Hoseya 13:15 - Bhiblia Yo Sawuleka

¹⁵ Hambi ngako ene a txo ninga mihando ka vanawe, ku nata moya wa wutxani, Moya wa Mkoma, wu txi kwela ngu txiwulani, se ku na oma ni txibhuka txakwe, kambe ku na oma ni txisima txakwe, ene a handa thomba ka sotshe siya sawe sa lisima.

Hoseya 13:15 Referans Kwoze

Ezekhiyele 19:12

Aniko wu to dulwa ngu txiviti, wu txi wiswa hahatshi, moya wa wutxani wu to omisa mihando ya kona; tindonga ta kona to banga ti to funyeka ti oma, ti txi tshokomiswa ngu mndilo.

Ezekhiyele 17:10

Ina wu txi phaywa wu na humelela kani? Ina wu txi pekwa ngu moya wa wutxani kha wu na mbi oma kani? Wu na oma kukhukhela mabambe ka mule wu nga phaywa kona.

Jeremiya 4:11

Ka yoneyo mbimo ku na gelwa vathu vava ni Jerusalema, ku kha vona: Diphuho do hisa da mimango ya txiwulani di rendekete vathu vangu, na i si nga kuhehela ni kutsetseta.

Genesisi 49:22

Josefa didhavi do veleka ngutu didhavi do veleka ngutu hafuhi ni mlonga; madhavi a dona ma navako txitimwi ka diguma.

Genesisi 41:52

Mwanana wa wumbidi, a mrayile ditina daku i Efrayime, a txi khene: “Txizimu txi ni mahile ni anda ngu vanana ditikoni muwa ka kuxupheka kwangu.”

Nahume 2:9

Honyolani silivhela! Mi honyola ni nzalama! Nguko tithomba kha ti gumi, siho sotshe so maha sa tixakaxaka, so tsakisa ngutu.

Hoseya 10:1

Israyeli m'vhinya wo txhuma ngutu; u veleka mihando ya wona; madingano ni kutala ka mihando ya wona, kufana ni toneto andisile siluvelo sakwe; mdingano ni kunona ka mafu, va mahile sifananiso sa sinene so wumbwa.

Hoseya 9:11

Ka Efrayime, wudhumo wakwe wu na puruma ku nga txinyana; kha ku na mbi va ni liveleko, kha ku na mbi va ni vanana, hambi sirumbu.

Hoseya 4:19

Txihuhuri txi va fenengetile ngu tibhapi ta txona, kambe va nawa tingana ngu mhaka ya miphaxo yawe.

Dhaniyeli 11:8

Se sizimu sawe, ni sithombe sawe sasingi, ni siya sawe sa lisima, sa silivhela ni sa nzalama, a na si teka e si yisa Egipta; se ngu malembe okari, ene kha na mbi tsana kuwukela mfumeli wa Wuphemba.

Jeremiya 51:36

Se a nje khene kha Mkoma: Wona ti to ni na emela mhaka yako, ni na pharela ngu kupharela ko dinganawe; ni na omisa linene lako, ni na maha ti to me guma mati a kona.

Jeremiya 20:5

Txa wumbidi ni na ningela yotshe thomba ya didhoropa diya, ni mabhindu a kona otshe, ni sotshe siya sa lisima, ina, ni tithomba totshe ta vafumeli va ka Judha, ni na si ningela manzani ka valala vawe, ava va no si teka ngu ku si handa, va txi si yisa Bhabhilona.

Isaya 41:16

Awe u na si tsetseta, se moya wu na si purumisa, txihuhuri txi na si hangalasa; aniko awe u na tsaka ka Mkoma, u na ti dhumisa ka Msawuleki wa Israyeli.

Isaya 17:13

Nga toneto, matiko ma na dhuma, nga ti ma dhumisako tona mati amangi, aniko a na ma malata, se ma na tutuma me tsula kule; kambe ma na hangalaswa nga mwasi wa mmangoni, masoni ka moya, ni ku nga dibwinzi, masoni ka txihuhuri.

Isaya 14:21

Longisani wukhalo wu vanana va no dawelwa ka wona, va fela sihono sa vatate vawe, kasi ku va si wuki ve fuma mafu, hambi ku va sitate ditiko ngu madhoropa awe.

Masalmo 109:13

Liveleko lakwe li na gume ni txibongo txakwe txi na fuve ka liveleko li litako.

Masalmo 1:4

Kasi hi nga toneto vabihi; vona va fana ni mwasi wu wu huhiswako ngu diphuho.

Jobe 18:16

Hahatshi, mitwi yakwe yi na oma, se txitimwi ma na wilelwa madhavi a kona.

Dhewuteronome 33:17

Ene ana ni wudhumo wa didhuna da matiwula, titxheho takwe ti fana ni titxheho ta nyari; ngu tona a na lovisa votshe vathu ngu txikhati tximwetxo, kala magwito ka mafu; ngu vona i ku 10.000 wa va ka Efrayime, ni vava i ku magumi a mazana a va ka Manasi.”

Genesisi 48:19

Aniko tate wakwe a to lamba, a txi khene: Ani na tiziva mwanangu, na tiziva; nene a na anda, kambe a na maha wa hombe; hambi keto, mnanda wakwe a na va i di wa hombe kupinda ene, ni liveleko lakwe li na maha mifumo yo tala.

Genesisi 41:6

Aniko msana keto, a to wona yimwani mihumbo ya kuwuniswa ni kuhiswa ngu moya wa wutxani, yi txi mila ngu msana ka yile yo khata.

Isaya 27:8

Ngu mpimo u lwite nayo mbimo yile u nga mlamba; ene a mthavisile ngu moya wakwe wa hombe, ngu mbimo ya moya wa wutxani.

Jeremiya 4:12

Txingulu txi nata ngu kuruma kwangu sekoko ni na va lamula.

Jeremiya 51:1

Mkoma a womba tiya: Wonani ti to ni na wusa moya wu wu no khundumusela Bhabhilona, ni vaaki va kona, avale va ni lwisako.

Hoseya 2:3

Kasiku ani ni si mleki a sa ambala txilo, ni m'veka kufana ni ditshiku dile a nga velekwa ngu dona, ni mmaha e fana ni txiwula, ni m'veka kufana ni ditiko da txihaha, ni m'daya ngu ditora,

Jona 4:8

Se ku to maheka taku, kuhumani ka ditambo, Txizimu txi rumela moya wo hisa wa wutxani, se ditambo di peka msungo wa Jona, se a to tsivala; e navela ngu wotshe moya wakwe kufa, a txi khene: “I txhuko kwangu kufa kupinda kuhanya.”

Genesisi 41:23

Se msana ka yile, ku to huma yimwani mihumbo ya mtxhanu ni yimbidi, ya miburu ya kuoma, ni kuhiswa ngu moya wa wutxani.