Hoseya 13:3 - Bhiblia Yo Sawuleka

³ Ngu toneto, va na fana ni direfu da mixo ni ku nga mwando wa mabimbi-kutxa wu kuluvetako kutshatsheka, kufana ni mazokoro ale txihuhuri txi ma rinzako ngu txihuleloni, ni kufana ni wutshi wa txiroroni.

Hoseya 13:3 Referans Kwoze

Hoseya 6:4

Awe Efrayime ni na maha txani ngu ngawe kani? Na maha txani ngu ngawe, awe Judha kani? Nguko lirando lanu li fana ni direfu da mixo, ni ku nga mwando wa mabimbi-kutxa, wu kuluvetako kutshatsheka.

Masalmo 1:4

Kasi hi nga toneto vabihi; vona va fana ni mwasi wu wu huhiswako ngu diphuho.

Masalmo 68:2

va mwalala nga wutshi hagari ka mpfhuka, va nyivilika nga phula ha mndiloni. Ngu tonti vathu vo biha va fisako tona, masoni ka Txizimu!

Dhaniyeli 2:35

Sekoko txi to koyolelwa kumweko ni txikete, ni dibumba, koporo, silivhela ni nzalama, asi si nga maneka nga mtungu wa timbimo ta kuoma, se moya wu si huhisa, kambe kha wa maneka wukhalo ni wawumwewo wo si lumba; aniko dirigwi di di nga khundumusa txithombe mmumbu wa hombe, di tata otshe mafu.

Isaya 17:13

Nga toneto, matiko ma na dhuma, nga ti ma dhumisako tona mati amangi, aniko a na ma malata, se ma na tutuma me tsula kule; kambe ma na hangalaswa nga mwasi wa mmangoni, masoni ka moya, ni ku nga dibwinzi, masoni ka txihuhuri.

Jobe 21:18

Nguko ku nga mwasi masoni ka moya, ni ku nga mtungu wu wusako txihuhuri.

Jobe 30:15

Ni wetwe ngu kuthava; vo nga moya va txi tutumisa kudhundeka kwangu, se kutsaka kwangu kupindisa ku nga direfu.

Zefaniya 2:2

kusanzi kuhuma txileleto, aha ditshiku di no pindisa ku nga mwasi; kusanzi kuta txitimwi kwanu kuhenya ka Mkoma; ina, di sanzi kuta txitimwi kwanu ditshiku da kuhenya ka Mkoma.

Zakariya 8:12

Nguko mbewu yi na humelela, se m'vhinya wu na veka mihando ya wona, mafu ma na ninga sasiphya, nzuma yi na nisa hunguva ya yona; se ni na maha taku miboti ya vathu vava, yi mana yotshe thomba yiya.