Hoseya 13:1 - Bhiblia Yo Sawuleka

¹ Mbimo yile Efrayime a txi womba-womba, ku ti ti dhudhumelwa; a guletilwe kona Israyeli; kambe ene a ti ningile m'nandu ngu Bhahali se a txi fa.

Hoseya 13:1 Referans Kwoze

Hoseya 11:2

Kambe ngako ni txi va dhana vona va ti nitshuralela; va ti ti phaxela ka va ka bhahali, ve hisela dibaselo sithombe so vatwa.

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

Mavingu 18:12

Mbilu ya m'thu ya ti guleta na ku si se hoka kufuviswa kwakwe; ku khata ti veke hahatshi, se kudhundeka ku nata.

1 Vafumeli 12:25

Se Jerobhowamu a to aka Sikemi, ka mmango wa Efrayime, e zumba konaho, a to khukha nguho eya aka Penuweli.

1 Samuwele 15:17

Se Samuwele a to khene: Hambi ku awe u ku m'dotho kuwonani kwako, khwa vekwa kuva mthangeli ka tihunzu ta ka Israyeli kani? Kambe Mkoma a ku totile kuva mfumeli txitimwi ka Israyeli.

Valamuli 12:1

Sekoko vathu va ka Efrayime va to tshangana, ve txhatuka va txi ya wuphemba, se va txi kha vona ka Jefta: “Ngu kutxani u nga yalwa ni vanana va ka Amoni, kambe u si hi dhani hi tsula ni nawe kani? Hi na hisa nyumba yako ngu mndilo, kumweko ni nawe nyamne wa yona!”

Valamuli 8:1

Sekoko vathu va ka Efrayime va to womba ka Gidhiyoni va txi kha vona: “I mhaka muni u nga mbi hi ramba mbimo yi u nga huma u txi yalwa ni Vamidhiyani kani?” Va to kanetisana nayo ngu mtamo ngutu.

Joxuwa 3:7

Se Mkoma a to khene ka Joxuwa: Nyamsi ni na khata ku kukulisa masoni ka votshe va ka Israyeli, kasi kuve ziva tito, ni na va kumweko ni nawe, nga kule ni ngava kumweko ni Mosi.

Mitengo 13:16

Aawa ngu ona matina a vathu va Mosi a nga va ruma kuya xola ditiko; konaho Mosi a to thula Hoseya, mwana Nune, ditina daku: I Joxuwa.

Mitengo 13:8

ka lihunzu la ka Efrayime i Hoseya, mwana Nuni;

Mitengo 10:22

Msana keto, ku to khukha m'jeke ngu wugoveloni ka vanana va ka Efrayime, madingano ni mabutho awe a tiyimbi; se ka dibutho dawe da yimbi, ku ti ti ni Elisama, mwana Amiyudhe.

Genesisi 2:17

aniko u nga dye mndonga wa kuziva ta tinene ni ta kubiha, nguko, ka ditshiku dile u no dya, kufa u na fa.”

2 Vakorinto 5:14

Lirando la Kristu la hi kurumeta, ngako hi txi pimisa ti to m'thu wammweyo a fete votshe, se ti di ngeto, votshe va fite.

Varoma 5:12

Ngu kota yeto, ngako txionho txi nga wulela ha ditikoni ngu mhaka ya m'thu wammweyo, ngu msana ku txi wulela lifo, ngu toneto lifo nilona li wulelete votshe vathu, nguko votshe va onhile.

Isaya 66:2

Nguko dianza dangu di mahile sotshe simaho siya, se sotshe simaha siya si to mahwa, kuwomba Mkoma; aniko wonani awu ni no muwona: Ka txisiwana, ni wule wo xaniseka moyani, kambe a dhudhumelako masoni ka dipswi dangu.

Jobe 29:21

Va txi nipfa, va ti ti verela va di malate, va ti ti pfisisa sileleto sangu.

Jobe 29:22

Ni txi heta kuwomba mapswi angu, va ti si xamuli, se ditshuri dangu di ti ti jomba txitimwi kwawe;

Hoseya 2:8

Ene koko, kha tizivi ti to ani ni mnigile sakudya, ni dosi, ni mafura, kambe ni muengetete silivhela ni nzalama, sile va nga maha ngu sona txithombe txa Bhahali.

Hoseya 8:4

Vona va ti mahete vafumeli, kambe na i si nga ngu kuranda kwangu, va ti emisete vathangeli, aniko ani kha na tiziva; va ti mahete sithombe ngu silivhela ni nzalama yawe, kasi kuva txi loviswa.

Isaya 7:8

Nguko m'zinda ka Siriya ngu Dhamasku, ni msungo wa Dhamasku i Rezimi; se mndani ka mtxhanu wa magumi ni dimwedo, ni mtxhanu wa malembe, Efrayime a na xaselwa, e leka kuva ni vathu.

Hoseya 2:10

Se konkuwa, ni na vhunungula wumbwiri wakwe masoni ka sigango sakwe, kambe kha ku na wu a no mtxhatxhisa manzani kwangu.