Hoseya 13:16 - Bhiblia Yo Sawuleka

¹⁶ Samariya a na maha txiwula, nguko a wukete Txizimu txakwe; Va na dawa ngu ditxhari, vanana vawe va na phatulelwa, se vasikati vawe va sirumbu va na bhandiswa ngu hagari.

Hoseya 13:16 Referans Kwoze

2 Vafumeli 15:16

Sekoko Menayemi a to khundumusa didhoropa da Tifisa, ni votshe vale va nga ti tiho ka dona, a mahisileto nguko didhoropa di sa tumela kukhoza masoni kwakwe; a to va lwisa, se e bhandelela ngu hagari votshe vavasikati vale va nga ti ni sirumbu.

2 Vafumeli 8:12

Se Hazayeli a to wotisa ku khene: Awe nyamne wangu wo dilela txani kani? Se Elixa a to xamula ku khene: Ngu ti to na ziva dikhombo di u no di maha txitimwi ka vanana va ka Israyeli. U na hisa mikhokhola yawe ngu mndilo, u na daya majaha awe ni mahorana ngu ditxhari, ni vafana vawe u na va tshatulela, u bhandelela sirumbu ka vavasikati.

Isaya 13:16

Vanana vawe va na phwaraselwa va txi si wona; tinyumba tawe ti na honyolelwa, ni vasikati vawe va na pfinyetelwa.

Amosi 1:13

Mkoma a womba tiya: Ngu kuhambunyeta kuraru ka vanana va ka Amoni ni ka wumune, kha ni na mbi thavisa txitsayiso, nguko va dolete sirumbu sa Gileyadhi, kasi kuve engetela mihingano yawe.

Nahume 3:10

Hambi keto, dona di tekilwe di tsula wukhumbini; vanana va dona va phatuletwe amu ka totshe tinzila ta hombe, se txitimwi ka vathaviseki vawe va to xaxuva tixolo, ni votshe vahombe vawe va sungilwe ngu titxhini.

Mika 6:16

Nguko mi txi xayisa sileleto sa Omiri, ni yotshe mithumo ya nyumba ya Akabhi, ni nanu mi tsimbila ka milayo yawe; kasiku ani ni kumaha dirumbi, ni vahanyi vako ve va mloti; ngu kumaha keto mi na wuyisa txiruko txa vathu vangu txitimwi kwanu.

Mika 1:4

Se mimango yi na nyivilika hahatshi ka mikondo yakwe, ni mikova yi na tuleka, ku nga phula mndiloni, kufana ni mati o khiringela kuhokomani.

Amosi 9:1

Ni woni Mkoma a nga ti emeli hafuhi ni txiluvelo se a txi ni gela a txi khene: Peka txitimwi ka tiphande u dekadekisa matimba otshe, sotshe u si maha sikhwemu txitimwi ka misungo ya votshe; se ani ni na va daya ngu ditxhari kala ka wo gwitisa khawe; a wu a ku na tutuma kwawe, kha na mbi huluka, hambi wu a no huluka kha na mbi hanya.

Amosi 3:9

Pfalisani tiya ka tinyumba ta wukoma ta Asidhodhi, ni ka tinyumba ta wukoma ta ditikoni ka Egipta, mi txi khanu: Sengeletanani mimangoni ka Samariya, mi wona pfilu-pfilu ya hombe hagari ka dona, ni vale va xaniswako ka dona.

Hoseya 11:6

Se ditxhari di nata txitimwi ka madhoropa awe, di nata fuvisa sikhweketo sa tisimbi, kambe di na va lovisa, ngu mhaka ya makungo awe.

Hoseya 10:2

Timbilu tawe ti abanekile; ngu kumaha keto, va na va ni mnandu; a na wilela siluvelo sawe, e khundumusa ni sifananiso sawe so wumbwa.

Hoseya 7:14

Se kha va dila kwangu ngu timbilu tawe, kambe va txi keta va di hamatahoni kwawe; va tshanganete fulaho ni vhinya, aniko ani va ni tshuralete.

Isaya 17:3

Se mkhokhola wa Efrayime wu na lova, kumweko ni mfumo wa Dhamasku, ni m'boti wa Siriya; yi na nga wudhumo wa vanana va Israyeli, kuwomba Mkoma wa Mabutho a Tiyimbi.

Isaya 8:4

Nguko mwanana na a sinzi kuziva kuwomba ku tate wangu, mwendo ku mame wangu, tithomba ta Dhamasku ni simaha si si nga honyolwa Samariya, si na yiswa masoni ka mfumeli wa Asiriya.

2 Vafumeli 17:18

Ngu mhaka yeto, Mkoma a to henyela Israyeli, e mthavisa masoni kwakwe; kha ka sala ni wammweyo, hahanze ka lihunzu la ka Judha.

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

2 Vafumeli 17:5

Nguko mfumeli wa Asiriya a to fumela dotshe ditiko kala kuya hoka Samariya, e di randela malembe mararu.