kufana ni ndolowani ya diso dakwe.

Dhewuteronome 8:15

awule a nga kutsimbilisa ngu mu ka txiwula txa hombe txo thisa, txo tala ni minyoka ya wuxungu, ni tihume ni mu ka ditiko do mbi na mati, a ku humisete mati ngu ka dirigwi do banga;

Dhewuteronome 2:7

Nguko Mkoma, Txizimu txako, a kukatekisile ka yotshe mithumo ya manza ako; kambe ene a ku pangalatile mu kutsimbilani kwako, ngu mu ka txiwula txa hombe. Mndani ka mune wa magumi a malembe, Mkoma, Txizimu txako, a ti ti ni nawe, ni txa tximwetxo tximaha kha txa pwateka kwako.

Vagalatiya 4:9

Aniko konkuwa, ngako mi txi zivako Txizimu, mwendo, ngu mawombelo a txhuko, ngako mi ziwako ngu Txizimu, ti mahisa kutxani kutshumela kambe mi ya ka sa ku ambi na mtamo ni sa wusiwana, mi lava ku ti maha sithumi sa sona kani?

Nahume 1:7

Mkoma mnene, dikhokhola ka ditshiku da xomulo, kambe wa va ziva ava va thembako kwakwe.

Masalmo 142:3

“Ngako moya wangu wu txi guma mtamo, awe Mkoma, wa yi ziva nzila yi ni fanelako kuteka yona. Ka nzila yi ni nga txi tsimbila ngu yona, va ni riyete ngu mlawu.

Masalmo 63:1

Txizimu, awe u Txizimu txangu! Na kulava ni si karali! Moya wangu wu na ni ditora ngu ngawe; wotshe mmidi wangu wa kunavela, ku nga mafu a ligwangwa, o oma ma ku si nga ni mati.

Eksodha 2:25

Se Txizimu txi woni wukhumbi wa vanana va ka Israyeli, Txizimu txi to va pfela wusiwana.

1 Vakorinto 8:3

Aniko, ngako m'thu a txi randa Txizimu, eyo wa ziwa ngu txona.

Jeremiya 2:6

Se kha va kha vona: “Ahani Mkoma, awu a nga hi humisa ditikoni ka Egipta kani? Awu a nga hi thangela amu txiwulani, ditikoni ka sigwangwa ni maphala, ditikoni ka kuoma kumweko ni mtsudini wa kufa Ditiko di nga ti si nga ni vapindi ni vaaki.”

Jeremiya 2:2

Tsula, kwangula tinzeveni ka Jerusalema, u txi khawe: Mkoma a khene: “Na alakanya wunene wa wuphya wako, Ni lirando lako mbimo yi u nga wutwa ngu yona; mbimo yile u nga ti ni londetela txiwulani, Ka ditiko di ku nga sa phaywa txilo

Masalmo 31:7

Ani ni na tsaka ni txi giya ngu lirando lako. Awe u woni kuxaniseka kwangu, u txi ziva ni kupandiseka kwangu;

Masalmo 1:6

Nguko Mkoma wa yi ziva nzila ya valulami, kambe nzila ya vabihi yi yisa kulovani.

Genesisi 31:40

Ni mitshikari ni ti ti hiswa ngu lisani, ni wusiku ni ti ti pekwa ngu pheho, ni wukohe ni si wu mani.

Hoseya 5:3

Ani na m'ziva Efrayime, ni Israyeli kha sisali masoni kwangu; nguko konkuwa, awe Efrayime, u mahile wugelegele, se u ningetile Israyeli.

Hoseya 9:10

Ni mani Israyeli ku nga mauvha txiwulani, ni woni vatate vanu ku nga mihando yo khata ya mkuwu wo tewula; kambe vona va toya Bhahali-Peyori, veya ti ningetetela ka tximahetxo txa tingana, ve maha manyala kufana ni txile va nga txi randa.