Hoseya 13:13 - Bhiblia Yo Sawuleka

¹³ Kupanda ko veleka ka wamsikati ku nata; ene mwanana wa kwa mbi engisa, nguko i mbimo, kambe kha nga ka wukhalo wu dingana kuvelekwa.

Hoseya 13:13 Referans Kwoze

Isaya 37:3

Se va to kha vona kwakwe: Mfumeli Ezekhiya a khene: “Ditshiku diya, ditshiku da xomulo ni kutxhipiswa, ni kuruketelwa; nguko vanana va hafuhi ni kuvelekwa, aniko kuwalo mtamo waku va txi velekwa.

Isaya 13:8

Se va na dhukiswa ve thava, va txi guma mtamo, ve xanisekisa ku nga wamsikati a di hafuhi ni kuveleka; va na wonana, ve xamala, ve dhunuka, ngu kuthava.

Isaya 26:17

Nga wamsikati wa txirumbu, ngako yi di hokile mbimo yakwe, a ni kupanda ko lava kuveleka, kambe wa peka huwa kupandisekani kwakwe, hi mahile toneto nathu, ngu kulava khohe yako, awe Mkoma!

Masalmo 48:6

Va to telwa ngu dizowa va txi pandiseka kufana ni wamsikati wu a lumwako ngu txirumbu;

2 Vafumeli 19:3

Va to ya m'gela ku kha vona: Mfumeli Ezekhiya a khene: “Ditshiku diya da nyamsi ditshiku da xomulo ni kutxhipiswa, ni kuruketelwa; nguko vanana va hokile kuhefemulwani, kambe kuwalo mtamo waku va txi velekwa.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Mavingu 22:3

Wo pfisisa wa wona phango e sisala; aniko avale vo divala va pinda ngu kona ve xaniswa.

2 Vakorinto 6:2

Nguko, txona txi womba tiya: Ni ku engisile ngu mbimo ya yinene, kambe ni kuvhuni ngu ditshiku da kuhanyiswa. Ayiya ngu yona mbimo ya yinene, adiya ngu dona ditshiku da kuhanyiswa.

Mithumo 24:25

Kota ngako a nga txi womba ngu ta kululama ni ta kutiñola, ni ta kulamulwa ku kutako, Felikisi a to dhuka, se a txi khene: “Tsula; ni na kudhana ngu yimwani mbimo.”

Jeremiya 49:24

Dhamasku a hetile mtamo; a tshurate, a lava kututuma, a ñotwe ngu kuthava: Xomulo ni kupandiseka si va ñote, kufana ni ka wolava kuhefemula.

Jeremiya 30:6

Wotisani koko, ina wamwamna a nga sikota kuveleka kani? Ngu kutxani ni wonako vavamna mmweyo ni mmweyo a ti ñolako txiwunu nga wamsikati a lumwako kani? Nguko txani tikhohe totshe ti nga thuvika kani?

Jeremiya 22:23

Awe wu u nga aka Libhanoni, u ku ni txisaka txako madhavini ka mikedhari. Ngu xaniseka ka kutxani u no va nako ngako u txi na humelwa ngu makhombo, ngu pandisa ni tihuwa ku nga wamsikati a lumwako.

Jeremiya 13:21

U na txani ngako a txi veka vakakwanu ku kufumela kani? Ngawe u nga va gondisa kuva vanyamne vako. Ina kha ti na mbi panda kwako nga wamsikati a lumwako kani?

Jeremiya 4:31

Nguko napfa dipswi do fana ni da wamsikati a lumwako, na di txi dikwila nga wamsikati wo tiwula. Dipswi da m'horana wa Siyoni, a hefemutekako ni kunawuluta manza akwe, a txi khene: “Yowe, dikhombo dangu koko! Moya wangu wa tsivala masoni ka sidayi.”

Isaya 66:9

Ina ni nga tula mrumbu wa mame se asi hefemuli, kuwomba Mkoma; ni ndi na hefemulisa, ni tshumela ni vhala msembe mame kani? Kuwomba Txizimu txako.

Isaya 21:3

Ngu toneto, txiwunu txangu txi taletwe ngu kupanda ka hombe; kupandiseka ku ni ñote ku nga kupandiseka ka wule a lumwako; na xaniseka ngutu, aha ko kha ni sikoti ni kuengisa, ni dhukile ngutu, kha ni sikoti ni kuwona.

Johani 16:21

Wamsikati, txikhati txi a lavako kuhefemula, wa xaniseka, nguko yi hokile mbimo yakwe; aniko msana ka kuhefemula mwanana, kha ku alakanyi kambe kuxaniseka, ngu litsako li a li pfako la kuvelekwa ka m'thu ha mafuni.

Dhewuteronome 32:6

Nguko tontiya mi tshumetelaka ngu tona ka Mkoma, anu vathu va wupumbu ni kwa mbi ziva, kani? Ina hi nga ene Tate wako, ni m'vangi wako kani? Ene apune a kumahile a txi ku emisa!

Hoseya 5:4

Kha va lavi kululameta mithumo yawe, kasiku ve tshumelela ka Txizimu txawe; nguko moya wa wugelegele wu hagari kwakwe, kambe kha va zivi Mkoma.

Johani 5:4

Nguko, ngelozi yi ti txhikela dizivani ngu mbimo yokari, yi ta vhilusa mati; se awu a nga txi thanga ene e wulela, na mati ma di ngadi kuvhiluswa, a ti ti hanyiswa ka wulwati wakwe, hambi wuhi ni wuhi.